تم ترقيه بورصه الكويت الى الاسواق الناشئه ‏Msci ...

[al7ar]

مبروووووك الترقيه وان شاء الله الامور تتحسن الى الافضل ...

 

[الراقي]

مبروك
بس نبي واحد يشرح الموضوع بتفصيل لاني اشوف الناس تبارك بتويتر وحنا ضايعين

 

[نصوح]

بالمبارك منكم المال ومن الترقية العيال ،،،،،،،،

 

[السعد محمد]

مبروك
بس نبي واحد يشرح الموضوع بتفصيل لاني اشوف الناس تبارك بتويتر وحنا ضايعين

يعني الاجانب راضين عليكم

 

[سناعيس]

وش الاستفاده من هالترقيه
معاريس اثنين والمجانين ألفين

مسميات ونياشين مدفوعة الثمن

 

[عجبي]

أخيرا ترقينا .. شيل وحط ومكانك راوح

 

[العرضحالجي]

نسأل الله الخير للجميع

 

[adel8877]

لا تستعجلون لاحقين على التطفيش .

 

[al7ar]

هههههههه خوووووش ترقيه بصراحه ؟؟؟

هذي مع الترقيه وجذي نزول عيل لو مافي ترقيه شنو يصير بالسوق ههههههه..؟؟

والله المستعان ...

 

[المال والبنون]

الترقيه اطلعت رقيه حمره ماصخه

 

[مجد 91]

باجر الخميس تتضح الصوره لاثر الخبر على البورصه

 

[عندك سلف]

ترقية السوق الكويتي إلى سوق ناشيء بمؤشر MSCI يعني ان أموال ومحافظ ستدخل إلى السوق الكويتي بمنتصف 2020
هذه الأموال تقدر ب 2 مليار دولار
موزعة على اسهم محدودة معظمها الأسهم القيادية ذات الدوران العالي
مثل البنوك وزين واجيليتي..الخ

طبعا الترقية جاءت مشروطة بشرطيين يسيرين
والبورصة وهيئة أسواق المال يعملان على تحقيق هذه الشروط في اقرب وقت

وللعلم سبق هذه الترقية ترقيات أخرى لمؤشرات أخرى غير مؤشر MSCI...
مثل مؤشر فوتسي و s&P
واذا تذكرون قبل كم شهر كان في تداول استثنائي على الاسهم القيادية تجاوز ال١٠٠ مليون دينار...
هذا كان بسبب دخول الأموال المرتبطة في هذه المؤشرات...

متفاءل بارتفاعات تدريجية متركزة على الاسهم القيادية و تتبعها نتائج جيدة لشركات الاستثمار والعقار التي تمتلك اسهم في البورصة..وان شاء الله تدور عجلة الاقتصاد بوتيرة متزنة ...