تكفون ياأعضاء الأستشاره لاتخلوني

[كاااش]

لقد أشتريت صكوك بسعر 222 بكميه كبيره ثم نزلت الي 216 وأريد أن أستثمر فيها لمدت ثلاث أشهر وما فوق علمن بأنها في الربع الأول والثاني
ربحانه فهل أبيع أذا نزلت تحت 216 أوأبرد عليها وفي أيسعر أبرد عليها
ومشكورون

 

[البواردي]

السلام عليكم

اخوي والله الشباب قبل فتره يمدحونها واذا انت مستثمر خلها لكن اذا انت مضارب الوضع غير جذي

لكن بصراحه انا عاجبتني صكوك ومن زمان
الاستثمار فيه حلو وربحيتها جيده جداً


الله يوفقك

 

[المهذب جداً]

.


ثلاثة من ربعي ماخذين هالسهم على 270 فلس!


أتوقع لهالسهم الوصول لسعر 335 فلس بشهر 12 أو شهر واحد القادمين


إن شاء الله


.

 

[كاااش]

أخوي البواري
مشكور علي التعليق والتوضيح

 

[كاااش]

أخوي المهذب جداً
مشكور علي النصيحه

 

[FLOOD]

صكوك سهم ماعلية غبار اسلامية ارباح متنامية شغل عدل مدل وارباح مرحلة من السنة اللى فاتت اترك عنك الخوف ارقد و امن وشرط ماتبيع بعد 3 سنوات انشاللة نهاية هل سنة تبيع والسعر الى شارى فية يعتبر الدعم قبل الخير وسعر ممتاز اللة يوفقك انشالله




السلام ختام

 

[Wise]

صكوك من الاسهم الاكتتاب للمدا البعيد اشوف فيها خير .

 

[كاااش]

أخوي FLooD مشكور علي النصيحه
وعلي المرورك

 

[كاااش]

أخوي wise مشكور علي النصيحه
وعلي مرورك

 

[كاااش]

يا شباب ترا مانستغنا من نصيحتكم
لأني شاري كميه كبيره
لرفع

 

[مستثمر اسلامي]

لاتخاف راح تبيع 300​

 

[حايس حوس]

عقلك براسك تعرف خلاصك

انقل لكم شارت صكوك
انا شايف انة عندة عدة مقاومات قوية جدا جدا جد قبل الوصول 240 فلس
في الوقت الحالي (حتي بعد شهر )
ومؤشر الاستاكاستك كسر للاسفل (
وضع السهم حاليا ما يبشر بخير
وللمحللين الراء الافضل

 

[الراقي]

مشكلة الشركة ان ارباحها العام الي طاف ممتازة بس ماوزعو شي واربحها في النص الأول حلوه بس اذا مافي توزيعة شنو فايدة الأرباح ...تقولي استثمار اقولك ليش ماأستثمر في شركة تعطي ارباح مثل المستثمر او الهواتف او المجموعة؟؟؟؟

 

[Ben Mosleh]

أخوي كاااش
سعر 216 يعتبر دعم حالي للسهم وإن شاء الله يتماسك

 

[كاااش]

مشكورين الي الأعضاء الأفاضل على التوجيه والنصح
ولا نزال نقبل النصيحه من باقي الأعضاء
ولكم كل الشكر

 

[ibrahimi]

شارية 222 ووصل 216 علي شنو خايف ارقد وامن انت شارى باقل الاسعار بس لااتراقبة واتعور راسك خلة حق وقتة

 

[boali]

لقد أشتريت صكوك بسعر 222 بكميه كبيره ثم نزلت الي 216 وأريد أن أستثمر فيها لمدت ثلاث أشهر وما فوق علمن بأنها في الربع الأول والثاني
ربحانه فهل أبيع أذا نزلت تحت 216 أوأبرد عليها وفي أيسعر أبرد عليها
ومشكورون

اخوي صكوك اسم على مسمي

وشوف منو ظهرها ما راح اتخاف

خلها استثمار باذن الله راح تشوف الرزقه الحلوه ولاتنسانا بالحلاوه

---------------------------

السوق والوضع الحالي غير مطمأنان