& بوعبدالله الصياد &
عضو نشط
- التسجيل
- 10 نوفمبر 2023
- المشاركات
- 2,347
روحـت مـع مهـب الـريـح ياهمـلالـي
ماحـد جـت لـه الدنيـا علـى مايـريـده
والتجـارب عطتـنـا مـيـزة الاحتمـالـي
ودرستنـا مشـاويـر الحـيـاه البعـيـده
ان مـابـه حـيـاه الا وراهــا زوالـــي
والبـنـادم بهالدنـيـا شبـوحـه بعـيـده
ميـر ماهيـب لامكسـب ولاراس مالـي
كود من حط قولة والنعم في رصيده
وطاب عند البعيد وطاب عنـد الموالـي
وله نصيب الأسد من الخصال الحميـده
وان تثنـت عـزوم مشوربيـن العيـالـي
عزمه اقوي من ظروف الحياه العنيـده
يرتكـي بالمناكـب للحـمـول الثقـالـي
والظفـر يطبـخ فالـراس الـيـا وريــده
خل فعل الجدود وخـل فعـل الخوالـي
نـدري انـك ولدهـم والعلاقـه وطيـده
وندري ان فعلهم يستر بنـات الحلالـي
حتى لـو جـدك كحيـلان وانتـه حفيـده
اما حث القدم واطلع علـى راس عالـي
والا خلك كذا وان مت مـا انـت بفقيـده
