أخوكم متابع قديم و عضو جديد

الحالة
موضوع مغلق

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
السلام عليكم حبيت ابتدي اول مشاركه لي بالمنتدى وأخوكم متابع قديم للمنتدى لما يقارب الثلاث سنوات ومتداول بالسوق الكويتي من اربع سنوات
ومن قبلها سنتين بالسوق الأمريكي ولكم بعض النصائح للأخوان المبتدئين في البورصه الكويتيه وممكن تكون تذكره لبقية الإخوه
:


1 - اذا كنت مضارب لاتحلم بالربح الفاحش في زمن قياسي اقنع بالربح البسيط ابو تكه أو تكتين ( من طمع طبع ;) ) و لاتكون مضارب بكل رأس مالك .

2 - استثمر فلوسك في شركه أرباحها متناميه وأنا لاحظت هالسنه ماشاءالله فيه شركات ذات عائد تشغيلي
والاستثمار فيها مايخوف وحتى وقت الهبوط الحاد للبورصه مانزلت الا القليل والعائد على الاستثمار فيها ممكن يربحك أكثر من المضاربه .

3- اختر الشركات اللي أصحابها يهمهم سمعة الشركة ولايرتضون الخساره لمساهمينها وممكن تعرف هالشركات وقت النزول الحاد للبورصه وتقارن الأسعار قبل وبعد الأزمه القائمه .

4 - دائما خلك جاهز لاقتناص الفرص وقت النزول الحاد للسوق وخل عندك
سيوله لو 30% من رأس مالك لكن شطارتك تكون بوقت الشراء :)

5 - يحتاج أقول عمرك لاااااااا تفكر تاخذ قرض وتشتغل فيه بالبورصه ؟!!! :rolleyes:

وفي ختام أول مشاركه لي اتمنى اني ماكون ضيف ثقيل عليكم ومشكورين وشكر بالأخص للأخوه المشرفين والقائمين على المنتدى
أخوكم بوعتيوي ( عليوي ) :)
 

Q8 Stock

مشرف
طاقم الإدارة
التسجيل
12 يونيو 2005
المشاركات
25,895
الإقامة
Q8
السلام عليكم


حياك الله اخوي كنج ليو
وهذا الساعه المباركه انضمامك لنا

وما شاء الله
واول مشاركه وفيها من النصايح المفيده

احسنت وبارك الله فيك

وان شاء الله
نستفيد منك وتستفيد مننا


وتقبل مودتي
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
تسلم أخوي بوعلي وبالعكس أنا اللي استفدت من المنتدى الكثير الكثير سواء لتحقيق الأرباح أو لتقليل الخسائر وهذا اللي زاد خبرتي طول السنوات اللي فاتت وخصوصا في الأزمه القائمة واللي أتمنى ماتطول وبما أنك أول المرحبين يا بوعلي اسمحلي اسألك هل تعتقد ( فنيا ) السوق راح يرجع لعافيته بعد تداول اليوم؟؟ خصوصا ان ماسمعنا بأي أخبار إيجابيه والسؤال موجه لمحللينا الكرام أيضا ومشكورين
 

سهمكووو

عضو نشط
التسجيل
30 نوفمبر 2005
المشاركات
873
مشاء الله عليك

اخي
King-Leo

اول لمسه للكي بورد تطلع منك درر الله يبارك فيك على هذا الكلام الطيب

ولو ذكرتلك كم شركه ثقه تفيد اخوانك فيها
 

FLOOD

عضو مميز
التسجيل
23 يناير 2006
المشاركات
2,473
حياك الله اخوى بين اخوانك وبارك الله فيك على النصائح
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
هلا فيك أخوي سهمكو للعلم بس أخوك ترى مبرمج كمبيوتر يعني لاتستغرب اذا قعدت أرد عليك ليل نهار لأني شغلي كله على الكمبيوتر
يعني بالعربي بتلوع جبدوكم مني ان بديت اكتب :)

حاليا أفضل الاستثمار في شركات لها مشاريع خارج الكويت ( خوفك الحكومه تسحب بعض المشاريع من الشركات اللي معتمده بشغلها كله على الدوله:eek: )

أعتقد حاليا الأسلم لنا نبتعد عن شركات الاستثمار مؤقتا ونروح للعقار والخدمات ولا شرايكم؟ وعندنا شركات أرباحها في تنامي ومانزلت كثير مثل الشركة التجارية العقاريه سعرها بتاريخ 1-11-2006 كان 305 فلس واليوم 285 وهي غنيه عن التعريف وسلوك سهمها استثماري وممكن يكون مضاربي بتكه وحده (عن الطمع قلنا :))

وشركة المزايا كان سعرها 690 بنفس التاريخ وحاليا 540 فلس صحيح نزلت 150 فلس لكن أرباحها للتسع شهور ضعف السنه اللي فاتت وماشاءالله مشاريع كثيره بره الكويت :)
فهل من العدل أن تبقى على أسعارها الحاليه خصوصا اذا قارنا توزيع الأرباح مع الشركات الأخرى ؟! أنا أشك بذلك :rolleyes:
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
حياك الله اخوى بين اخوانك وبارك الله فيك على النصائح

تسلم لي أخوي Flood الله يحييك ويبارك فيك ويكبر التجوري عندك كثر ماتريد :) و يزيدنا شرف المشاركه معاكم
 

قاروه

بوعبدالعزيز
التسجيل
22 نوفمبر 2005
المشاركات
7,976
حياك الله اخوي بين اخوانك و ما شاء الله الكتاب مبين من عنوانه (اول مشاركه) وكلها نصائح :)
 

Nagooshy

عضو نشط
التسجيل
17 مايو 2006
المشاركات
3,228
الإقامة
الخالديه - الكويت
حياك الله بالمنتدى :)
 

raay

عضو نشط
التسجيل
11 نوفمبر 2006
المشاركات
1,272
الساعه المباركه

حاليا أفضل الاستثمار في شركات لها مشاريع خارج الكويت ( خوفك الحكومه تسحب بعض المشاريع من الشركات اللي معتمده بشغلها كله على الدوله:eek: )

أعتقد حاليا الأسلم لنا نبتعد عن شركات الاستثمار مؤقتا ونروح للعقار والخدمات ولا شرايكم؟ وعندنا شركات أرباحها في تنامي ومانزلت كثير مثل الشركة التجارية العقاريه سعرها بتاريخ 1-11-2006 كان 305 فلس واليوم 285 وهي غنيه عن التعريف وسلوك سهمها استثماري وممكن يكون مضاربي بتكه وحده (عن الطمع قلنا :))

وشركة المزايا كان سعرها 690 بنفس التاريخ وحاليا 540 فلس صحيح نزلت 150 فلس لكن أرباحها للتسع شهور ضعف السنه اللي فاتت وماشاءالله مشاريع كثيره بره الكويت :)
فهل من العدل أن تبقى على أسعارها الحاليه خصوصا اذا قارنا توزيع الأرباح مع الشركات الأخرى ؟! أنا أشك بذلك :rolleyes:


حياك الله اخوي والحال من بعضه هم انا جديد ومعجب بالمنتدى ودائما ادور على المشاركات الطيبة اللي مثلك
تعقيب بسيط وقابل للنقد
الشركات الاستثمارية لها دور كبير في تحقيق رفع المؤشر وانصح بالاقتراب منها للاسباب التالية:
شركات استثمارية لها السمعه الطيبة
لها تنوع بالمخاطر
ربحيتهم لنهاية السنه افضل من السنوات السابقة
بس خلك حريص على الاختيار الامثل والاصلح
الشركات الاستثمارية كثيرة والبعض منها يحتاج ان تكون بعيد كل البعد
الوضع السائد الحالي واللي الكل يتكلم عنه طفره وستنتهي يوم والا بعد شهر
اخيرا دير بالك من الشركات العقارية وعليك باختيار الشركة بعد التعرف على مكان استثمارها تجنبا للمشاكل الخارجه عن السيطرة
ارجو للجميع التوفيق
وانا وياك على الخط :)
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
هلا فيك أخوي raay

انا معاك شركات الاستثمار تعتبر الوقود والمحرك الرئيسي للسوق وتربح منها أكثر من الشركات العقاريه لكن في وقت تسود فيه أخبار سلبيه مثل الوقت اللي احنا فيه والدروس اللي تعلمناها من السوق طول هالسنوات تخلينا نفكر كثيرا وقت اللي ندخل على سهم بقطاع الاستثمار وعلشان جذي ذكرت الأسلم نبتعد مؤقتا :)

واذا سألتني ليش؟ أقولك ببساطه لأن ربحهم بالدرجه الأولى يعتمد على البورصه مع استثناء لبعض الشركات مثل الدار والتسهيلات والمشاريع وغيرهم من الشركات الاستثماريه اللي تنوع من مصادر أرباحها .

ومثل ما انت شايف شلون الأسعار متقلبه ونازله خصوصا هالسنه وبالنسبه للشركات اللي ذكرتها لك أخوي مشاريعهم موجوده في السعوديه والامارات .

واسألك بالمره كمثال مو أكثر ، هل تاخذ سهم مثل مزايا قيمته 540 فلس وربحيته للتسع شهور 85 فلس أو تاخذ سهم مثل جلوبال قيمته دينار وربحيته 86 فلس ولنقل لفتره شهر من الآن ؟ وتسلم للمشاركه البناءه وأرجو التوفيق لنا اجمعين :)
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
حياك الله بالمنتدى :)

تسلم أخوي النقوشي الله يحيك وبإنتظار مشاركاتك المتميزه دائما

حياك الله اخوي بين اخوانك و ما شاء الله الكتاب مبين من عنوانه (اول مشاركه) وكلها نصائح :)

الله يحييك حبيبي قاروه نسمع منك الأخبار والنصائح الطيبه اللي تفيد الجميع ان شاء الله
 

raay

عضو نشط
التسجيل
11 نوفمبر 2006
المشاركات
1,272
حقيقة فخر لي شخصيا التعرف عليك في هذا المنتدى يا King - Leo اراء وتوصيات جديره بالتقدير
واتمنى لك الثبات
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
حقيقة فخر لي شخصيا التعرف عليك في هذا المنتدى يا King - Leo اراء وتوصيات جديره بالتقدير
واتمنى لك الثبات

حبيب يا raay ويزيدني شرف التعرف عليك ولنتواصل دائما بالمنتدى

ومن الحين أقولك تصبح على خير لأني من النوع الديايه اللي ينام بسرعه

حق دوامه ثاني يوم ( مجتهد تدري :D ) ونسمع منك الأخبار الطيبه غدا ان شاءالله
 

raay

عضو نشط
التسجيل
11 نوفمبر 2006
المشاركات
1,272
تصبح على مؤشر اخضر لايقل عن 200 نقطه
وعلى خير
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
ذهب يا عليوي

انت ذهب و نصائحك ذهب


هلا أخوي مساهم غير كويتي وشهادتك أعتز فيها حبيبي :)

وموفقين اجمعين ان شاءالله واليوم انا مراقب للسوق فقط لأني قاعد أطبق

وحده من النصائح اللي تقول خل عندك سيوله تقتنص فيها الفرص وناطر

الفرصه وحاليا أراقب الأسهم القياديه ذات الأداء التشغيلي وإقتناصها

بهالأسعار أو بعض شركات قطاع العقار ( الثقه )

وملاحظة أخيره بدال عليوي خلها بو عليوي :) وتسلم للمرور على المشاركه
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
حياك الله أخوي king-leoبين أخوانك ولا تبخل علينا بنصايحك الطيبه وبذن الله ويهك خير علينا والسوق أخظر ربيع من السبت

هلا اخوي لندن :)

ماشاءالله من وين مطلع اول موضوع هذا كتبته انا بالمنتدى :)

حاضر باللي تبيه من نصائح طال عمرك تامر :) موفق ان شاءالله

والله يسمع منك ونبتدي نشوف اللون الأخضر مره ثانيه :)

وعسى اللي خذا مزايا أو التجاريه العقاريه مايكون خسر فيهم

من ذاك التاريخ :)
 
الحالة
موضوع مغلق
أعلى