✋ صفحة قِمم لآلئ الأسهم ‼️ ❤️

[نواخذة الكويت]

السلام عليكم

بختصار ( شتان بين بداية السنة و نهاية السنة )

فكل وقت وله خطة و استراتيجية في البورصه ،، وطريقة تتعامل بها مع الأسهم

من الغد 1 - 12 - 2023 العين يجب أن تُشاهد قمة السهم فالوصول لها أو القُرب منها بها مكاسب جميلة تسُر الناظرين

طبعاً الصفحة ( تخُص ) الشركات الربحانه و نمو و توزع أرباح و يا حبذا إن كانت من ( الأسهم الوسطية ) العين عليها و على سعرها الحالي

سوف أذكر السهم و قمته السنويه مع قليل من المعلومات فقط ( الأسهم النظيفة غنية عن الشرح ) تاريخها و توزيعاتها تشهد لها

سبب تسمية الصفحة ،، لأن احنا ما نكتب في صفحة إسمها قاع بعد ليش ما يسمونها صفحة كاشي

فنحن بالقمه و إلى القمه سائرون

وكما قال الشاعر الجاهلي :~

فوق النخل فوق
يابا فوق النخل فوق
مدري لمع سهْمه
يابا مدري القمر فوق

في يوم الخميس الموافق 30 - 11 - 2023 م

أعلن انا نواخذة الكويت المُلقب بدابل المحافظ

عن إفتتاح صفحة ( صفحة قِمم لآلئ الأسهم )

إحــنـا الخـطــاوي الأكيدة على دروب الأمـــل
مثل الريــاح العنيده مـا قـــط عرفنا الــمــلــل

إحنا الخطـاوي الأكـيـدة مثل الريــاح العنيــدة
فـوق الـدروب الـجـديــدة ما قط عرفنا الـملل

إحنا طريق الحضارة قـوه عزيمة و مــهـارة
وشـمـوس علم انتظاره تـطـوي دروب العمل

إحنا في كــل المواقع لـحــن يـسـر الـمسامع
فـجـر على الدنيا طالع يحيي زهور الأمـــــل

الله ثم الوطن ثم الأمير

سلام

 

[نواخذة الكويت]

مهمه جداً جداً هاذي الأسهم

قائمة أسهم النُبلاء ( صدقوني مهمه )

لا تلحق ( سراب ) خلك مع ( الواقع )

 

[نواخذة الكويت]

إجازة سعيدة هنيئه على الجميع

من يوم السبت نشوف قِمم الأسهم

سلام

 

[نواخذة الكويت]

مافيني صبر

إيدي تاكلني ، ودي اتكلم عن كم سهم

أسعارهم ( ناااااااار و شراااااااار ) وقمتهم بعيده چنك رايح أم الهيمان

بعد اشوي أقعد اسولف عنهم

 

[بيانو6]

مبررروك الصفحه يالجار وإلي القمه ان شاء الله
لو سمحت الشركه رقم 9 عدلها المشاركه (المشتركه )

 

[خالد يوسف]

مبروك بالصفحة الجديدة
دائما مبدع ومطور الافكار

وبالتوفيق بإذن الله

 

[نواخذة الكويت]

مبررروك الصفحه يالجار وإلي القمه ان شاء الله
لو سمحت الشركه رقم 9 عدلها المشاركه (المشتركه )

امممممم هلا جيرانا قيعان ارفع صوتك ما اسمعك

احنا بالقمه و إنتوا بالقاع المسافة بعيده بينا

اييييي سمعت ،، أدري بس انا مصورها عدلتها في تلفوني مالي خلق اصورها مره ثانيه

مالقوا بالورد عيب قالوا خدوده حمرا

 

[نواخذة الكويت]

مبروك بالصفحة الجديدة
دائما مبدع ومطور الافكار

وبالتوفيق بإذن الله

الله يبارك فيك ،، مشكور ما قصرت

 

[نواخذة الكويت]

من قائمة ( أسهم النُبلاء ) اللي فوق

منو تتوقعون عملاق ( الأسهم بلا منازع )

هو سهم ( مرزوق محد يطوله ) ميزانيته روعه وحركة السهم أروع من الروعه

انا تابعة السهم فعلاً حركته حلو للمضارب و ميزانيته حلوه ( لعُشاق التوزيعات )

محتل المركز الثالث بالربحية ، طايف شركات تشغيليه عريقه و كبيره و بنوك

احنا قلنا في مُقدمة الصفحة ( شتان )

لاحظوا يا المضاربين القاع و القمه اليومي 30 فلس

لاحظوا الحركة و السرعة بالتعديل من نزول 19 فلس إلى ارتفاع 8 فلوس

نرجع حق قمة السهم وهي الأهم ( بالصفحة )

من صعود السهم في شهر 7 توه أول مره يصل إلى 1.021 فلس

ذهب إلى القمه 1.287

وبدأ التصحيح و الضغط على السهم فتره 5 شهور تقريبا

صحيح إن القاع بعيد ( لكن ) نحن في نهاية السنة و ميزانية السهم ( ممتازة و نمو بالأرباح )

هذا سهم أصبح قريب إلى قلبي ❤️

وجهة نظر

 

[نواخذة الكويت]

منتزهات و ما أدراك ما منتزهات

سهم مظوم جداً و سعره ارخيص جداً جداً

وتوزيعات 2022 م حلوه ( استغرب تجاهل السهم )

صحيح القمه مو بعيده ،، لكن وايد شركات اخترقة القمه مثال مجموعة البحر و بالأخص عقارات

يعني مو غريب على منتزهات ،، مدعومه في ميزانيتها الممتازه و ربحها بالربع الثالث

ولحد يقولك السهم ينزل عن ال 70 فلس ،، انا تابعت السهم عن كثب ( كميات تافها اللي انحذفت تحت ) اغلب الوقت السهم يتداول على 70 - 72

فهل الإنفجار قرب

السهم لو يعلن الربع الأخير ربح و نمو عن السنه الماضيه ما أظن تشوف السهم تحت ال 100

وجهة نظر

 

[نواخذة الكويت]

سهم ( اسمنت )

امممممم مو الى هذه الدرجة يخفسون بالسهم

اشدعوه السهم ما أعلن عن مشكله أو مصيبه حلت عليه

كل اللي صار ،،، ربحية قليله مع تراجع بالنمو

اييييييييي ما توصل السالفة نزول من قمة السهم 234 الى 125 فلس

( لو معلن انسحاب من السوق بيصمد سعر السهم اشوي )

الإرتداد قادم ما أدري ليش أتوقع من 123 فلس

وجهة نظر

 

[نواخذة الكويت]

هذول ٣ أسهم

شوفوهم تمعنوا فيهم شوفوا معطياتهم ،، لا تشتت عقلك بين 100 سهم حط لك ( حُزمة من الأسهم ) اللي مرتاح لها قلبك و تابعها

وإن شاء الله ،، أذكر بعض الأسهم الواعده لاحقاً

آل قيعان آآآل

 

[نواخذة الكويت]

امممممم سهم ( جي اف ) المُلقب ب حلوى شويطر

سعره وايد حلو ،، من كثر ما أهو سهم شعبي
و محبوب من قبل المتداولين ( نزل السهم )

صانع السوق ابتلش من كثر المتداولين اللي فيه

قال أنا أعلمكم يا يا الحلوين

قمة بعيده عن سعر السهم 17.5 فلس اصلا الوصول لها فيها تقريباً 20 % ارتفاع

امممممممم ربح ونمو طيب و توزيعه حلوه على سعر السهم

لو الواحد يحصل السهم 75 - 74 بكون شراء حلو

اتوقع له نشاط و ارتفاع طيب في حال ارتفاع السوق

تحبون الأسهم الرخيصه ( هاذي اسهم ارخيصه ) لكن قليلة المخاطر كثيرة الفوائد ولذيذة المذاق

وجهة نظر

 

[نواخذة الكويت]

چنه في صفحات بالمنتدى إنشلوا

بعد ولادة ( صفحة قِمم لآلئ الأسهم )

وجهة نظر

 

[نواخذة الكويت]

لأصحاب الذوق الرفيع ،، مثلي و شرواي

( البورصه ) سهم تم إدراجة بالسوق ( عملاق )

بينه وبين القاع السنوي 53 فلس و اليوم كان بينه و بين القاع 4 فلوس

بالمقابل بينه و بين القمه السنويه 655 فلس

يحتل المركز الخامس بين أعلى ربحية في قائمة أسهم النبلاء

اممممم تراجع بالأرباح طاف

تراجع بالنمو هم طاف

احنا نشتري ريال ما يهمنا جيبه

السهم ذو قفزات سعرية ( تسر الناظرين )

وجهة نظر

 

[نواخذة الكويت]

STC المُلقب بسهم ( بسبوسه )

سهم حلو تبيه استثمار حلو تبيه مضاربه حلو تبيه حارس مخيم هم حلو ( كل شي يركب عليه )

ميزانيته حلوه بالربع الثالث اممممم لا باس

القمه بعيده عن سعر السهم الحالي ،، لحظه خل أقيس

اممممممم بينه و بين القاع 59 فلس

وبينه و بين القمه السنويه 224 فلس

من الأسهم الوسطيه ( يمتاز بالقفزات السعريه ) اللتي تحبس الأنفاس

مضاربين السوق السعودي يعشقون هذا السهم يشتغلون عليه مضاربه حتى لو بالسنه مره

وليما الحين في هذه السنه ما اشتغلوا عليه

وكما قال الشاعر ،،، زورونى كل سنه مره

حرام تنسـونى بالمره .. حرام تنسونى بالمره


اتوقع ال 600 فلس بسهوله يجيبها عن قريب

وجهة نظر

 

[نواخذة الكويت]

عندي 8 شركات بضيفهم بالصفحة

بعد الصلاة

لأن فيهم شغل اشوي

سلام

 

[نواخذة الكويت]

( المعامل )

سهم تشغيلي - مناقصات - ارباح - توزيعات

ما شاء الله ميزانية ممتازه و نمو عن الربع السابق

المشكله ما اقدر أحسب المسافه إلى القمه

لأن الخميس لمس القاع السنوي ،، يعني الشراء في هالأسعار كل المسافه بتكون ربح لك لو يوصل للقمه

عيب السهم كمياته قليله ،، لكن تقدر تجمع فيه بطريقتك الخاصه

واللي انا حابه بالسهم ،، إن منسي وهذا ما يزيدني عِشقاً فيه

السهم اللي العموم يسولف عنه وخر عنه

وجهة نظر

 

[نواخذة الكويت]

أوبااااا أوبااااا إستيقض ( تنين الكومودو )

أجيليتي ، رُغم مشاكلها الأخيرة أتوقع منها مفاجأة

الكبير كبير والنص نص والصغير منعرفوش

ميزانية حلوه و نمو طيب

عدم توزيع الأرباح كان العام الماضي ،، المفاجأة اللي اتوقعها ( توزيع أرباح )

اممممممممم بينه و بين القاع 42 فلس

وبينه و بين القمه السنويه 246 فلس

هذا الشراء اللي الناس تقول عنه ( مغامره ) سهم عملاق ملاءة مالية أصول توزيعات ارباح ،، لكن تعرض لمشاكل خلته ما يوزع أرباح

لكن تدخل على شركة عفنه خسرانه لا توزيع أرباح لا سعر يسوى بالسوق مشاكلها كثر شعر أعضاء مجلس الإدارة و تقول ( مغامره ) هذا يسمونه ( جنون )

عرفتوا الفرق بين المغامره و الجنون

وجهة نظر

 

[نواخذة الكويت]

( الدولي )

بنك ورخيص و ربحان و توزيعاته طيبه نقدي و منحه

وسعره رخص التراب

السهم يتداول بالقاع السنويه ،، فرحلة الصعود بتكون جميله للمساهمين ( الجُدد الداخلين عليه )

نمو طيب بالأرباح و توزيعات روعه على سعره الحالي

اممممممممم بينه و بين القاع السنوي 5 فلوس

وبينه و بين القمه السنويه 64 فلس

والله انا اشوف إن السهم صيده

عيب السهم ( بطيء بالإرتداد ) لكن بنك و يسوى

وجهة نظر