هذا الموضوع لتفريغ الغضب العام تجاه اوضاع السوق ومناقشة اسباب نزوله

[Bo Tasneem]

انا وحده راح ارشح نفسي حق مجلس الامه في الدائره الثامنه .. و اول اقتراح مقدم راح يكون تطبيق منع الاختلاط بالبورصه يمكن اهو حاصل من زمن و لكن منعا باتا راح يكون اقتراحي بان يتم انشاء بورصه للحريم و هذا اذا يخلق جو من التنافس .. بس هناك سؤال اللي مشككني بالامر اني كل ما دخلت البورصه اشوف ناس ما عندهم شوارب و لابسين دشاديش فراح تكون اصعب الامور بتطبيق الاقتراح لعدم القدره على التميز .. ودي اقول اكثر و اطلع حرتي بس بخش بقلبي مابي احد يزعل مني

اللهم ارزقنه الصحه و العافيه و العمر المديد و احفظ بلدنه و احفظ اهلها و بورصتها من تلاعب المنافقين و المفسدين و ابعد عنا المقرضين و الحراميه يارب العالمين

هااهاه .. حلو حلو يعطيج العافية اختي والله ..

ربعنا ليمن وصل المؤشر 10 آلاف نقطه طاحوله تصفيق .. في بورصتكم (بورصة الحريم) اشراح اتسوون !! تطيحوله يبّاب هااههاه

يعطيج العافية .. وصوت الأهل من الحين لج إن شاءالله .. ومنتي بعيده الدائرة الثامنة يعني تمام


بوتسنيم​

 

[مستثمره جديده]

هااهاه .. حلو حلو يعطيج العافية اختي والله ..

ربعنا ليمن وصل المؤشر 10 آلاف نقطه طاحوله تصفيق .. في بورصتكم (بورصة الحريم) اشراح اتسوون !! تطيحوله يبّاب هااههاه

يعطيج العافية .. وصوت الأهل من الحين لج إن شاءالله .. ومنتي بعيده الدائرة الثامنة يعني تمام


بوتسنيم​

شكرا اخي الكريم

و اني لاعاهدكم من على هذا الصرح العظيم منتدى المؤشر .. باني لسوف اعمل لصالحكم و لصالح صغار المستثمرين و ادافع عن حقوقكم و اعلن الحرب على التجار .. بس عاد لا تخلوني ترى ايد وحده ما تصفق ..

اصوات الاهل الله يحفظهم و يخليهم انشالله بامان و عند خط الدعم القوي حاليا و انشالله يرتد عن قريب

 

[مستثمره جديده]

هااهاه .. حلو حلو يعطيج العافية اختي والله ..

ربعنا ليمن وصل المؤشر 10 آلاف نقطه طاحوله تصفيق .. في بورصتكم (بورصة الحريم) اشراح اتسوون !! تطيحوله يبّاب هااههاه

يعطيج العافية .. وصوت الأهل من الحين لج إن شاءالله .. ومنتي بعيده الدائرة الثامنة يعني تمام


بوتسنيم​

شكرا اخي الكريم

و اني لاعاهدكم من على هذا الصرح العظيم منتدى المؤشر .. باني لسوف اعمل لصالحكم و لصالح صغار المستثمرين و ادافع عن حقوقكم و اعلن الحرب على التجار .. بس عاد لا تخلوني ترى ايد وحده ما تصفق ..

اصوات الاهل الله يحفظهم و يخليهم انشالله بامان و عند خط الدعم القوي حاليا و انشالله يرتد عن قريب و راح احطلك انشالله الشارت يوم الخميس

 

[Bo Tasneem]

شكرا اخي الكريم

و اني لاعاهدكم من على هذا الصرح العظيم منتدى المؤشر .. باني لسوف اعمل لصالحكم و لصالح صغار المستثمرين و ادافع عن حقوقكم و اعلن الحرب على التجار .. بس عاد لا تخلوني ترى ايد وحده ما تصفق ..

اصوات الاهل الله يحفظهم و يخليهم انشالله بامان و عند خط الدعم القوي حاليا و انشالله يرتد عن قريب و راح احطلكم انشالله الشارت يوم الخميس

ماشاءالله عليج تبارك الرحمن .. والله عليج همّه وحماس عساه دوم جذيه وأكثر

اختي ناطرين التشارت يوم الخميس .. بس ماعليج أمر بدون تكرار املاحظ مشاركاتج كلها دبل مادري ليش !! الظاهر طايحتله ريفريش على طول .. اشوي اشوي على الماوس ماعليج أمر

وهم ديري بالج على صبعج اختي من هالريفريش .. ترى محتاجينه بالمجلس .. راح اتأشرين على الزلزله وايد بهالصبع صدقيني !! هاهااهاه

يعطيج العافيه .. والله ثم أصواتنا معاج


بوتسنيم​

 

[مستثمره جديده]

ماشاءالله عليج تبارك الرحمن .. والله عليج همّه وحماس عساه دوم جذيه وأكثر

اختي ناطرين التشارت يوم الخميس .. بس ماعليج أمر بدون تكرار املاحظ مشاركاتج كلها دبل مادري ليش !! الظاهر طايحتله ريفريش على طول .. اشوي اشوي على الماوس ماعليج أمر

وهم ديري بالج على صبعج اختي من هالريفريش .. ترى محتاجينه بالمجلس .. راح اتأشرين على الزلزله وايد بهالصبع صدقيني !! هاهااهاه

يعطيج العافيه .. والله ثم أصواتنا معاج



شكرا اخي الكريم و الله قام يعورني صبعي من كثر ما انا متحمسه و بداخلي كلام وايد على الحكومه ..و التجار .. بس قطيعه هم هالشبكه موراضيه مادري شفيه السيرفر لاق .ز علشان جذي دبل

عموما اخي الكريم الله يحفظكم جميعا و يخليكم حق بنيتك تنسيم و تشوفها عروس يارب​

 

[MH For Ever]

منقول عن اخونا Sniper من منتدى النوادي

تدخل صناديق الهيئة العامة للإستثمار

--------------------------------------------------------------------------------

علمت الأنباء من مصادر مسؤلة في الهيئة العامة للاستثمار أن الصناديق الإستثمارية التابعة للهيئة ستتدخل إعتبارا من الإسبوع المقبل للمساهمة في علاج الأوضاع المتدهورة التي تعاني منها بورصة الكويت خلال الاسبوعين الماضي والحالي وهو ما تسبب في تراجع المؤشر العام للبورصة بشكل كبير وفي وقوع العديد من الخسائر المالية لعموم المتداولين .

وقالت المصادر أن تعليمات عليا صدرت أو ستصدر خلال أيام قليلة بضرورة تدخل الهيئة لتحريك صناديقها المالية والاستثمارية لدعم تداولات البورصة إعتبارا من بداية الاسبوع المقبل بهدف المساهمة في تعديل مسار المؤشر العام لسوق الكويت للأوراق المالية وتدعيم حركة البيع والشراء من جديد. بعد أن سيطرت موجة البيع والتراجع على التداولات دون وجود أطراف لتشتري هذه الأسهم.وأضافت المصادر ان الهيئة ليست المسؤول الأول والأخير عن تراجع السوق على الرغم من جميع العوامل الإيجابية التي تتمتع بها, مبينا أن الهيئة تعتبر مستثمرا شأنها في ذلك شأن باقي المستثمرين, كما أن هذا الاستثمار ليس مباشرا وانما عبر صناديق ومحافظ مالية تساهم فيها .

وأكدت أن البورصة تمر بمرحلة تذبذب في التداولات وليس (إنهيارا) كما يتصور البعض , وعليه فإن تدخل الهيئة سيكون بحث الصناديق والمحافظ التي تساهم فيها بالتحرك لدعم حركت التداولات , خصوصا أن أطرافا عدة تأثرت من هذا التراجع وهو الأمر الذي يدفع بصدور أو إقتراب صدور تعليمات عليا بضرورة دعم السوق من جديد لوقف نزيف الخسائر الذي ينعكس بشكل عام على الإقتصاد الوطني.


سنايبر

 

[Wise]

السلام عليكم

اختي مستثمره جديده شطبت التكرار .. عشان تسلمين من تعليقات بو تسنيم .​

 

[مستثمروون]

واللي عنده أهلية ... يروح يدور على أهله

 

[مستثمره جديده]

السلام عليكم

اختي مستثمره جديده شطبت التكرار .. عشان تسلمين من تعليقات بو تسنيم .​

شكرا و تسلم اياديك و الله مو مني من النت اهو معلق حتى مسنجر ما يشبك يعني شنسوي بحالنه لا من بورصه و لا من نت .. قمت اسمع غنيه عبد الحليم حافظ طريقك مسدودون يا ولدي

 

[Bo Tasneem]

آمين يارب .. يسمع منج رب العالمين

من الحين قايل حق الأهل وحاط شرط .. المهر والدزّه حق البنية لازم يكون معاها (صينية كنافة) .. ولاّ كيفه خل يقظب الباب هااهاه (بل بوتسنيم .. وليش ما اتييبلك واحد من هاللي يشتغلون في الطيباوي وتشغله عندك وتفكنا !!) أذيتكم بهالكنافه أدري

عسى الله يخلي الجميع لأهله .. ويسلمج اختي ويسلّم الجميع من هالمكر إللي بالسوق يارب

اتصدقون يا جماعه .. حتّى نومة الظهر القيلوله قمت أتحلّم بكوابيس عن البورصه !!

أشوف جثث متشوهه بالأرض .. وعلى الكرسي بوسط الصاله واحد ميّت والبون ماله بحظنه !! وأثنين معاهم جهاز الضغط واحد يقيس حق الثاني !! وشفت صعفق والزلزله نازلين من الأصنصير بس بدون عقلهم .. قاطين الغتر (جريمبه) !! ولايطوفكم 3 داشين من الباب الرئيسي ومعاهم بطول ودشاديشهم كلها دم !!

وآخر منظر شفته .. 12 واحد يصلون الظهر بالدور الأول في المصلّى من غير وضوء !! (بوتسنيم عاد موجذي الله يهداك .. من غير وضوء بالله اشلون طحت عليهم !! مادري بس شيّرتها هاهاااهاه)

انتهى الحلم .. خل أروح أنام والله يستر من حلم الليله بس تصبحون على خير


بوتسنيم​

 

[ابو جراح]

واللى عنده الوطنيه ياخذ محل بسوق شرق 000 انا راضى

 

[wanasa]

السلام عليكم

الله يعطيكم العافيه جميعا
المشكله فى الاخبار الايجابيه انها تعكس وضع السوق الكويتى وتمشى السوق عكس التيار واذا الاعضاء ماهتموا بالخبر مو معناته حزنانين بالعكس المتمرسين منهم قاعدين ممكن ايحسبون نزول المؤشر اكثر على هالخبر وشكثر ممكن ينزل وشنو الاسهم اللى ممكن اتاثر بشكل مباشر مع النزله ووووووو .
مجرد وجهة نظر

كانت هذى المشاركة الخامسه بنفس الموضوع لكن للاسف محد صدقها او بالاصح خبر الاجتماع والتوصية علي الاقتصاد أثر على الكل لين انغسل اشراع الناس من البورصه ونزولها .

على كثر مانى ودى اطق راسى بالطوفه من النزول على كثر ماضحكت ضحك وقعدت النايمين من صوتى على الله ايحطهم بالنار

 

[AL_RAGI]

واللى عنده مخازن يقضى حياته محازن
واللى عنده سلطان يصبح الصبح فلسان
والى عنده وطنية يلقى قدامه قضيه
واللى عنده لبنانية يلقاها الصبح سودانية
والله يكون بالعون

 

[MH For Ever]

يا حظهم اللي عندهم اللبنانية
يقولون يبون يعطونهم تذاكر للبنان

واللي عندهم العراقية بيعطونهم تذاكر للعراق مع مصاريف الاقامة

انا سمعت اللي عنده لبنانية بيعطونه نانسي عجرم :d

 

[بوزايد]

الله يعين اللى عنده سهم خرسانه:d

 

[ابو جراح]

أبييييييييييييييييييييييييييييييييييييييييييييها

 

[Nasser pwc]

اخاف اخذ تجارة يعطوني تصحيح مدى الحياة !

 

[أحمداني]

أنا كنت كاتب موضوع عن سبب نزول السوق بس مع الأسف أحد المشرفين إشطبه.

على العموم السبب هو السلاح النووي الإيراني اللي مهدد ومزعزع كيان الدول الخليجيه ، ولو تلاحظون أن التزول ليس فقط عندنا ولكن بمعظم الدول الخليجيه ,أهمها السعوديه والإمارت

وهالمره نووي وليس كيماوي
وإفهم يافهيم

 

[Q8_FAHAD]

والي عنده مصريه و قابضه

 

[جمال1975]

مرض خطير

يقولكم

مسكو واحد من صغار المستثمرين بعد التداول اليوم كان خايف شوي
واخذوا عينه من دمه ولقوا فيه انفلونزا الجرااااد من( نوع انحش وبعدين اقولك ) وهذا النوع يخلي الواحد يشتري ويبيع بدون وعي