صفحة الجميع ⭐️ أسهم مختارة ⭐️

[نواخذة الكويت]

السلام عليكم صباح الخير

يه يه يه بويوسف شكله تحمس حق المنتدى

قام يسبق بوقاسم بالسلام في الصفحة ههههههه

وناسه اهني صفحة ابو الريم طلعت أنفه و واسعه

باخذها أنا واذا رجع بالسلامة بقوله

( مالك شي عندي ) و بالمصري

( ملكش حاچه عااااانديييييييي )

 

[نصوح]

نفس الشيئ تشتري مليون سهم ب10فلوس بنفس الفلوس تشتري 10الاف سهم بدينار
المهم نسبة الارتفاع على رأس مالك يعني تشتري سهم دينار ويروح 1250 تربح 25‎%‎ من راس مالك
وبوعشر فلوس نفس الربح اذا راح 12.5 هي هي
ولكن الاسهم الغالية عندها توزيعات افضل من المضاربة لكثير من الاخوان

الفرق يا بوعبدالله الفترة اللي يستغرقها السهم في أعطاءك هذه
النسبة من الربح ،،،،

 

[نواخذة الكويت]

نفس الشيئ تشتري مليون سهم ب10فلوس بنفس الفلوس تشتري 10الاف سهم بدينار
المهم نسبة الارتفاع على رأس مالك يعني تشتري سهم دينار ويروح 1250 تربح 25‎%‎ من راس مالك
وبوعشر فلوس نفس الربح اذا راح 12.5 هي هي
ولكن الاسهم الغالية عندها توزيعات افضل من المضاربة لكثير من الاخوان

والله إني ما كذبت يو قلت عنك ( حكيم المنتدى )

انا عندي جواب المكاسب اللي تحققها من الأسهم الغالية و الوسطية بالسعر

١ - سلمت على رأس مالك وهو ( مكسب )

٢ - الخسارة بالغالب لا تكن كبيرة ( سهم ممسوك )

٣ - إن جائت نهاية السنه و كنت خسران ( يعطيك ارباح ) يخفف عليك الخسارة ،، او يرجعك للربح

٤ - ما تشوف منها إلا إعلانات ( تسر الخاطر )

٥ - سريعه بالقفزات السعرية ،، كلكم شفتوا المباني من 800 فلس إلى فوق ال 910 بأقل من شهر

٦ - أصول عملاقة و مُدره بالإيرادات على الشركة مثال الصالحية

٧ - ميزانية ممتازة مع ارباح مرحله ( تسر الناظرين )

٨ - لو تكون قاعد مع ربعك بالديوانية و تقولهم أنا أملك في شركة الصالحية أو المباني أو بيتك … الخ تشوف العيون كلها عليك و وجهم منبهر و كأنهم يقولون ( يا من حظك )

لكن لو تقولهم انا أملك في مجموعة المدينة أو سهم ميادين أو رمال أو أبيار … الخ بقولون لك قوم صب لنا شاي بسرعة ههههههههههههه

٩ - ( وهو الأهم ) في الأزمات ( قلبك مرتاح )

انت شوف ايفا فنادق شلون دخلت الناس القرقور

لكن أستثني من كلامي هذا بعض الأعضاء اللذين لهم خبره و درايه ومعرفة بالأسهم الرخيصه ( وهم قلة )

ملتزمين في وقف الخسارة على الأسهم

سلام

 

[سناعيس]

صبحكم الله بالخير

موفقين ان شاء الله مع بيتك وأجيليتي

 

[نواخذة الكويت]

الله الله الله عليك يا بن شاكر

 

[نواخذة الكويت]

كفووووووو بيتك ( الفيل ) بداية طيبه ما شاء الله

 

[نواخذة الكويت]

كاسرت الأمواج ( سفن ) ترمي قفاز التحدي

 

[نواخذة الكويت]

 

[نواخذة الكويت]

بعد بعد قلبي غضبان عليكم لي يوم الدين يا أسهمي اذا ما دخلتوني بالربح

لست انا من يهان

 

[نواخذة الكويت]

الْعِيدِ هَلْ هِلَالُه . . كُلّ الطَّرَب يحلاله

يَا رَبَّنَا زَيْد النِّعَم . . وَحُسْن جَمِيع الْحَالَة

عِيد الوَطَن يَا محلاه . . هَل السَّعْد وياه

 

[نواخذة الكويت]

التنييييييييين يكشر عن أنيابه

 

[نواخذة الكويت]

هذا ملخص بداية الجلسة

الحين استودعكم الله ( متابعه منفرده )

 

[بيانو6]

أعيان
السهم خرجت منه اليوم ب108 لاحظت في قوة
شرائيه علي السهم ب107 و108 مقاومة 109
واقفل عليها بصفقه صغيرة طلبت كمية
ب107 و106 آخر السوق وما حصل نصيب
دعم 105 وقف الخساره كسر 100 اقفال فوق 109
عنده هدف 114 و126

السلام عليكم وصبحكم الله بالخير
اعيان تم تحقيق الهدف الاول 114 ما شاء الله

 

[بوقاسم]

السلام عليكم ورحمة الله وبركاته

 

[بيانو6]

المركز
إخر صفقه ب104 والسهم مطلوب ب106 اللي
قريب منه يروح يصحيه من النوم

 

[سناعيس]

وصلنا

بيتك 790
أجيليتي707

 

[نواخذة الكويت]

لو ينزل السوق او يقلص من أرباحه ( طاف ) مالكم شغل فيه

قرب اعلان الربع الثالث

الأسهم الممتازة اللي طاحت في الأزمات الأخيره من حرب و تضخم و كساد وركود ،،،، الخ

وصارت بالحضيض

أصبحت جاذبه للمستثمرين و الأجانب و الصناديق والمحافظ و التجار … الخ

شوفوا السيوله شلون زادت اليوم بشكل ملحوظ في أقل من ساعة

 

[سناعيس]

بو عزوز
الرابطه 58.2
بس تداولها لا يذكر

 

[نواخذة الكويت]

انتوا صايمين ما تكتبون

المهم وحششششششش التنين ما شاء الله عليه

قلنا لكم شركة عملاقة

ال 800 تناديك يا الطيب

 

[نواخذة الكويت]

والله سعر التراب

اليوم ملامس القاع السنوي سهم صيده

مشاهدة المرفق 373088

بنك بنك بنك يا بلاش

مو غريبه تهافت المتداولين عليك على هالسعر

الحين اللي خبركم تعجبه كلمة تهافت