السوق متجه الى 14الف نقطه 2007

[دليل البورصة]

ياشباب دخلت اليوم غرفة البالتوك وسمعت الأخ طاح السوق يقول السوق متوجه الي 14 الف في 2007

وان شاء الله يكون توقع طاح السوق يضبط مثل ما أخبرنا بنزول السوق في أواخر 2005 وذكر لنا بعض اسعار الأسهم بعد النزول وأضبطت معاه

ان شاء الله التفائل موجود

14 الف يعني مافي ولاسهم يكون سعره اقل من 250 فلس

 

[no smoking]

الله يهداك . ما لقيت الا طاح السوق تسمع كلامه ؟ . ليش ما تكلمت عن تطبيله حق اسهم البحر . يعني لو سامعين كلامه عن اسهم البحر جان رحنه وره الشمس . بس الحمدالله اللي محد سمع كلامه .....

 

[cocker]

????

ماعرفنا طاح السوق مضبوط والا لا ؟

 

[Director]

اي واحد يقول السوق رايح وينط 4 الاف نقطة
مو مضبوط حده ..

خله يطوف ال 10 الاف بعدين يحلها الف حلال ..

 

[صقرالبحر]

فاتح موضوع جديد وحاط عنوان شكبره يخرع
عشان تقول سمعت طاح السوق قال في البالتوك ؟
عطنا خبر من جريده
من محلل اقتصادي معروف في محطه تلفزيونيه
من مسئول كبير بالدولة
مو من البالتوك

اذا مواضيع المنتدي بتصير بهالمستوي عيل سلم عليه

 

[ChanZeeN]

مقاومه 9090 ما قدر عليها
يا شباب شوفو السيوله قاعده تخف بالسوق تدريجيا !

 

[جراندايزر]

شنو عنوان الغرفه بالبال تولك

 

[دليل البورصة]

فاتح موضوع جديد وحاط عنوان شكبره يخرع
عشان تقول سمعت طاح السوق قال في البالتوك ؟
عطنا خبر من جريده
من محلل اقتصادي معروف في محطه تلفزيونيه
من مسئول كبير بالدولة
مو من البالتوك

اذا مواضيع المنتدي بتصير بهالمستوي عيل سلم عليه

هلا أخوي صقر زعلان علشان فاتح موضوع عندك المنتدي ماشاء الله تقدر تكتب اللي تبيه وبحريه

وبعدين انا سمعت وحبيت أنقل الكلام وفي شباب كانو في الغرفه وسمعو هذا الكلام وخلنا متفائلين التفائل حلو في كل شئ مو بس في البورصه

وانت تقول خبر بالجرائد وتقول محلل بالتلفزيون

سمعنا أخبار كثيره من الجرايد ويطلع الخبر غير صحيح واشاعه

والمحللين الكبار ليش ما حذرو قبل ما ينزل السوق وطاح كل شئ براسنا

وفي منهم من قال قبل نزول السوق المؤشر راح يصعد الي 15 الف نقطه

خوش محللين كبار

 

[صقرالبحر]

هلا أخوي صقر زعلان علشان فاتح موضوع عندك المنتدي ماشاء الله تقدر تكتب اللي تبيه وبحريه

وبعدين انا سمعت وحبيت أنقل الكلام وفي شباب كانو في الغرفه وسمعو هذا الكلام وخلنا متفائلين التفائل حلو في كل شئ مو بس في البورصه

وانت تقول خبر بالجرائد وتقول محلل بالتلفزيون

سمعنا أخبار كثيره من الجرايد ويطلع الخبر غير صحيح واشاعه

والمحللين الكبار ليش ما حذرو قبل ما ينزل السوق وطاح كل شئ براسنا

وفي منهم من قال قبل نزول السوق المؤشر راح يصعد الي 15 الف نقطه

خوش محللين كبار

كلام معقول

 

[سهم كويتي]

انتو ناسين ان جلوبل بكبرها قالت السوق رايح الى 13 الف نقطة قبل ما يطيح

 

[mish3al_99]

انتو ناسين ان جلوبل بكبرها قالت السوق رايح الى 13 الف نقطة قبل ما يطيح

جلوبل ,, مو هذي اللى اعلنت ارباح غير محققه 23 مليون . و بعد شهر .. اعتذرت عن الحطأ و صححت الاعلان و قالت الارباح الغير محققه 1 مليون ,,,


خوش شركة كبيره ,, !!!!!!!!!!!!!!!!!!!!!!

 

[مستثمر1]

انتو ناسين ان جلوبل بكبرها قالت السوق رايح الى 13 الف نقطة قبل ما يطيح

لاترووح بعيد المحلل الكبير فوزي الصبيح قال السووق رايح اكثر من 16 الف نقطه؟؟؟؟

 

[sultan2007]

خلووووه يعدي ال 10 الاف اولا وبعدين يصير خير

[QUOTE=مستثمر1;479997]لاترووح بعيد المحلل الكبير فوزي الصبيح قال السووق رايح اكثر من 16 الف نقطه؟؟؟؟ [/QUOTE]


ما شاء الله عليكم غرقانيين وتفكرون تاكلون .... الحقيقة عالم مجنون ويواسي نفسه بنفسة ... خلونا اولا انشوف مقاومة ال 10 الاف النفسية

وبعدينانشوف السيولة ودخولها وبعدين الواحد يقدر ايحكم على الوضع

لا 14000 ولا 16000 هذا الكلام ماخوذ خيره الحين وبصراحة اللي يتكلم فيه

رايح يضيع كثير م الشباب ليش لان الامل هذا قريب من عشم ابليس بالجنة مادام الوضع هذا وللحين بس لو تعدل السوق من ناحية امانة التداول ونية الاستثمار ودخول السيولة اهني انقول ان الوضع زين

بس رايي للشباب لاتحطون الامل البعيد وانتم خسرانين شوف السوق واستخير والعب معاهم اذا قدرت والا اصعد على سهم ربحان وارباحه تشغيلية لعله يوصلك للسعر اللي يطلع من الخساير يعني شوف الاسهم التشغيلية اللي اعلنت عن ارباح تشغيلة ومعدل ربحيتها لسعر السهم منخفضة وادخل وان شاء الله راح تعوض و اصبر لاخر السنة

اما تعشم نفسك بالوضع هذا بامل بعيد لا كانك تلحق السراب وتحسبه ماء


لا انت راح تدركه ولا راح تشرب منه لانه سراب

وال 14000 وال 16000 الحين تعتبر سراب واتمنى من الشباب لا يكثرون من هذا الامل لانه بصراحة راح يضيع كثيرين عن اهدافهم الواضحة وبالتالي
راح يضيعون اخوانهم

ولو ان حسن النية موجود ان شاء الله وندري انهم متحمسين وعواطفهم البه على هالشئ

 

[يقولون]

يا جماعه دام الكل متفق اه السوق مو تكانه ليشما تصيرون مضاربين بنفس اليوم او يومين او على الاقل على جو السوق اذا نزول وخروا واذا صعود وياه مادري انا ودي اعرف واستفيد منكم لانه ماشالله عليكممجابلين عدل بس قاعد اقول بيني وبين نفسي ليش ما يسون هالطريقه؟

 

[دليل البورصة]

السوق اليوم أقفل على 10 ألاف نقطة

 

[انور النقوشي]

14000 نقطه
؟؟؟؟
بالمشمش​

 

[MOHAMMED11]

14000 نقطه
؟؟؟؟
بالمشمش​

انا اعتقد بالمنجا

 

[دليل البورصة]

انا اعتقد بالمنجا

منجا و14 الف شغل عدل:d

 

[دليل البورصة]

شكل السوق رايح 14 الف

 

[C-oNtROoL]

من شفت الشارت
تركت التلفاز
وقعدت ابحلق بالويفات

السعري بالضبط عند المقاومة
ننتظر باجر لنشاهد ،، نبي تداول قوي ​