&&&&& صفحة متابعة السوق &&&&&

[justice]

فيهم سهم لا يحوشك

للتوضيح

الشارتات المنشوره مجرد عرض لحركة و مسار عدد من الاسهم خلال فترة التداول لمساعدة متداوليها ...

و لم اكتب اي تعليق عليها ... سوى شارت مزايا كتبت تحته ارتداد لإنه ارتد اليوم


و اللي في بالك كاتب عنه تنبيه يوم الجمعة

السلام عليكم


يرجى الانتباه

الإثمار


كاسر قناة الارتفاع

و دخل المنطقة السلبية .. عند السعر طالع الشارت

و على الاسبوعي شمعة تشي بهبوط

 

[وايلي]

للتوضيح

الشارتات المنشوره مجرد عرض لحركة و مسار عدد من الاسهم خلال فترة التداول لمساعدة متداوليها ...

و لم اكتب اي تعليق عليها ... سوى شارت مزايا كتبت تحته ارتداد لإنه ارتد اليوم

ماقصرت

انا اقصد كويتية

 

[justice]

ماقصرت

انا اقصد كويتية

مشاهدة المرفق 276978

الوايلي راجع لون الشمعة ............

شفت شارته يوم الخميس و مبين فيه ارتفاع 31 فلس من سعر الاختراق ..يعني ارتفاع لحروة 156
و اهملته ...

اكو احد يـصدق ان سهم حكومي يرتفع

 

[smsxxxsms]

‏
‏نمو أرباح "الشركة الكويتية للاستثمار" بنحو 3 أمثال عن 2017 وتوصية بتوزيع 20 فلسا مقابل السهم

‏غداً ملف ساخن لشركة زين.. ومجموعة الأوراق تُصعّد - العربية.نت
‏⁧‫#بورصة_الكويت‬⁩
https://twitter.com/smsxxxsms/status/962713915015786497

 

[SpeciaL 1]

السلام عليكم ورحمة الله وبركاته
أسعد الله أوقاتكم

الواحد من يترككم تعفسون السوق

ارتداد السوق من 6533 حاليا وقبلها 6531 يخلينا نركز على هالمنطقة
كسرها يطول التصحيح

والله الموفق

 

[mdd]

دام انه محافظين على 6504 فحنا مازلنا داخل المسار الصاعد

السلام عليكم ورحمة الله

صبحكم الله بالخير

خير الكلام ماقل ودل

لازلنا داخل المسار الصاعد ونقطة دعمه متحركه غدا عند 6514 متى ماتم الكسر راح نعتبر دخل التصحيح فعلي للموجه من قاع 6027
اتوقع هدف الكسر اذا تم 6292 مرورا قبلها بنقاط دعم بالترتيب كالتالي
6455 6374 ثم الاخيره 6292

الاقفال فوق 6664 ايجابي

هذي خارطة الطريق للايام القادمه وبالتوفيق

 

[نواخذة الكويت]

 

[justice]

صباح الخير ,,,,,,



متوقع تراجع المؤشر الوزني اليوم .. و بالتبعية تراجع الاسهم القيادية ....





::::::::::::::.......................

 

[ابومحمد 1920]

صباح الخير على الجميع

 

[سرور]

السلام عليكم
صباح الخير على الجميع

 

[ابومحمد 1920]

سهم سنرجى ما يتحرك الظاهر يتبع يورصة بنغلادش

 

[نواخذة الكويت]

الكويت 13+
السعودية 28+
دبي 1-
أبوظبي 18+
قطر 31-
مسقط 17+
البحرين 2+

 

[ابومحمد 1920]

ابويوسف صباح الخير الظاهر ما فى السوق الا انت وانا وسرور

 

[نواخذة الكويت]

ابويوسف صباح الخير الظاهر ما فى السوق الا انت وانا وسرور

هلا بومحمد صباح النور

موجودين الشباب ،، قاعدين يتابعون حلالهم الله يرزقهم

و بونزهان و بوعبدالعزيز مكانهم بالصفحة واضح الله يحفظهم ( كانوا محركين الصفحة )

و بوعبدالله الصياد الله يذكره بالخير في بعثه دراسيه في زنجبار

الحين ريم تحرق اعصاب المتداولين و الكل يدش يتحلطم

 

[ابومحمد 1920]

هلا بومحمد صباح النور

موجودين الشباب ،، قاعدين يتابعون حلالهم الله يرزقهم

و بونزهان و بوعبدالعزيز مكانهم بالصفحة واضح الله يحفظهم ( كانوا محركين الصفحة )

و بوعبدالله الصياد الله يذكره بالخير في بعثه دراسيه في زنجبار

الحين ريم تحرق اعصاب المتداولين و الكل يدش يتحلطم

الله يحفظهم ان شاء الله ريم تعينونى على مهرها واخذها واريحكم منها ياخوفى الصياد رحلته لزنجبار لدراسة شىء ثانى

 

[Navigator]

انتم للحين بالسوق

 

[ابومحمد 1920]

انتم للحين بالسوق

وين نروح سكر المنتدى نمشى

 

[سرور]

ابويوسف صباح الخير الظاهر ما فى السوق الا انت وانا وسرور

أنا رحت للعملات الرقمية والحمدلله ربحت ورجعت للبورصة ..
لاحد يقرب البيتكوين وربعه لو مكمل فيه كان خسارتي كبيرة

 

[ابومحمد 1920]

أنا رحت للعملات الرقمية والحمدلله ربحت ورجعت للبورصة ..
لاحد يقرب البيتكوين وربعه لو مكمل فيه كان خسارتي كبيرة

الله يبارك لك وخلك عند بورصتنا نعرف لها وتعرف لنا

 

[Trillion]

السلام عليكم
من الناحيه المتداولين محد بقى واللي بقى مل وقام ما يتابع الانه الحركه في السوق حتى مو شبه معدومه معدومه
ولا ارتفاع فوق ال 1% وقيمه تداول 9 مليون ! شوفوا الاسهم الاكثر ارتفاعا اليوم عددهم 6 شركات تداولهم ك قيمه كلهم مع بعضهم ( مجتمعين ) لا يتجاوز 3000 د.ك وكذلك طالع الاسهم الاكثر انخفاضا اليوم قيمه تداول 6 شركات لا تتجاوز 10 ألف دينار
ف اذا الاكثر ارتفاعا اسهم بالاساس خامله 99% من المتداولين لا يملكون فيها واهي اللي قاعده تحدد مسار السوق بقيمه زهيده لو اي سهم بسوق الامريكي او عمله او سلعه مثل ذهب والنفط او الغاز ترتفع 1% جان شفت كميه شرا والبيع عليها
ولكن احنا كل شي عندنا شكلي وهمي مثل قرارتنا اللي تصدر في محاربه الفساد وتطوير ورؤيه 2035 وغيرها
استغرب من المتداولين حاليا يحللون سهم واذا ارتفع 20% إلى 30% شهر أو شهرين قالوا شوفوا سهم وين وصل وين كان ايقولولك بورصه الكويت مافيها خير! ( مساكين من اللي شافوه قاموا يرضون ب اي شي دام في ناس قامت تضارب على فلسين و 5 فلوس )
يمكن ما يدري انه الهيئه غيرت نظام تداول ليرتفع السهم في يوم واحد فقط 20% ما عنده اي مشكله وطبيعي مثل ايام قبل 10% كنا انشوف كذا سهم يعلق يوميا ولكن كانت نسبه 10% تتناسب مع حجم سيوله متداوله يوميا ف السوق يساعد على الارتفاع في الحد الاعلى اما حاليا السوق ضعيف وقيمه تداول اقل من السابق واما الان اذا شفنا سهم ارتفع 20% ف الكميه او قيمه تداول ما تتجاوز 100 د.ك
اللي مستانس على هالارتفاعات في الوقت الحالي على بعض الاسهم متأكد 1000% ما جرب تداول لا بالعملات والسلع ولا الاسهم الامريكيه ولا العملات الرقميه اللي تذبذب فيها بالجلسه الواحده اذا سلعه او عمله 1% يوميا نزولا ولا صعودا اقل شي ناهيك عن العملات الرقميه اللي حركه اليوميه صعودا ونزولا من 10-25%
شخصياً خبرتي بالسوق الكويتي 15 سنه لم اتوقف عن تداول يوم واحد الا بدايه 2017 غيرت استراتيجتي بالسوق الكويتي وتوجهه على اسهم التوزيعات واللي من المتوقع لها نمو في الارباح خلال السنوات القادمه كاستثمار طويل المدى واغلبهم اسهم تعتبر خامله للامنه هذا ما يعيبها ووقت التخارج ولكن ممتازه من حيث التوزيعات والبيانات الماليه ومجلس الاداره واما تداولي يومي ومضارباتي صارت على فوركس والاسهم والمؤشرات الامريكيه وكذلك العملات الرقميه بانواعها .