وينكم الان بعد اعلان خساره بتروجلف

[توكل]

المطبلين

يللي ماتخافون الله

واللي حطيتوا توقيعكم اهداف خياليه لبتروجلف

ووصيتوا الناس بان يبيعون اللي وراهم وجدامهم ويحطونها ببتروجلف

وكل يوم تزيدون الهدف للسهم وتلمعونه اكثر واكثر

وينكم من شهر وانتم ا تعلمون خساره السهم

ليش مانبهتوا الناس واختفيتوا

ياويلكم من دعوه المظلومين

 

[Moshaks_777]

الله لايسامح من كان السبب

 

[white soul]

هذي ناس تخاف بس ما تستحي

نفس الوجوه القبيحه الي طبلت للسهم موجوده للان لا بارك الله فيهم وبوجوهم العفنه

الله يعوض عليك اخوي​

............................

اخوي شوف رابط هالموضوع

قبل شهرين كتبت هالموضوع وطلبت من المطبلين انهم يردون على تساؤلاتي محد جاوبني

واتهموني بالحسد واني موضوعي كلام حق يراد به باطل
http://www.indexsignal.com/vb/showthread.php?t=43500​

 

[q8i22i]

انتم الله يهداكم

بسم الله الرحمن الرحيم

يا جماعه الله يهداكم المفرض ما تشترون الا اذا كنتم مقتنعين من السهم

و في ناس بالمنتديات تخدع الناس على شان مصالحها و يقدرون يصرفون اسهمهم

في ناس ما تخاف الله و تبي توهق الناس على شان تربح و يضللون الناس

بسسسسسسسسسس

المفروض ان الواحد يتاكد من الشركه اللي ماخذ فيها اسهم زين
و يكون مقتنع من السهم زيييييييييين

و انا من خلال ملاحظتي بالمنتدى في ناس تطبل حق شركات مو زينه بوجهة نظري

بس هذي بورصه ( لو تقول ان سهم بيان راح يوصل دينارين اقولك يمكن لاني لا اعلم عن المستقبل )


و الله نبهت و قلت و حطيت استراتيجيات و حذرت بس اللي ما يعجبه الموضوع سكره

يالله الله يعوض عليه


و الله يهداء الناس اللي يسببون خساره لاخوانهم

 

[المرزوق]

كل اللى طبلو للمجموعه كانو يطبلون لبتروجلف وقالو وعادو وخربطو وهذى النتيجه يالله عاد
طبلو لما خلق الله تبيع حلالها بارخص من التراب
وفعلا التحليل الفني اهوا التطبيل الحقيقي والفعلي
للاسف
والدور علي المجموعه الدوليه
تحياتي

 

[هيت]

ماذا عن مسؤولين الشركه و تصريحاتهم بارباح قياسيه و حفارهم الذهبي؟!

من يحاسبهم على تصريحاتهم الكاذبه؟!

كيف نحكم على اداء الشركه اذا كانت ادارتها تكذب و تخفي الحقائق

 

[البواردي]

السلام عليكم

اولاً يا جماعة الخير لا داعي للدعاوي على اخوانكم كلنا نخاف الله ومتقين الله سبحانه والله العالم بالنيه

اخواني بالنسبه لاعلان الحفار اللي مضايقكم هذا اعلان شركه ونزل بالبورصه وبالجرايد وصار عليه ظرب مظارب وانتو تذكرون طفرت بتروجلف والمجموعه وانتو تذكرون عدل هالفتره اللي طارت فيها بتروجلف .... ما انباع الحفار هذي مشكلة الشركه مو مشكلة اللي نصر ووصى على الشركه احنا عندنا بعد شركه صارلها سنه او اكثر بشوي معلنه اعلان ولي الحين ما صار اللي اهي المشاريع والشوتايم لي الحين ما اندرج الشوتايم واذا اندرج شنو النتيجه ؟؟ في ناس وايد نصحونا بالمشاريع ومن واولهم اخونا فلان بيض الله ويهه .... ما دعينا عليه ولا قلنا فلان يطبل ولا قلنا قبح الله وجهه بالعكس ندعيله بالتوفيق والنجاح ان شاء الله وانا كل ما اشوفه بالسوق اسلم عليه

لاني على قناعه تامه اذا انا شريت او بعت فهذا قراري والناص تنصح وانت بكيفك يا البواردي


يا جماعه كلمة تطبيل والله بايخه بحقكم وانتو اهل سوق واليوم ماكو احسن منكم بالسوق وكلكم تعرفون الزين والشين ومحد يقدر يطقك على ايدك عشان تبيع اللي وراك ودونك وتاخذ قرض وتبيع ذهب مرتك عشان تشتري بالشركه الفلانيه ..... بسكم تصيد على بعض


اذكر اني وصيت احد الاصدقاء على الاسمنت الابيض وكان سعره 160 فلس والاخ اللطيف شراه على سعر 255 فلس وبالنهايه يقولي انت اللي قايل ان راح يصعد والحين شوف السهم وين راح !!!!! انزين بهالحاله انا شسوي لهالشخص ؟؟؟؟


الله كريم وان شاء الله بترد بتروجلف لعهدها السابق وبتعوضون كل اللي خسرتوه

موفقين خير

 

[توكل]

اخوي البواردي

رايتك بيضه انشاءالله

انا ماقصدت اللي يوصون على سهم

وانما اللي يطبلون ليل نهار على سهم

واللي كل ما سألهم احد عن رايهم بسهم

قالو له بيعه واخذ بداله اسهم سامي البدر

ويعطونه كل الوعود بمستقبل باهر للسهم

 

[المضاربه فن]

اخوي البواردي

رايتك بيضه انشاءالله

انا ماقصدت اللي يوصون على سهم

وانما اللي يطبلون ليل نهار على سهم

واللي كل ما سألهم احد عن رايهم بسهم

قالو له بيعه واخذ بداله اسهم سامي البدر

ويعطونه كل الوعود بمستقبل باهر للسهم

أخي توكل
بما أنك تعرف المطبلين اتمنا تذكرهم بالاسم وان لا ترمي التهمه من غير تحديد المجرم
فان كنت مضرور من حقك انك تواجهه الشخص حتي يكون عبره لمن لا يعتبر وان تضع الدليل حتي يقتنع اخوانك الاعضاء .

 

[الحووووت]

اللي مايطيع يضيع

المشكله ان الحين واحد بينط ويقول اهو بس بتروجلف خسرانه نص الشركات خسرانه ...... مثل الاعذار اللي كانوا يقولونها لما سعر السهم كان ينزل ........... (واتوقع) الدور ياي حق المجموعه الام العوده والايام بينا .....

 

[الدينار]

لاحول ولا قوة الا بالله ،الله لايوفق اللى كان السبب وأقسم بالله وأقسم بالله وأقسم بالله أن كل فلوسى فى هالسهم التعبان وشاريه على 850 فلس وبيعته بعد ماوصل 430 فلس وعليكم الحساب وين الستوب لوز والستوب زعتر طبعا لا يوجد عندنا هذه الصفه وهذا الخطأ الفادح وأنى أحمل نفسى كل ذنب أنى أسمع كلام هالمطبلين ومثل ما قالوا القانون لايحمى المغفلين وانا واحد من هالمغفلين وأعترف و أقولها على المليان شلون تسمع كلام شخص وماتعرفه بس عطاك طعم ومعلومة أول مره وضربت معاه لكسب الثقه وبعدين بدأ التخطيط للتصريف على مخنا التعبان الله المستعان والله أنى أستحى أقولها لأحد من أقربائى وأهلى تسمع كلام مطبلين تلثم بس تلثم :d الله المستعان والله على ما أقول شهيد سامحونى أخوانى دوختكم معاى

 

[الدينار]

بسم الله الرحمن الرحيم

يا جماعه الله يهداكم المفرض ما تشترون الا اذا كنتم مقتنعين من السهم

و في ناس بالمنتديات تخدع الناس على شان مصالحها و يقدرون يصرفون اسهمهم

في ناس ما تخاف الله و تبي توهق الناس على شان تربح و يضللون الناس

بسسسسسسسسسس

المفروض ان الواحد يتاكد من الشركه اللي ماخذ فيها اسهم زين
و يكون مقتنع من السهم زيييييييييين

و انا من خلال ملاحظتي بالمنتدى في ناس تطبل حق شركات مو زينه بوجهة نظري

بس هذي بورصه ( لو تقول ان سهم بيان راح يوصل دينارين اقولك يمكن لاني لا اعلم عن المستقبل )


و الله نبهت و قلت و حطيت استراتيجيات و حذرت بس اللي ما يعجبه الموضوع سكره

يالله الله يعوض عليه


و الله يهداء الناس اللي يسببون خساره لاخوانهم

بالفعل كلام منطقى وعين العقل بس اللى مايطيع يضيع