ماذا بعد كسر الدعم !

[المعوشرجي79]

السوق كسر الدعم هل سيستمر في النزول ام سيرتد لان الدعم قد تم كسره ، الامر الاخر يقال ان سبب نزول السوق قرب موعد الانتخابات وتسييل من قبل عدة جهات لاجل هذه الانتخابات !!

 

[أواخر خبر]

والله بعد ما انكسر الدعم .. مالنا إلا نروح نلحمه .. والله كريم
حبيب المعوشرجي79

 

[المعوشرجي79]

والله بعد ما انكسر الدعم .. مالنا إلا نروح نلحمه .. والله كريم
حبيب المعوشرجي79

هههههههههههههههه يا معود اي لحيم اي تيب ما ينفع سوقنا هذا مال التصريف يبدع صج بردت على قلبي بهالحجي يا اواخر خبر ودمتم سالمين

 

[بوسليمان بوشهري]

كلعاده نزول الى 9350 وارتداد . هذا اذا ما كسرها

 

[المعوشرجي79]

كلعاده نزول الى 9350 وارتداد . هذا اذا ما كسرها

والله يا بوسليمان يقولون السوق بينهار هالمره عدل نتمنى غير ذلك !!

تصدق اواخر خبر اعرف واحد كل ما يوصي يفشل بالتوصيات الخاصه بصعود الاسهم قبل يومين قالي صرف واطلع ترى السوق في هبوط و لا قاسي بعد وضبطت معاه قتله انت بالكدر شاطر

 

[العالم]

السلام عليكم

تحت 9000 نقطة والله يستر

 

[بوسليمان بوشهري]

والله يا بوسليمان يقولون السوق بينهار هالمره عدل نتمنى غير ذلك !!

تصدق اواخر خبر اعرف واحد كل ما يوصي يفشل بالتوصيات الخاصه بصعود الاسهم قبل يومين قالي صرف واطلع ترى السوق في هبوط و لا قاسي بعد وضبطت معاه قتله انت بالكدر شاطر

دايما يعشمونك بال 15000 الف نقطه علشان تشتري بال11000 وفوق وماتحس انه مرتفع , واذا نزلوا السوق يخرعونك بال 8000 وال 6000 علشان تبيع بال 9000 وماتقول رخيص ماني بايع.
هذي طريقتهم وعارفينها اكثر الناس. عيل شلون تبيهم يربحون ويبيعونك السهم غالي ويشترونه منك رخيص؟ فقاره يبيون يترزقون (ملعنه على هيجي تجار)

 

[المعوشرجي79]

السلام عليكم

تحت 9000 نقطة والله يستر

عيب سوقنا تدري شنو كثرة الادراجات للاسهم الورقية ودون جدوى وانشالله مايوصل للدعم الي قلته لانه الخسائر ستكون جدا فادحه والضحايا ستزداد

 

[الراقي]

اول ماتشوف السلمي مال ايفا يطلع بلجرايد ويقول في سيولة والأسهم رخيصة على طول افرك حق السوق

 

[برق الشرق]

كبر المخدة!!
واديها نومه 3 شهور ,ولا تقرب من الشارع اللي يم البورصة!!
وابشر بالخير ,وشنو يعني ينزل المؤشر مصيره راح يرجع يصعدونه غصبن على خشمه !! ولنا في النزول الأخير عبرة!

 

[nasy]

صار عندنا مناعه قويه مع النزول و المرحله القادمه فرصه للشراء !!!!!!

 

[قـنـــاص2]

النزوول متعمد علشان نبيع لهم بخساره وهم يربحون ويخوفونا انه راح يكمل لغاية 9000 نقطه ويمكن اكثر لكن على مييييييييييين قاعدين لهم ولا راح نبيع وننطر يردون يصعدونه

 

[المعوشرجي79]

النزوول متعمد علشان نبيع لهم بخساره وهم يربحون ويخوفونا انه راح يكمل لغاية 9000 نقطه ويمكن اكثر لكن على مييييييييييين قاعدين لهم ولا راح نبيع وننطر يردون يصعدونه

مو شرط اكو شغله وحده يمكن تنقذ السوق وهيه اقفالات الربع الثاني وبالاخص للشركات الي اعلنت فضائح ( خسائر ) لازم تعدل بالربع الثاني واول هذه الشركات مجموعة البحر الي كانت سباقه في مثل هذه الفضائح وبعدها مجموعة المشاريع الله يستر يبين الاسبوع القادم يا انه يوصل الى دعم جديد او السوق سيستمر في النزول حتى يجد القاع العميق !!

 

[المعوشرجي79]

كبر المخدة!!
واديها نومه 3 شهور ,ولا تقرب من الشارع اللي يم البورصة!!
وابشر بالخير ,وشنو يعني ينزل المؤشر مصيره راح يرجع يصعدونه غصبن على خشمه !! ولنا في النزول الأخير عبرة!

والله يا خوك اكو فرق بين انك تنام وتهد اسهمك تنهار وتعال عوض خلال سنوات وبين انك توقف الخسارة لين يفرجها ربك عدل ؟

 

[BUTTERFLY]

هلا والله بالمعوشرجي هل الايام اشفيك من ينزل السوق
تتشائم علي طول خلك دائما متفائل وانشالله ماكو الا الخير وراح
يعدل السوق الاسبوع القادم انشالله واخذها من اخوك شنو مكتوبلك
يصير ولو لك رزقه تخذها قصب طيب من اكبر راس بالسوق.
المعوشرجي انت من كنت تقراء حق بوطيارات وانت متشائم
اخوك بواحمد انشالله ماكو الا الخير

 

[attractive]

[quote=العالم]السلام عليكم

تحت 9000 نقطة والله يستر[/quote]
يا اخي ليش تخرع العالم لا تحليل ولا اي شي تستند عليه قلت 9000 !!!
في دعم قوي علي ال 9800 وان شاءالله ما يكسره ويكون منه الارتداد

 

[المعوشرجي79]

هلا والله بالمعوشرجي هل الايام اشفيك من ينزل السوق
تتشائم علي طول خلك دائما متفائل وانشالله ماكو الا الخير وراح
يعدل السوق الاسبوع القادم انشالله واخذها من اخوك شنو مكتوبلك
يصير ولو لك رزقه تخذها قصب طيب من اكبر راس بالسوق.
المعوشرجي انت من كنت تقراء حق بوطيارات وانت متشائم
اخوك بواحمد انشالله ماكو الا الخير

هههههههههه حبيب ببو احمد شنسوي يا خوك نكسة 8/3 والايام التي تلتها ما نبيها تكرر نبي الناس تكون حذره بقدر الامكان

 

[سهم مضاربة]

الدعم القادم 9600 السوق متجه للدعم هذا

 

[المعوشرجي79]

في ظل الظروف الراهنة والتعنت الصهيوني وبسط سيطرته على لبنان وقرار مجلس الامن ( الرعب ) لامهال ايران بايقاف الانشطة النووية وكأن اسرائيل لا تملك مفاعل ديمونا وكأن ايران فقط هي من تملك الانشطة النووية في العالم ككل .....


بدأت الاسهم بالسوق السهم تلو الاخر وها هو المؤشر يكسر دعم جديد ويبدو انه متجه الى دون الـ 9000 نقطة ! الوضع خطير ويجب الحذر خسارة 50% ولا خسارة 90% والله يعوض علينا كلنا !!

 

[مستشير]

بالرجوع الى احصائيات العام الماضي نجد أن اسعار الأسهم كانت بمستوى أو أقل من مستوى أسعارها الحالية فالوضع بشكل عام ليس مخيفا الى هذه الدرجة