السلام عليكم
هلا اخوى شوف تبى تصير مضارب ناجح بالبداية
1- لازم تكون تعرف بالتحليل الفنى او تكون مراقب جيد لحركة سهم معين وتعرف نقاط المقاومة ودعم ويفضل بالبداية تنقيلك شكل pattren التماسك وهو تشكيل الثبات و تحرك باطار معين لفتره زمنية طويله مما سهل عليك نقاط الدعم و المقاومة وتدرب عليه
2- لازم تعرف توجة السوق يعنى بالوقت الحالى توجة السوق غير معلوم للكثيرين وانا اولهم والسب ان القرارت الى تحرك السوق متغيرة ومستمره بالتغير فى السوق وصاير توجه السوق من الخارج وليس من ميكانيكية السوق فمن جذى افضل الابتعاد عن السوق و المضاربة بمبلغ صغير جدا واذا انت غير متمكن من المضاربة وقف موليه حتى تتضح الرؤيا ولاتخاف السوق مراح يطير بتلحق عليه
3- تحلى بشى اسمة عدم الاندفاع لان دايما الاندفاع يخليك تشترى عند مقاومة ويخسرك اذا طافك السهم هدا ولاتلحقا وقولا باى باى
4- لما تشترى سهم حط اهداف للسهم بالربح و الخساره لى حقق الهدف الى تبيه بالربح بيع ولا تطمع لانك اذا بعت تعتبر انجزت المهمة بنجاح وانت فعلا مضارب حتى لو يصعد زيادة فانت لاتستطيع اخذ كل ما بجعبة السهم ولى نزل لى هدف وقف الخساره هم بيع وجذى تعتبر مضارب ملتزم بقواعد المضاربة بس ماساعدك الاختيار شوف عيب الاختيار كان شنو سببا و حاول تعدل طريقة اختيارك والوقت للسهم بالمرة الثانية
5- لازم تتعلم شلون تجمد قلبك وتشترى بالسوق وهو احمر بس تعرف وين قاعد تشترى (معلومة) السهم غالبا مايوصل لى نقاط الدعم الا و السوق احمر بيع وسوق اخضر لما السهم يوصل الى مناطق مقاومة او تشبع بالشراء فبيع قبل لا يبدى البيع لان بعدها بيصير بيع بكميات كبيرة مراح يعطونك مجال تبيع
6- فى اسهم اسمها اسهم مضاربة لازم تعرفها و تكون هدفك بالسوق مو تروح تشتريلى بسهم ميت مايتحرك اسبوع وتقولى بضارب
7- استخدم الاشاعات و الاخبار المتوقعة و بالدخول و الخروج
8- اشتر عند الاشاعة و بيع على الخبر فهذا شى اكبر المحلليل يوصون فيه
9- عند ورود خبر ايجابى خارق للعادة انتظر شوى ولا تتسرع بالبيع و عند
ورود خبر سلبى خارق بيع فورا ولا تتردد
10- خل عينك دايما على كميات التداول و عدد الصفقات و كميات الصفقات وهذا الى يعلمك توجة السهم للفترة القادمة احيانا سواء كان تجميع - تصريف - تداول عادى
11- خل عندك توجة و حط اوامرك اول السوق بعدين شوف توجة السوق و غير الى تبى
12- السوق دايما صح وانت غلط فحاول تمشى مع السوق و لاتخالفة بالاتجاه ولا تعاند ( السوق قطار ماشى اذا وقفت بويه يدوسك ويكمل دربا ولا يسئل فيك )
الله يوفقك
اتمنا انى قدرت افيدك لو بشى بسط
اخوك فلوووووووود