يا شباب ابي نصيحتكم في دورة ؟

[wildibm]

هلا بالشباب

ابي يا شباب دورة تكون ممتازة بحيث تهيئك اكثر واكثر للسوق
ونبي المحاضر يكون اسلوبه ممتاز في الشرح


بارك الله فيكم

ارسلوا لي الرقم على الخاص او حطوا الرقم هني

في دورة دايما القاها في الجرايد للأستاذ فهد محمد الصقر

شرايكم فيه
دورته ب 75 دينار


لا تنسونا

 

[بومشـــاري]

الدورات اخوي وايد

في دوره يسويه الاخ سيف العجمي في منتجع الهيلتون بالمنقف وتقدر تكلمه اهني بالمنتدى


وفي دوره بتاريخ 28/1
سعره 350 دينار
مدته ثلاث ايام
يعلمونك قانون فوبوناشي
منو فيبوناشي وشنو يبيع مادري بس انا بدخل هالدوره واتعلم
يايبين ناس متخصصين بالسوق الكويتي والامريكي
وشرطهم انك ماتطلع اله وانت فاهم كل شي

 

[wildibm]

مشكور على الرد السريع


بس اذا ما فهمت؟

هل يعيد لي بنفس الوقت؟
ماعتقد لأن كلمت واحد وقالي لازم تعيد الدورة كلها

فلهذا السبب انا قاعد ادور على واحد جرب دورة معينة

وتقدرون تردون علي هني على ترسلون لي على الخاص

 

[شاري بايع]

نصيحه لوجه الله

السلام عليكم

أنا متخرج من دورة المؤشرنت للمهندس سيف العجمي في 17/12/2005
بسعر 200 ولكن الصراحه إنها تستاهل أكثر لعدة أسباب

1- تتخرج فاهم كل محتويات الدوره
2- تكون على علاقة بالمهندس والشباب الخريجين بالدورات السابقة بنادي المنتسبين للدورة لكي تعرض تحليلك للمهندس والأسئلة التي تظهر لك بأستمرار
ملاحظة بس هذه الدورة للمضاربة فقط ولاتصلح للمستثمر

أخوكم أحمد العازمي

 

[أبـو شـهــد]

ياجماعة اسعار الدورات مبالغ فيها حيل
مافيه دورات جيدة واسعارها مقبولة ؟؟

 

[شاري بايع]

لك الخيار

ياجماعة اسعار الدورات مبالغ فيها حيل
مافيه دورات جيدة واسعارها مقبولة ؟؟

أتمنى من الله أن يوفقكم أمين

عزيزي لايغرك الرخص لأن أثنين من الشباب دخاوا دورات رخيصة وأنا خالفتهم
وكنت متردد
ولكن بعد الإنتهاء قابلتهم وقلت لهم هل حصلتوا فائدة ؟ وشنو تعلمتوا قالوا
ما تصلح وما تعلمنا شيء زين ويمكن ندخل دورة ثانيه

وانا الحين مو متحسف على الملغ ال200 واعتبره ببلاش جدا مقابل ماتعلمت
والله على ما أقول شهيد وليس لي فهذا شيء إلى النصيحة وأن تدعوا لي

 

[الراقي]

نبي دورة بوريم متى

 

[حايس حوس]

اوووووووووووووو دورة ب 200 دينار

واللة غالــــــــــــــــــــــــــــــــــــــــــــــــــــيه حيل


بس خلك بالسوق منت عارف وين اللة قاطك ذيك الساعة تعرف حتي 300 دينار مو وايد علي الدورة القيمة خصوصا عند المهندس سيف العجمي
برايي يعتبر المهندس/ سيف العجمي مدرسة تحليل فني لوحــــــــــــــــــــــــــده

انا اسف جدا مااقصد اي احد من المشاركين بسعر الدورة لكن واللة نصيحة لكم (منت عارف وين اللة قاطك) اكرر اسفي

 

[حايس حوس]

دورة ام 75 دينار

ها واذا اللة وفقك ودشيت دورة ام 75 دينار راح يعلمونك الاتي
عدد الوحدات ؟
اسعار الوحدات؟
كم يرتفع السهم عند كل نقطة تحول؟
اشلون تفتح حساب بالبورصة؟
التداول يبداء من الساعة ....؟ وينتهي الساعة ....؟ واللة صعبــــــــه هههههه :d

انواع قطاعات السوق؟
اسماء انواع السوق ؟ (فوري اجل اوبشن كسور )
كلــــــــــــــــــــــــــــــه كلام فارغ

 

[الراقي]

ها واذا اللة وفقك ودشيت دورة ام 75 دينار راح يعلمونك الاتي
عدد الوحدات ؟
اسعار الوحدات؟
كم يرتفع السهم عند كل نقطة تحول؟
اشلون تفتح حساب بالبورصة؟
التداول يبداء من الساعة ....؟ وينتهي الساعة ....؟ واللة صعبــــــــه هههههه :d

انواع قطاعات السوق؟
اسماء انواع السوق ؟ (فوري اجل اوبشن كسور )
كلــــــــــــــــــــــــــــــه كلام فارغ

ياخوي اذا كانت الدورة بقيمتها اذا كانت غالية يعني الدورة زينه فأنت غلطان وخير دليل ان الربع اخذو دورة عند بوريم بسعر معقول وشباب كلهم يمدحون الدوره وشباب ناطرين الدورة الجاية وانا اولهم

 

[ابومانع]

زين نبي شي وسط يعني لاغالي ولا رخيص

شلووووون؟؟

 

[ebjad]

الدوره مجرد مفتاح لدخول غابه كبيره

أخواني الدوره مجرد مفتاح لدخول غابة كبيره يعيش فيها الكثير من المتداولين ما بين كبير مهيمن وصغير متلهف للثراء السريع منهم من يفهم مهارة البيع والشراء ومنهم من يعتمد على توصيه من هنا وكلام وشائعه من هناك فالدوره تعلمك الاسس الفنيه والتكنيك اللازم لمعرفة مبادئ الرسوم البيانيه ( الشارتات ) والمؤشرات الفنيه والمعدلات المتحركه ومتى تدخل وتخرج من السهم ولكن هذه كلها مبادئ اساسيه وليست كافيه للممارسه والتطبيق الا بالمزيد من المثابره والتعلم بعد الدوره في قراءة الكتب العلميه والنظريه التي تعلم المهارات الفنيه للاسهم ومحاولة تحويل النظريات التي تعلمها خريج الدوره الى ممارسه عمليه وتطبيق فعلي لتجربتي الصح والخطأ . هذا ما أحببت أن أبينه للاخوان طالبي الدورات مع التوصيه بضرورة الالتحاق بها بأسرع ما يمكن . والله الموفق

 

[wildibm]

مو قصدي يا شباب على الغلاء
ابي ناس مجربة الدورة

وانا راسلت اخونا المهندس سيف العجمي
وماحدد وقت للحين

في دورة غير هذي يا شباب؟

 

[bo jassem]

من الاسماء الي تعطي دورات:

م.سيف العجمي
المخيزيم
يعقوب الباش
فهد الصقر
ابراهيم خلف
د.نزار ملا جمعه
ياسر المصري
يحي كمشاد

كلهم دوراتهم انا ماخذه ما عدا يحي كمشاد لانها صاحبي

 

[أبـو شـهــد]

في دورة للاستاذ فهد الصقر
بمبلغ 100 للتحليل الفني
دورة ممتازة وسعرها جيد
ومدتها اسبوع كامل وكل يوم مايقارب 3 ساعات دراسة المجموع 15 ساعة دراسية بالتحليل الفني البحت
دورة دسمة وممتازة انصح فيها اخوانا المبتدئين وشكرااا

 

[wildibm]

في دورة للاستاذ فهد الصقر
بمبلغ 100 للتحليل الفني
دورة ممتازة وسعرها جيد
ومدتها اسبوع كامل وكل يوم مايقارب 3 ساعات دراسة المجموع 15 ساعة دراسية بالتحليل الفني البحت
دورة دسمة وممتازة انصح فيها اخوانا المبتدئين وشكرااا

انت جربت دورة فهد الصقر؟

اذا جربت الدورة فياريت تقولي شلون اسلوبه في الشرح؟
يعني يفهم عدل ؟

 

[أبـو شـهــد]

انت جربت دورة فهد الصقر؟

اذا جربت الدورة فياريت تقولي شلون اسلوبه في الشرح؟
يعني يفهم عدل ؟

اسلوبة ممتاز جداا ولة خبرة طويلة بالسوق

 

[أبـو شـهــد]

علي فكرة انا اخذت عندة دورة المبتدئين وكانت ممتازة وانشاللة بعد العيد بدش الدورة المتقدمة عندة

 

[حايس حوس]

دورة ممتازةوسعرها جيد
بمبلغ 100 للتحليل الفني

دورة دسمة وممتازة انصح فيها اخوانا المبتدئين وشكرااا

ومابي اتكلم اكثر وافتح ملفات امسكرة
كل المعلومات الي يقولونها بدورات (100 او 75 او50 ) دينار
واللة حتي لو شهر مو اسبوع
ولو 10 ساعات مو 3 ساعات
ما يستفيد منها الا الي مايدل وين موقع البورصة بالكويت
واللة انا بس خايف انكم تقطون فلوس ومامنها داعــــــــــــــــــــــــــــي
غير المعلومات الي ذكرتها برسالتي السابقة ماكــــــــــــــــو
انا نصحت وبلغت
وانا اسف اقول (الي مايطيع يضيع )
(مع كامل الاحترام لكل ماذكرتو من اسماء اساتذة )
اقوالها ثاني مرة (المهندس سيف العجمي مدرسة تحليل فنــــــــ ـــــي لوحدة )

 

[wildibm]

ومابي اتكلم اكثر وافتح ملفات امسكرة
كل المعلومات الي يقولونها بدورات (100 او 75 او50 ) دينار
واللة حتي لو شهر مو اسبوع
ولو 10 ساعات مو 3 ساعات
ما يستفيد منها الا الي مايدل وين موقع البورصة بالكويت
واللة انا بس خايف انكم تقطون فلوس ومامنها داعــــــــــــــــــــــــــــي
غير المعلومات الي ذكرتها برسالتي السابقة ماكــــــــــــــــو
انا نصحت وبلغت
وانا اسف اقول (الي مايطيع يضيع )
(مع كامل الاحترام لكل ماذكرتو من اسماء اساتذة )
اقوالها ثاني مرة (المهندس سيف العجمي مدرسة تحليل فنــــــــ ـــــي لوحدة )

يالحبيب ما قلنا كلامك غلط
مشكور على اهتمامك فينا

انا راسلت المهندس سيف وقال للحين ما قرر انه يحاضر

وانا مادري لمتى انتظره
دامني الحين انا فاضي وماعندي شغل قلت اشترك

اخوي ccr
ان شاء الله راح ادخل الدورة

بس وين مكانه؟
يعني اي منطقة يحاضر فيها؟