نبي سهم حق باجر ( تحصيل يومي وليس أستثمار )

[DR_ARMY]

السلام عليكم ..
أولا أحب أشكر الجميع علي المعلومات القيمه التي يتم تزويد المشاركين التي أن شاء الله تؤدي للربح
وأنا بصراحه أطمح بهذي المعلومات يعني يا شباب أبي توصيه بسيطه لسهم ندخل عليه باجر ونطلع منه بنفس اليوم ولكم جزيل الشكر مع تمنياتي للجميع التوفيق
ومشكورين مقدما

 

[DR_ARMY]

مشكورين يا جماعه وما قصرتوا علي الردود الي من كثرها سهرة الليل عشان اقرأها .... يعني الغريب ان في اكثر من 100 شخص دخل علي الموضوع ولا حتى كلف علي خاطره يوصى باي شي .... علي العموم مشكورين وما قصرتوا واتمني من المشرفين أغلاق الموضوع لان ما منه فايده ... لان الجماعه يمشون علي أسم الكاتب اذا الاسم في دلع ولا حب وحنان تلقاه المشاركات توصل باليووم فوق 50 رد لكن أسم الكاتب شرس ومافي نوع من دلع فمحد حتى عبر الموضوع .. واتمني الرسالة وصلت

 

[بو بندر 2000]

اخىي الكاسر يعطيك العافية على هذة المحاوله ! خيرها في غيرها ! :d

انا دخلت هنى بستفيد منك ومن موضوعك وتقربا كل اللى دشوا كذلك

يبون يصيدون معلومة خبر زين ولكن الكل متحفظ ! خايفين يمكن ؟

تحياتى .............

 

[Believer]

أعتقد لازم تعذر الناس، السوق البارحه كان ثابت تقريبا، واليوم كذلك. البارحه أنا ما شريت سهم، واليوم حاولت أشتري الدار على 1260 بس ما ادري شريت واللأ بسبب إن الأوامر معلقه للحين .... بالنسبه لباكر أتوقع سهم أولى وقود يبدأ يرتد بسبب دخول قوه شراء على 455 والصفقات كانت قوية ومتعمد إنه ما يرتفع ... لهذا الأمر أتوقع السهم يبدأ باكر بانخفاض يوصل ل440 فلس .... راقب السهم ولو شفت قوه شرائيه والسهم بدأ يطلع بدون مقاومه اشتر، بس المهم يكون شرائك تحت 455 والبيع بنفس اليوم على سعر فوق 455 ... محتمل يوصل حد أعلى باكر بس لا تتطمع ...

 

[بيل غيتس]

السهم هو

الفراش والمخده للتمويل والاستثمار

 

[Q8Q8]

السلام عليكم ..
أولا أحب أشكر الجميع علي المعلومات القيمه التي يتم تزويد المشاركين التي أن شاء الله تؤدي للربح
وأنا بصراحه أطمح بهذي المعلومات يعني يا شباب أبي توصيه بسيطه لسهم ندخل عليه باجر ونطلع منه بنفس اليوم ولكم جزيل الشكر مع تمنياتي للجميع التوفيق
ومشكورين مقدما

أخوى الكاسر
اللى انت طالبه صعب وخاصة هالأيام
السوق متذبذب ولا ماشى على دراسات او تحليل ولا منطق
لو انك سألت عن سهم أستثمار جان نصحناك
على العموم بعطيك حم سهم والقرار لك
بتروغلف صارله اسبوع ينباع 690-700 بأول السوق وينشرى 720-730 آخر السوق
كويتيه للأسثمار شراء 485-490 وبيع 495-500
مستثمر شراء 250-255 بيع 260-265
كفيك شراء 710 بيع 730
انجازات شراء 260 بيع 270-275
تجاريه شراء 290 بيع 300
بوبيان بتروكيماويات شراء 670 بيع 690
امتيازات شراء 345 بيع 355
خليج متحد شراء 255 بيع 265
هذى حركة هالأسهم خلال الأسبوع وتصلح للمضاربه اليوميه
اعتبرها شرح ومتابعه لحركة التداول اليومى وليس نصيحه للدخول

 

[ثنان]

السلام عليكم

خل فلوس عندك

اخوك ثنان

 

[سهمكووو]

اخي الكريم

لا بد ان تتذكر ((( ان من استشارك دخل في ذمتك))))


وهذه امانه ... 100 زائر بدون رد ..( قوللهم جزاكم الله خير والا ورطوك لو شاروا عليك))

على العموم المفروض تبي أرائك من موضيع الشركات دون استشارة احد

تابع مواضيع الشركات وتجد اهداف واخبار واتجاهات الشركه وحسب قناعتك اولا ... وقرر انت بنفسك او اسأل بنفس موضوع الشركه وتجد من يفيدك

والله يرزقنا ويرزقك

 

[DR_ARMY]

السلام عليكم
الشكر موصول للجيمع وما قصرتوا علي الردود المفيدة وعساه الله يكثر من امثالكم
مشكورين

 

[خير الكلام]

السلام عليكم

تبي سهم فيه لقمه ؟
تابع الاولى للوقود وحاول تصيده ب405 فلوس .
واذا صدته ب380 انت اوكي .

والرزق على الله بكل الاحوال .