أخوي يعطيك العافيه بالنسبه لسهم Cbak هذا سالفته سالفه
قبل يومين قاعد بالدوانية ومركز شوي على الأسهم
وشوي لعب جنجفه المهم شريته 1000 سهم على 5.84 دولار
قبل الأغلاق تقريباً بساعه وقبل الأغلاق بكم دقيقه أشوفه أرتفع
وصل للهاي وكان الهاي موقف على 5.97
ومندمج بالجنجفه قلت خلني ابيع على السريع وأحط الأمر
ونفذ الأمر وبكره أشيك على الحساب بشوف كم عندي كاش
أنصدمت بالمبلغ قلت الفلوس وين راحت << طلع الحبيب
بدال لأحط أمر بيع
حطيت أمر شراء وقلت يا رجال خير ((( صار عندي 2000 سهم
<< والحمدلله ثاني يوم فتح على 6.03 وحطيت أمري 6.20
وتأكد أنه الأمر بيع <<<< والحمدلله طلعت خير منه
ويمكن أدخل فيه بكره ويكون تحت المراقبه اشوف السهم
راكد ويعطي ما يقصر باليوم تقريبا 30 سنت بس يكون
دخولك في وقت مناسب
وبالنسبه للسهم الثاني Escl
هذا من الأسهم المجنونه ومن الأسهم اللي تحت المراقبه دائماً
والسبب أنه خسرني كثير وأعتقد أنه عليه أكثر من قضية
يعني تدخل بوقت مناسب وما يكون مرتفع وتربح على السريع
يعني ينطبق عليه نظام الكر والفر
وللحين ما شريت بالسهم راح أنتظر ليوم غداً ونري أذا واصل
الأرتفاع راح أقط عمري عليه بس بحذر شديد
وبالنسبه للأسهم المتبقيه أذا تقدر تفيدني
كم سعر الدخول والأهداف
وبارك الله فيك
جزاك الله خير
وبالتوفيق