بوحسن قال:
يا جماعه انا بعت بوبيان الساعه 11 وظهر لي بالشريط اني بعت بوبيان بعد اكثر من نص ساعه ..بس كان محطوط بنفس الوقت الي انا بعت فيه يعني الساعه 11 ... شلون عرفت .الرقم الي بعت فيه مميز
ماكو مثله
يعني اجراء البورصه صحيح 100% ومافي خلل بالبيع وكل الصفقات تمت صح والي باع مبروك والي شرى مبروك والي تطمش مبروك بعد
والسبت بنبدي على رقم ال 510 فلس
مثل ما قال الاخ ان البيع تم بوقت البورصه بس بسبب كثرة البيع تاخر الشريط فقط لا غير وكان لود على السستم لان اخر سستم ركبوه كان بنتيوم 2 بالتطور القادم بنركب رامات
بس بنتيوم 4 ماكو
أخوي بو حسن اجراء البورصة غلط 100% و رجاء ركز بطبيعة المشكلة
الموضوع ماهو اختراع ذرة ترى
الصفقات اللي تمت عن طريق مكاتب الوساطة تمت بلحظتها و بوقت البورصة . . بهذي كلامك صحيح و لكن و ين الخلل ؟؟؟
الخلل اني لما أقرر اشتري أو أبيع أتخذ قراري بناء على نسب العرض و الطلب اللي مبين بشاشات التداول و بوردات البورصة و انظمة البث الالكتروني
طيب لما تكون المعلومات اللي على اساسها الناس تعرض و تطلب متأخرة زمنيا بواقع 50 دقيقة تقريبا . . شلون تبي الناس تتخذ قرار سليم ؟؟
الدلال شغلته ينفذلك الصفقه . . مو شغلته يرد على 100 الف بني آدم يقول لهم ترى في شرى على السهم الفلاني . . و لا بيع على السهم الفلاني . . و هالكثر مطلوب و هالكثر معروض . . لأنه ما راح يلحق مع كل هالأمة . . يا دوبه يمديه ياخذ منك الامر و ينفذه و بعدها ياخذ أمر شخص غيرك. .
تبي أبسطها لك ؟؟
انت قاعد تتابع شاشات البورصة بقاعة التداول . . و ودك تدخل على السهم الفلاني بس لما تحس ان عليه شراء قوي . .
ظليت تتابعه . . و السهم ميت ما عليه شي . . لكن الواقع ان السهم عليه شرى مو طبيعي . . و انت يا غافل لك الله . . على ما بدت تجيلك الصفقات و يبين عندك الشرى . . و طرت حق الدلال تقوله يشتريلك . . الا الرجال يقولك وييييه ترى السهم صارله 20 دقيقه مطلوب بالحد الاعلى . .
تقفه طلبتك . . تقول ان وضع مثل هذا طبيعي و ان اجراء البورصة فعلا سليم . . !!!!
ما قول الا امحق بورصة
(
