Bo Tasneem قال:
للأسف ياخوي ..
إنك ماتبي من ورا كتابة مافي القلب وما في النية إلاّ النصيحة لوجه الله .. وفوق هذا إنك دعّمت كلامك بتجربة حصلت لك !!
ولكن للأسف .. احنا إللي مو كفو والله العظيم ..
على الأقل كلمة شكر لأخونا ماتاخذ منّك كم كبسه على أزرار الكيبورد .. بس فالحين في الشماته والضحك والتطنز على بعض ..
جان على الأقل كتبت موضوع من أمثال هذي المواضيع .. بس لأنك موفالح بهالشي أصبح ماعندك غير التصيّد على خلق الله وكأن المنتدى صار غرفة للجات أو ديوانية بالأصح ..
فعلاً .. المنتدى بدأ يفقد بريقه بين الحين والآخر .. ولحّد يزعل من هالكلمة !!
جزاك الله خير أخوي .. وكلامك عين العقل وفعلاً هناك فرص وواضحة أيضاً .. ويجب اقتناص الفرص على من يرغب في التعويض .. والحلو بأن هذه الفرص ماتاخذ منّك انتظار بالعكس .. ماعليك سوى الدخول من القاع والخروج بأسعار أعلى بقليل ..
بارك الله فيك ..
بوتسنيم
اخوي أبو تسنيم انا صدري وسي وما راح أزعل من الكلام اللي قلته عني ..
لكن أبيك أنت هم توسع صدرك و لا تزعل لما أقولك أنه كلامك هو الأخر ككلام بن الوليد يندرج تحت خانة التفلسف والحجي الزايد ..
والأ بالله عليك أين الموضوع اللي كتبه أبن الوليد علشان تشره علينا ليش ما شكرناه ..
شنو الموضوع أصلا .. مجرد كلام عام وتحصيل حاصل وفلسفه لا داعي لها ..
شنو السوق كنز .. ولا تعاند الكبار .. ؟؟؟ شنو يعني هالكلام وين نصرفه ؟؟؟
ووين تجربته أصلا اللي أنت تمدحها وتبين نشكره عليها ... وين ذكرها علشان نستفيد منها ؟؟؟
وأما كبسة الزر اللي نشكر فيها الناس فياما كبسناها بالشكر والعرفان وبلا منه لنعبر بها عن أمتناننا وتقديرنا لكل مداخله أو موضوع يستحق أن نشكر ونشيد بصاحبه ..
وأما تعقيبا علي كلامك والذي هو الأخر كحال كلام أبن الوليد حجي فاضي وكلام ماله لا طعم ولا لون ولا رائحه ..
شنو يعني السوق متروس فرص وواضحه أيضا .. وأشتر من القاع .. يعني شفايدة هالحجي المبهم ..
جم واحد وواحد شري من القاع .. ثم نزل السهم لقاع جديد ... أو ظل السهم يراوح مكانه ..
نروح ونرد ونقول الحجي سهل والتفلسف أسهل ..
لكن لي سؤال .. ليش لما تبيع سهمك .. كل يوم والثاني تطلع فيه عذروب
.. وأذا شريته صار قدس الأقداس و جميلة الجميلات ..؟؟؟