ابي استشاره قانونيه للقضايا المالية

الموضوع في 'قسم الإستشارات القانونيه' بواسطة bujassim, بتاريخ ‏7 أكتوبر 2017.

  1. bujassim

    bujassim عضو جديد

    التسجيل:
    ‏6 أكتوبر 2017
    المشاركات:
    2
    عدد الإعجابات:
    0
    السلام عليكم
    يعطيكم العافيه

    بغيت استفسر انا صارتلي عمليه نصب واحتيال
    شخص قالي اشتري منك 4 تلفونات من الغانم واعطيك عليهم 1000 دينار
    ويوم رحت عند الموظف قالي ماتمشي معاملتك لازم تغير جهازين
    المهم غيرنا وحطينا بدال التلفونين عدد 2 اجهزة كهربائية
    وبدال ال1000 اتفق معاي بان يعطيني 700 دينار ومن شركة ثانيه 300 دينار

    المهم سوينا المعامله وعطوني الفلوس
    ثاني يوم اشوف الفاتوره ولا ماخذين اجهزة قيمتها 2320 دينار ( تلفونين + غسالتين + 4 طباخات والخ)
    ومعطيني عليها 700 دينار فقط + الفوايد
    ويقولون لا احنا بس حطينا تلفزيون وغساله الجذابيييييييييييييييييييييييييييين

    يعني عطوني 700 دينار وبردهم للغانم فوق هالمبلغ 3000
    يعني الاجمالي 3700 دينار

    وقلت ماني رايح الشركة الثانيه عشان لاينصبون بعد

    المهم اشتكيت عليهم يوم عرفت النصبه وحققوا معاه قالهم لا احنا كنا شخصين ماكنا 3 اشخاص ( يعني جذب بالمحضر)
    ويقول احنا فهمناه ( طبعا نصااااااااااااااااااااااب )
    حاليا قالي المحقق انطر قضيتك بالمحكمه شهر او بعد شهرين جيك عليهم بالعدل عشان تعرف متى جلستك وهذا انا ناطر

    اللي واعدته واحد ومعاه اثنين
    الأول تواعدت وياه بالغانم
    والثاني استلم التلفونين والاجهزة
    والثالث سلملي الفلوس

    يقول عن الشخص الثالث احنا مانعرفه وماكان معانا وانا اخذت رقمه يوم سلملي الفلوس
    وحتى الشخص الاول لاتدق عليه خلك معاي هذاك خل يولي

    والأول هذا لاقي اعلانه بالتويتر
    وبعد شهر من هالسالفه مسح بعض التغريدات وقام يحط صورة جسمه واوصاف مخله للآداب ويحرض الناس عالفسق والفجور والمشكله للحين بعض الاعلانات موجوده مع المحادثات اللي يكلم فيها ناس اللي محرضهم

    هذا شنو وضعه القانوني ؟ نصاب + تحريض عالفسق والفجور ؟ جذب بالمحضر !!

    انا الحين ابي ارد حقي اللي اخذه

    الشخص الثاني طلع شريطي يبيع هالأجهزة
    والشخص الثالث طلع يبيع اجهزة تلفونات بالأقساط

    ابي محامي شااااااااااااااطر يردلي حقي
    لان بس وقعت عالمعامله ماستلمت شي بيدي والأجهزة وصلت بعنوان اللي حاطينه واكيد اللي استلم الاجهزة موقع على اوراق استلامهم

    قاعد ادفع اقساط عالفاضي وانا مومستلم شي بس 700 وبرد فوقهم 3000 ؟


    ساعدوني ياجماعه لان تدرون بعد هالسالفه اللي صارت ماعندي فلوس حق محامي

    شنو اسوي ولله نفسيا تعبان من هالسالفه
     
  2. bujassim

    bujassim عضو جديد

    التسجيل:
    ‏6 أكتوبر 2017
    المشاركات:
    2
    عدد الإعجابات:
    0
    اسبوع ومحد جاوبني وين اهل المنتدى والخبره

    على الأقل لوفي رقم مستشار قانوني اكلمه وتساب ؟
     
  3. بدون مجامله

    بدون مجامله عضو نشط

    التسجيل:
    ‏21 مارس 2009
    المشاركات:
    2,774
    عدد الإعجابات:
    564
    مكان الإقامة:
    الكويت