فكره ممكن انها مفيده شاركونا الرأى

[واحد قنوع]

اعتقد انه البورصه مؤسسه لها وضعها الخاص بالكويت ومن الملاحظ كثرة الاجازات في الكويت فلو جعلت البورصه يوم الخميس يوم عمل لكان اجود وانفع واظنه سيكون افضل ايام التداول اسبوعيا لكون المضاربين او التجار بوضع راحه لا ارتباط بعمل او شئ رسمي هذا رايي ممكن صحيح او خطأ ولكن فكره اتمنى لو تحققت ودمتم .

 

[القناص80]

والله لو يخلون البورصه فترتين صباحي ومسائي يكون شغل عدل

 

[pipes_kse]

انا اؤيدك يا قنوع في هذا الرأي, مثل سوق دبي يعمل يوم الخميس, خاصة و ان كثرة الاجازات تؤثر في اغلب الاحوال تأثير سلبي على المتداولين

 

[زمان اقتصادي]

والله أنا مع الفترة الحالية (الصباحية)وإذا خلو فترة التداول على فترتين مو شي تكون لاهي مع السوق وتفكيرك دائما مشغول
يامعودين خلونا الصبح كـــافي:


تحياتي

 

[البواردي]

لا يبااااا ما نبي يوم الخميس


الخميس انا بالمزرعه :d :d

 

[الفنان2006]

ممكن ثلاثة ايام صباحا وثلاثة مساء.(ثلاث ساعات لكل يوم) مع تداول يوم الخميس,

عندها سنرى المؤشر تعدى المؤشر السعودي بمراحل.
مجرد راي

 

[واحد قنوع]

طيب ممكن نعدل الفكره وتكون انه السبت كثيرا ما يصادف عطل فتكون البورصه مثل البنوك السبت عطله والخميس بدل السبت جذي نكون حافظنا على الايام العمل خمسه والعطله يوميين اظن جذي تكون احسن وشرايكم .

 

[معالى الوزير]

مؤيد للفكرة بقوة

 

[دكتوراسهم]

انا راى عكس الموضوع مع احترامى للاخوان انا اقول لو يخلون يوم السبت بعد عطله مع الخميس والجمعه احسن يبا تلفت اعصبنا نبي نريح وانا اقول لو يصكرون البورصه ويعطونا فلوسنا مو احسن من الهم اللى مااستفدنا منه الا الخساره

 

[المقرود]

في اقتراح بايخ: إنها تصير 24 ساعة نفس forex سوق العملات

وكل واحد وقت ما يكون فاضي يشتري ويبيع ، وأول ما يوصله خبر يدش على السهم ، أحسن مما ينطر لي الصبح ويكون كل الناس سمعوا عن الخبر ويطير السهم فوق من أول شيء


بايخ؟