الشركة الوطنية العقارية ش.م.ك ( وطنية )

[سلااااااااام]

مبروكين على هالاقفال الطيب

وهذا إن دل إنما يدل على إن السهم عليه تجميع ولكن يبونه بأرخص سعر ممكن

وكميه تداول المخازن وسلطان اليوم والايام اللي طافت كانت جيده بالنسبه للحاله اللي تشهدها البورصه

والله يرزقنا ونشوف تحركها قريب

 

[ebety]

عفوا

 

[asfoor71]

سهم علية صانع سوق محترم رفعه من 960 الي 1020 في ثانيه وحده ...
اللي عنده تحليل او تعليق ممكن يفيدنا

خلال عشرين ثانيه بالضبط 280 الف سهم والله شى عجيب,,,,,,,,,,

 

[ebety]

شنو متوقع للاسبوع القادم


الحمد لله علي كل حال

 

[اقتصاد77]

ياااااااسلااااااااام عليج ياالوطنيه صخر والله صخر

سلامي على الوطنيه العقاريه وبس ودئي يامزيكه

 

[Winchester]

وطنية 1,020 5,000 12:29:48
وطنية 1,000 20,000 12:29:48
وطنية 1,000 65,000 12:29:35
وطنية 990 115,000 12:29:35
وطنية 980 55,000 12:29:35
وطنية 970 15,000 12:29:35
وطنية 960 5,000 12:29:28
وطنية 960 10,000 12:25:56
وطنية 970 30,000 12:22:02
وطنية 960 10,000 12:18:39
وطنية 960 5,000 12:16:32
وطنية 960 5,000 12:14:39
وطنية 970 5,000 12:12:32
وطنية 970 15,000 12:11:30
وطنية 970 5,000 12:10:07
وطنية 970 10,000 12:06:33
وطنية 970 20,000 12:01:29
وطنية 970 5,000 11:56:37
وطنية 970 35,000 11:50:16
وطنية 960 25,000 11:44:00
وطنية 960 5,000 11:43:26
وطنية 960 50,000 11:43:13
وطنية 960 10,000 11:41:31
وطنية 960 5,000 11:40:46
وطنية 960 5,000 11:40:17

 

[q8_lord]

سهم علية صانع سوق محترم رفعه من 960 الي 1020 في ثانيه وحده ...
اللي عنده تحليل او تعليق ممكن يفيدنا





ولكم تحياتي

أخوي صقرالبحر ودي أفيدك وارفع من معنوياتك بس أنت شايف السوق شنو صاير فيه لا بينفع فيه تحليل ولا هم يحزنون بس أبي أعلق على اللي صار في أخر صفقه قبل لا ينتهي السوق بثانيه وحده.

شنو مصلحة صانع السوق والموت (فقط للتشبيه على قاعد يصير في البورصه) (والموت بيد رب العالمين جل علاه) أن يرفع السهم في أخر صفقه قبل لا ينتهي التداول بثانيه وحده بعد ما كان السوق نازل هل يعتبر هذا المؤشر مؤشر إيجابي ولا سلبي وهل بعد ما أرتفع السهم راح أتشوف السهم اليوم الثاني في حالة الصعود أم في حالة النزول؟

خلني أجوابك على هالسؤال حتى يكون عندك علم شلي قاعد يصير في أخر صفقه قبل لا ينتهي التداول بثانيه وحده أو ثانيتن أو ثلاث ثوان.

من مصلحة صانع السوق والموت أن يرفع السهم في أخر صفقه قبل لا ينتهي التداول بثانيه وحده أو ثانيتن أو ثلاث ثوان ليش على أساس يوهم الناس بأن هناك في مجال للصعود فيي اللي مثلي ومثلك ينغر باللي صار اليوم ويي اليوم الثاني يحط أمر بيع على نفس السعر أو أكثر وقبل لا يبلش السوق التداول بأربع أو خمس أو ست أو سبع أو ثمان ثوان بين هالأرقام التقريبيه شيسوي يلغي صانع السوق والموت مع مجموعة من الهوامير أمر البيع وتكون الكميات المعروضه أقل من الكميات المطلوبه فأحتمالية نزول السهم أكثر من أحتمالية صعود السهم وليمن يبلش السوق التداول يحط أمر شراء بأقل من الأقفال السابق وجذي أشسوى دبس اللي مثلي ومثلك بأمر البيع وما راح ينلغي الأمر ليش لأن لك مجال ما بين الساعة 8.50 لغاية 8.59.59 تحط أمر البيع أو الشراء وبنفس الوقت تقدر تلغي أمر البيع أو الشراء بس إذا صار الساعه 9بالضبط هني ما راح تقدر تلغي الأمر لو شتسوي لأنك خلاص أستنفذت الوقت المحدد لأوامر البيع والشراء وحان وقت التداول شفت شيسوون هل الهوامير أخوي صقرالبحر فالحذر من اليوم القادم وشوف شنو راح يصير مع تمنياتي لك والتوفيق.


وانا حاضر لأي إستفسار لهذا الموضوع .
ملاحظه مهمه للغايه إذا شفت رفع السهم في أخر صفقه قبل لا ينتهي التداول بثانيه وحده أو ثانيتن أو ثلاث ثوان وبكمية الأسهم قليله أي وحده وبحد أدنى أو بكميه كبيره وأهي الصفقه الأخيره ما في غيرها معناتها السهم 90% راح ينزل 10% راح يصعد بس أكثرها نزول فأعرف هذا هو صانع السوق والموت (الهامور) قاعد يتشكل بهيئة الزوري اللي مثلي ومثلك بيوهم الناس بأن السهم في حالة صعود وييون المساكين يحطون أمرهم على أساس السهم بيرتفع ويي أهو وربعه يسوي حركته الذكيه يحط أمره وقبل التدوال بثوان يلغي أمره وجذي دبس هالناس المساكين بلا حول ولا قوه بأمرهم.

مع تمنياتي لكم بالتوفيق.

أخوك بوعلي

 

[نصوح]

أقضب السهــم ولا تبيعـه تراه مبروك وفيـه خير إن شــاء الله وتذكرني .

يعتبــر من أفضــل أسهـــم المجمــوعة عيبه الوحيد كميتــه كبيرة .........

 

[الطنطل]

سهم علية صانع سوق محترم رفعه من 960 الي 1020 في ثانيه وحده ...
اللي عنده تحليل او تعليق ممكن يفيدنا





ولكم تحياتي

انا اقول
يوم السبت شرط راح تحصله بالحد الادني 960 معروض ومحد معبره

وقول ما قال

 

[alshammery]

الكلام اللى قالوة الاخوان صح 100% هذة حركات محافظ يا اخوان لازم تنتبهون لها من قال ان الكمية المعروضة ممكن تكون حقة وهو يعرف الكمية المعروضة من عندة وممكن معاة 20000 سهم من الصغار والتكلفة 200 او 300 دينار عمولة الوسيط مثل ما قالوا الاخوان عندة اسهم يبى يبيعها فوق الدينار وبعدين مع نزلة السوق يوم السبت وهو متوقع راح تشوف السهم 960 .....

 

[صقرالبحر]

احنا ماقلنا ان السهم يوم السبت رح يرتفع ...


ندري اذا نزل السوق رح ينزل مره ثانيه وثالثه وانه مرتبط بالمخازن ولكن احنا نشوف السهم عليه عين ومو مهدود ويكمن تجميع ولكن اللي حصل الصراحه شي يفرح يعني

ولو كنت عارض اليوم سهمي علي الدينار جان انباع ومشي علي هاالنزله الفظيعه اللي ولا في الخيال انك تبيع سهمك الي عارضه فوق 5 تكات ومع ذلك راحت كل الاسهم المعروضه لما الدينار

ومايندرا شلي صاير

 

[matrex-ku]

تلوووووووموووووووني بالسهم ؟؟؟

لاوالله ماتنــلام
الله يلوم اللي يلومك
ماشــاء الله

 

[ebety]

هل يوجد اي اخبار عن ارباح الوطنيه او مجموعتها الكريمه

 

[hassankoc]

هل يوجد اي اخبار عن ارباح الوطنيه او مجموعتها الكريمه

سؤال جميل اتمنى الأجابه عليه

 

[q8_lord]

لا لأحد الحين ما في شي يذكر.

 

[كارتير]

محد عنده خبر كم اقرت التوزيعات الوطنيه

 

[ابومانع]

والارباح؟؟؟؟؟؟؟؟

 

[صقرالبحر]

انا اعتقد لو ارباحه مو زينه جان ماعلية تجميع والله اعلم

 

[ابومانع]

يعني جم تتوقعون الارباح؟؟

 

[صقرالبحر]

يعني جم تتوقعون الارباح؟؟

بسك خساير يابومانع ماكفتك الاهلية ؟ شيايبك هنيه ؟:d