خطوات البيع والشراء ؟؟ ذكروني فيهم ماعليكم امر

هدووء

عضو نشط
التسجيل
5 أبريل 2006
المشاركات
24
شباب ارغب بالمشاركة في البيع والشراء بالسوق
ماهي الخطوات وكيف تتم عملية البيع والشراء

هل تكون عن طريق وسيط موجود في البورصة ؟؟
او عن طريق الانترنت ( واذا عن طريق الانترنت ماهي الاجراءات )؟؟

خبري عتيج بالبورصة فيرجى من الشباب تذكيري بالخطوات

تقبلوا تحياتي
 

هدووء

عضو نشط
التسجيل
5 أبريل 2006
المشاركات
24
خلك عن طريق الانترنت احسنلك

واشترك بالاهليه لان الخدمه مجانيه

شكرا لردك السريع اخي العزيز

ممكن الموقع اذا سمحت

وهل التسجيل فيه سهل ؟ يعني شلون الطريقة والخطوات اللازمة لفتح الحساب ووضع الفلوس ؟؟؟!!!
 

hassan_abu3eed

عضو نشط
التسجيل
12 مارس 2006
المشاركات
1,884
الإقامة
الكويت
اول شي لازم يكون حسابك بالاهليه بعدين تروح سوق المناخ لمكتب الاهليه وتوقع عقد وتشترك معاهم والاشتراك ببلاش ويعطونك يوزر نيم وباس وورد وبالتوفيق ان شاء الله
 

Abo_Yousef

عضو نشط
التسجيل
28 يونيو 2005
المشاركات
255
شباب ارغب بالمشاركة في البيع والشراء بالسوق
ماهي الخطوات وكيف تتم عملية البيع والشراء

هل تكون عن طريق وسيط موجود في البورصة ؟؟
او عن طريق الانترنت ( واذا عن طريق الانترنت ماهي الاجراءات )؟؟

خبري عتيج بالبورصة فيرجى من الشباب تذكيري بالخطوات

تقبلوا تحياتي


الله يهداكم ياشباب عقدتم الريال :D


تبي تدش السوق :p

تعالة يا خوي تعالة ;)



بويوسف يدخل أخونا هدوء القرقور :eek:


( اتغشمر ) :D



الخطوات ، تروح مكتب الدلالة وتعطي الدلال رقم التداول مالك وتسوى الآتي :

1- تطلب اسم الشركة ( دار الأستثمار مثلا )
2- تحدد العملية ( بيع / شراء ) ، شراء مثلا .
3- تحدد كمية الأسهم ( 2500 سهم مثلا )
4- تحدد السعر ، فمثلا إذا ايدك اتحكك وتبي تشتري ابسرعة ، تاخذ من المعروض ( الي اهوا سعر السوق )
إذا مو مستعيل تطلب ( طبعا السعر يكون ارخص ) يمكن يعطونك او ما يعطونك

5- تأخذ من الدلال قيمة المبلغ ، فأما تدفع ابشيك ، أو تسوي حوالة من البنك وتعطيهم رقم التداول مالك . ولا زم تدفع المبلغ وتعطي الوصل أو الشيك لغاية اليوم الثاني الساعة 11 صباحا كخد أقصى !!!!
( أو يغرمونك )
----------------------------------------------------------------------------------

6- إذا ارتفع السهم تبيع ( اتبع الخطوات 1 إلى 4 )
تقدر تشتري سهم ثاني يالسيولة الي عندك

بس إذا تبي تأخذ الكاش بره السوق تنطر تقريبا بين 4 أيام إلى اسبوع ، على حسب اليوم الي انت بايع فيه .

------------------------------------------------------------------------------------

طبعا تقدر اتداول إلكتروني وتفك عمرك من المشاوير هذي
الخطوات السابقة ممكن انت تدخلها ( السهم - بيع/ شراء - الكمية - السعر ) عن طريق أحد شركات التداول الألكتروني


اتمنى اتكون الصورة اوضحت



أخوكم بويوسف
 
أعلى