tariq m
عضو نشط
- التسجيل
- 17 يونيو 2006
- المشاركات
- 160
أخوي المجموعي .. و لا يهون أخونا بو علي
بغض النظر عن كون أغلب كلامك اذا مو كله غلط بغط ..حبيت بس انبهك على شغله خاصة بالنسبة للكلام اللي بالأحمر
حضرتك كنت اكبر و اعظم مطبل للمجموعة الدولية و زميلاتها ..بس خلنا نخص المجموعة اللي من كثر ما كنت تطبل لها و تعزها سميت روحك "المجموعي" ..
ممكن تنورنا و الأعضاء الكرام و معانا المشرف العزيز بو علي .. شنو كانت ارباح المجموعة الدولية أيام تطبيلك الشهير و الغير معهود؟ أقصد شنو اللي تغير بالمجموعة الدولية من ناحية طبيعة الربحية و جودتها ..؟؟
اكيد في تغيير جذري و جبار اللي خلاك تقلب 180 درجة و تهاجم الشركة بالشكل هذا ..
الشي الآخر اخوي انت قلت المجموعة نزلت نزول غير مبرر .. ليش و هل السوق نزل نزول مبرر ؟؟ الهواتف نزلت 20% .. مستصعب تشوف المجموعة السهم المضاربي اللي ما يسوى على قولتك انه ينزل 30% ؟؟ طيب الصناعات لا تحييد و لا عقود مسحوبه نزلت من 1400 لي 950 ..هذي 32% .. المخازن من 2100 لي 1400 ..هذي 33% ..
الدوليه للاجارة وقت طيحة السوق اشوفه ينزل حد ادنى تداوله 400 الف سهم .. المجموعه تداولها بالملايين ..
و بالنسبة للمقارنة الغير عادله بشركات البحر ..يكفي اقولك البحر بعد طيحة السوق ما ترقع و خسايره عشر اصفار
بالمقابل المجموعة و ربعها كلهم ربحانين ..و توزيعاتهم كانت احسن توزيعات ..خاصة ان السوق كان طايح حزتها و الشركات تدور الفلس
بعد مو ناقص الا تقول الكاش و الاسهم اللي وزعوهم (ورق × ورق)
لأن اذا المنتدى ما يحاسب ..ترى رب العباد يحاسب
ملحوظة: ما راح أدخل بنقاش و مهاترات نزولا عند رغبة ادارة المنتدى بجعل جميع المداخلات موضوعية تخص الأسهم و الشركات و من غير شخصنه و تهجم
