الاريش جان حط سهمك مع الاسهم الي لها إرتداده بكره بس مانزل صاعد اليوم
بوفهد
أخذت قرار من الاسبوع اللي طاف
أسهم ما عليها تداول قوي وغير شعبية ماراح أتابعها
تدري جم الكمية اللي كانت عندي في بتروجلف كان عندي حوالي 640 الف
لوع جبدي وجمدني فوق شهر ونص قمت بعت 440 الف وخليت عندي 200 الف
وخسرني حروة الف دينار ومو زعلان عالخسارة لأنها تتعوض بإذن الله
بس سهم كرهته لأن صانع سوقه غير محترم يدري أن وايد ناس دشو فيه ومارح يصعد لين يبيعهم اسهمهم
وشوف السهم لأن تابع لقروب المدينة نايمين نومة أهل الكهف
انا ما ادري هالناس شلون تفكر بدل لا ترغب الناس يدشون وياهم لا قاعدين يكرهونهم بالسهم
انا شي اللي حادني ادش على سهم واتجمد شهور علشان ناس مو محترفين اصلا
انا الحين سياستي الأسهم الشعبية واللي عليها تداول يومي
على الأقل طلبات موجودة وتداول يومي تقدر تطلع بأي لحظة
حتى لو تلاحظ من بداية الشهر الأسهم الصغيرة مثال
البيت صعد من 50 إلى 56
أعيان من 44 إلى ال 50
صكوك من 44 إلى 52
ابيار من 26 وصل الاسبوع اللي طاف 29.4
وغيرهم وايد أسهم
أما قروب المدينة كله نزول
لا واليوم مكمل نزول مع نزول السوق
بس ما يمنع بوفهد لما يشتغلون عليهم واشوف عليهم تداول قوي راح ادش وياهم
كافي تدوير وضغط
