يوم الاحد انت وين

[الراقي]

يوم الاحد راح ترجع البورصة ان شاء الله
انت مع فريق اللي يقول فرصة طيبة لمضاربة بعد نزول يوم الثلاثاء والكلام عن الناحية الفنية السوق مقبل على نزول هذا كلام فاضي
او انت مع الفريق اللي يحترم التحليل الفني ويشوف السوق نازل
او انت الفريق اللي يبي يشوف شنو يحدث يوم الاحد اول السوق وبعدها يحكم
او انت مع الفريق اللي مدمن تدول ومايدري شنو التحليل الفني او تحليل مالي وصار له السنين ربحان بالخبرة والتوصيات والعلاقات

 

[سناعيس]

المضاربين مع اول السوق,, كلها دخول

بعدها اهل السوق يقودون الباص بالجميع

 

[قـنـــاص2]

الفريق اللي يبي يشوف شنو يحدث يوم الاحد اول السوق وبعدهايحكم

خصوصا بعد خبر اصابة ترامب بالكرونا ونزول السوق الامريكي الآجل

 

[ali-22]

اتصور اتجاه السوق بشكل عام صعود باذن الله
يمكن فتحت الاشاره الحمره عطوهم الضؤ الاخضر

 

[forward]

الرئيس الأمريكي ترامب يعلن عن إصابته وزوجته بفيروس كورونا

https://www.investing.com/news/stoc...ocks-slump-trump-tests-covid-positive-2313796
​

 

[السعد محمد]

السوق ارتفاع بقاب
ما راح تحصل اي سهم صاعد وفوق قيمته 4 نقاط *
-------------------------------------------
5 نقاط * تعني اذا السهم يصعد فلس فاربع نقاط تعني 4 فلوس واذا السهم يصعد باعشار الفلس لن تجد اقل من نص فلس

 

[الراقي]

من ردود الشباب الاغلب مشفط حق المحللين اللي يقولون ان السوق نزول
التحليل الفني فقد المصداقية عندنا بسبب الاخطاء القاتلة لبعض من يدعي انه محلل فني
اشهر جملة في التصريف بستخدام التحليل الفني لاتبيع نازل موجة وراجع انطرني
يعني يحرمك من توقيف الخسارة ويدبولها عليك

 

[ولدالديره]

سيناريوهات كثيره مطروحه
بدايه حمراء واقفال اخضر . زيادة في التجميع
بدايه خضراء لتصريف مشتريات الثلاثاء
او فلات لزيادة التجميع
عن نفسي راح اشوف الوضع عالساعه تسع ونص . تالي افكر

 

[AL-mutairi]

نزول الثلاثاء كان سريع و قوي واعتقد الاحد يكون الدخول قوي ل تعويض الثلاثاء الاحمر ،، عن نفسي راح ادخل ع سهمي ابرد عليه

 

[السعد محمد]

سيناريوهات كثيره مطروحه
بدايه حمراء واقفال اخضر . زيادة في التجميع
بدايه خضراء لتصريف مشتريات الثلاثاء
او فلات لزيادة التجميع
عن نفسي راح اشوف الوضع عالساعه تسع ونص . تالي افكر

راح يطوفك الباص .... وعشان تحضر لازم مع ولي الامر

 

[المطرود]

لا نتسرع وننتظر ساعة زمان ونشوف توجه السوق وعلى فكرة السوق مو طاير حنا اللي طايرين

 

[نواخذة الكويت]

أتوقع اللونيين بكونون حاضرين في يوم الاحد

الأحمر و الأخضر

أول ساعة بتكون مراقبه للسوق ،،

مع الخيل ياشقرا ( إغسل إيدك أسويها ) اسواق المال ما فيها يمه ارحميني

فقط إن حصلت لي فرصه ذهبيه بأسهم انا مراقبها و عارفها دخلت

سلام

 

[Bursa2016]

اطلب باسعار يوم الثلاثاء اول الصبح اذا ما عطوك اسحب طلبك
اعرض باسعار يوم الاثنين اول الصبح اذا ما شروا منك اسحب عرضك

والله اعلم

 

[صاعد نازل]

لا تنسى قانون اشهار الافلاس

صدر فى اليوم الحزين

اظن اكثر الاسهم فرحا من هذا القانون هي الشركات المتعثره ماليا

و اظنها هي افضل الاسهم الاسبوع القادم

و العلم عند الله

 

[سوق الاوراق]

السلام عليكم

شيخنا وابونا وابو السياسة والانسانية الشيخ صباح الاحمد الصباح رحمة الله عليه سيترك فراغ كبير بقلوبنا وبقلوب العالم عسى ربي يغفر له ويرحمه ومثواه الجنة ان شاء الله ..
بما لاشك فيه الموضوع مو بهذه البساطة لنتوقع ما سيحدث بالسوق يوم الاحد ،،،
وبهذا اليوم بالذات سنعرف ونكتشف حقيقة الوضع على الطبيعة . لان النقيضين حاضرين بقوة بالمشهد السياسي والاقتصادي ،،،،،
١- تسمية ولي العهد
٢- ترقية السوق ...
ربعنا شطار خلونا نشوف وين يبون يودونا بالضبط وشنو الاولية والاهمية هل معرفة شخص ولي العهد او قرب موعد ترقية السوق تاثيره الاقتصادي اهم من السياسي ؟؟؟؟....​

 

[نصوح]

اللي مكيش يتمنى نزول السوق
واللي شاري يتمنى صعود السوق

 

[الراقي]

اللي مكيش يتمنى نزول السوق
واللي شاري يتمنى صعود السوق

هذي المرة حتى المكيش والمشتري خايفين
صارت سنة ٢٠٠٨ كثير من شباب اخرجو من السوق قبل الانهيار ودخلو بعد نزول ٥٠٪؜ من قيمة الاسهم وبعظهم دخل عند ٩٠٪؜ من نزول مع ذالك حظهم طاح بشركات طلعت والان خارج السوق مع العلم كانت تملك بيانات مالية قوية بس كانت كلها مضروبة ومزورة منها عارف والدار و الدولية للايجارة والانابيب و كثير من الشركات اسعارها فوق نص الدينار الى الدينارين ونص منهم مركز سلطان اللي شبه فلس وخفض رآس المال وسعر شوفت عينك

 

[نصوح]

هذي المرة حتى المكيش والمشتري خايفين
صارت سنة ٢٠٠٨ كثير من شباب اخرجو من السوق قبل الانهيار ودخلو بعد نزول ٥٠٪؜ من قيمة الاسهم وبعظهم دخل عند ٩٠٪؜ من نزول مع ذالك حظهم طاح بشركات طلعت والان خارج السوق مع العلم كانت تملك بيانات مالية قوية بس كانت كلها مضروبة ومزورة منها عارف والدار و الدولية للايجارة والانابيب و كثير من الشركات اسعارها فوق نص الدينار الى الدينارين ونص منهم مركز سلطان اللي شبه فلس وخفض رآس المال وسعر شوفت عينك

صباح الورد بوعبدالله
نبي توقعك بعد قلبي ،، أنت من الناس القدامى المخضرمين
ولَك باع طويل وصولات وجولات بهذا السوق اللي ما ينعرف له

 

[نواخذة الكويت]

السلام عليكم

نصيحة ( في حالة بأن السوق صاعد يوم الأحد ) أو في أي حالة تكون شاري سهم

حدد النسبة اللي تبيها من السهم

تبي 5 % اذا وصل اطلع تبي 10 % اذا وصل اطلع

تبي فلسين اذا وصل اطلع تبي 4 فلوس اذا وصل اطلع

مافي شيء اسمه صعود إلى ماله نهاية ،، حققت هدفك و مُرادك من السهم اطلع منه

لا تشتري وتنطر القمه ( لا يعلم بها إلا من يتحكم بالسهم )

حالة الإنتظار تكون للأسهم الإستثمارية الواعده الممتازة المدروسه ميزانيتها اللي توزع أرباح .... إلخ ( ليس الأسهم المضاربية )

والله يوفق الجميع إن شاء الله

سلام

 

[السعد محمد]

هذي المرة حتى المكيش والمشتري خايفين
صارت سنة ٢٠٠٨ كثير من شباب اخرجو من السوق قبل الانهيار ودخلو بعد نزول ٥٠٪؜ من قيمة الاسهم وبعظهم دخل عند ٩٠٪؜ من نزول مع ذالك حظهم طاح بشركات طلعت والان خارج السوق مع العلم كانت تملك بيانات مالية قوية بس كانت كلها مضروبة ومزورة منها عارف والدار و الدولية للايجارة والانابيب و كثير من الشركات اسعارها فوق نص الدينار الى الدينارين ونص منهم مركز سلطان اللي شبه فلس وخفض رآس المال وسعر شوفت عينك

خذها مني
اجيلتي - بيتك - بنك وربة تحديدا واغلب اسهم السوق
لن تراها لمدة اسبوع اقل من سعر اقفال الثلاثاء
باذن الله