تبي تبيع الخليج للملاحه وأنت بالكويت

شركه وفره للوساطه الماليه

رقم التلفون 2491999

جيب الشهادات وكل شهاده وياها صوره الجواز وصوره البطاقه المدنيه والتوكيل الخاص عن صاحب الاسهم

فتح الحساب عشر دنانير


الادراج 15-1-2007

المعامله تاخذ بين اليومين او ثلاثه

يعني قدمها من الحين عشان ترتاح

عشان نفس اليوم الي تنزل فيه تقدر تبيع


وشكراً​

 

شكرا لك على الخبر

 

والله ياخوي مادري بس انا بحثت ولين وصلني رقم تلفونهم قالولي نبيع الخليج للملاحه


بس الشي الوحيد الي ماسئلتهم هو جم الرسوم

وبارك الله فيك اخوي

انا اشوف الي عنده عدد الشهادات قليله يقدر يبيع ولا يسافر

مشكور على المرور اخ فهد

واخ هاني ​

 

اخوي هاني 2000 من وين جبت سالفة ألف درهم انا كلمتهم وقالوا على كل استمارة 10 دنانير بس

 

لا يبه رسومهم على الصفقات مثل اي مكتب وساطه توني اتصلت عليهم قالت الموظفه الرسوم مثل اي شركه وساطه


أن شاء الله يوم السبت رايح دبي ادمج اسهمي اي استفسارات ياشباب


​

 

الله يعطيكم العافيه

 

تروح وترد بالسلامه بوكر

وناطرين الاخبار الطيبه منك

 

تروح وترد بالسلامه وجهز لنا ارقام المكاتب والخطوات الي سويتها عشان انا رايح بعد جم اسبوع ان شاء الله تعالى

 

هلا ابو فهد

ابو عثمان

فواز المطيري

ابو فهد


الله يسلمكم وأبشرو بالخطوات الي تجوزلكم

انا حاليا في دبي وطلعت ارقام مستثمر حق الشهادات الي عندي وأبي ادمجهم ان شاء الله وحولهم حق وسيط لحد الحين ماخلصت

وأن شاء الله باجر اكون خلصت كل شي بس دمج الاسهم يبيله اكثر من اربعه ايام وأنا طيارتي يوم الخميس فما أقدر انطر كلمت الوسيط قالي سافر وانا اجيبهم عندي يعني اول مايخلصون دمج يجيبهم عنده

وعلى فكرة يقول الوسيط انه الخليج للملاحه سوف تدرج في سوق دبي تاريخ 16/1/2007 يقول خبر رسمي


اي استفسار ياشباب


والله الموفق​

 

بوكر الله يردك بالسلامة ان شاء الله تعالى
انا بالنسبة لي عندي شهادة وحده فقط بأسمي
جم يوم أحتاج عشان اسافر دبي وأبيع اسهمي واستلم فلوسهم وأظن افتح حساب تداول في بورصة دبي؟؟

 

اخوي ابو فهد مايحتاج اتسافر لأنه راح اتكلفك كثير احسلك وأنصح اي واحد عنده اقل من عشرين شهاده يبيعهم في الكويت شركه وفره للوساطه

الي يبي يسافر دبي هاذي هي الخطوات

الخطوات ياشباب اول شي تصور كل جواز كل صاحب شهاده خمس صور وصور التواكيل وصوره جواز راعي الوكاله


الخطوه الثانيه تروح حق بورصه دبي تاخذ اوراق طلب رقم مستثمر والتحويل العائلي اذا تبي تحول


وتروح الفندق وتعبيهم على راحتك


نموذج طلب رقم مستثمر ترفق معاه صورة صاحب الحساب الي راح تفتحه وصورة من التوكيل

نموذج الدمج ترفقه معاه صورة صاحب الشهاده وصوره المحول اليه والوكاله لازم المحول يكون من الدرجه الاول واذا امك لازم شهاده ميلادك

بعدين تروح اتقدم في البورصه اول شي اطلع رقم مستثمر لأنه مافيه اي معامله الى يطلبون عليك رقم مستثمر

بعدين التحويل العائلي تقريباً يخلص التحويل اسبوع ويكون في حسابك في المقاصه


المرحله الاخيره اتروح تفتح حساب عند الوسيط وبعدين يسحب اسهمك وتصير في حسابك وترد الكويت وتنطر نزولها

وسامحوني على الاطاله


شكراً​

 

اخوي هاني

اخوي هاني

انا في المطار من الساعه عشره الصبح وراح اقعد في المطار لي الساعه 12 بليل تأخرت على الطيارة وقالولي مافيه طيارة الى الساعه 12 بليل

وانا قاعد على الاب توب يعني انا مستعد اكتب لكم مذكرات حياتي كلها لووووووووووووووووووووووووول مو زهقان حدي المهم



اول شي رسوم التحويل العائلي لكل شهاده 75 درهم

مو شرط تفتح حساب بنكي في دبي تعطيهم حسابك بالكويت ويحولون الفلوس او يدزونه لك شيك

مادري انت اشلون راح تشتغل يعني مع احترامي لك الانسان الحرج يخلصها بيومين والي مو حرج يخلصها بأربع ايام بس اهي اساسن تاخذلها يوم واحد لأنه كل مراجعاتك في نفس المكان ماتطلع بره البورصه بس الي يمكن يأخرك تعبأ النماذج لأنك راح تكتب نماذج حق طلب رقم مستثمر حق كل راعي شهاده وبعدين أتعبي نماذج التحويل العائلي حق كل صاحب شهاده

واخر شي الي ماراح تقدر تدمجهم لازم تفتحلهم احسابات عند الوسيط وراح تفتح احساب حق نفسك بموجب التوكيل

ياخواني اهم شي التوكيل مكتوب فيه فتح احسابات واستلام الشيكات وبيع وشراء الاسهم ضروري مكتوب في صيغه التوكيل
وسامحوني على الاطاله ​

 

جزاك الله خير أخي بوكر والله يردك بالسلامة و12 ساعه هذه تكتب فيها موسوعه كاملة

يعني الحين امام خيارين
1. اما ابيعهم في الكويت عن طريق شركة وفرة وأفتك من عناء السفر .
2. أو اروح على كلامك في بورصة دبي وكل شغلي يخلص هناك بمكان واحد كوني احمل شهادة وحدة فقط (( انزين اذا رحت يوم الثلاثاء يمديني اخلص شغلي من الثلاثاء الى الخميس اذا كانون يداومون الخميس

وبالنسبة لتلفون رقم وفرة جم ما عليك امر ؟؟

 

انا آسف رقم شركة وفرة مذكور بأول المشاركة ما انتبهت له

 

ابو فهد كيف الحال وانا اليوم وصلت


بس ابي اقولك شي اذا انت عندك شهاده وحده ماله داعي كلش اتسافر

يعني انت لو تروح شغلك ماياخذ عشر دقايق

بيع بشركه وفره احسن وموجود رقمهم في اول الموضوع

وسامحني ​

 

بوكر حمدلله ع السلامة

بس حبيت اسأل .. انا عندي 12 شهادة

ف شنو الفرق اذا بعتهم في الكويت او سافرت هناك ؟
وشنو عيوب ومميزات الثنتين ؟

وهل البيع في الكويت راح يكون فوري والا ياخذ وقت ؟

تسلم حبيبي على المساعدة

 

الله يسلمك اخوي سليمان

وعيدك مبارك ولكل اخواني وخواتي في المنتدى

والله اخوي سليمان البيع هناك احسن انا الي اشوفه بس الحين الوضع نفس ماهو

بس انا سافرت اهم شي اني ابي ادمج اسهمي فقلت اروح ادمجهم وفتح حق كل واحد رقم مستثمر وسجلهم عند وسيط والميزه في دبي انه شركه الوساطه لها خبره في السوق اكثر من الوسيط في الكويت (اهل مكه ادرى في شعابها)

وأنت عارف كل بورصه ولها قانونها انا نظرتي للموضوع جذيه



وبالنسبه لسؤالك البيع بالكويت يكون فوري

على كلام شركه وفره لوساطه تقول عندنا وسيط في سوق دبي يعني يحطلك الامر بنفس الوقت تفتح حساب حق كل شهاده 10 دنانير من غير رسوم البيع

سامحني على الاطاله

وانا حاظر لكل سؤال

شكراً​

 

اخوي هاني الله يعافيك

اخوي هاني الي عنده اكثر من 20 شهاده يروح يدمجهم هناك ويسجلهم عند وسيط الأنه عشرين شهاده وايد لازم تدمج لو ثلاث ارباع الشهايد

بس انا اقول الي عنده اقل من هل عدد يعني 12 او 15 اقول البيع بالكويك افضل لأنه على كل شهاده 10 دنانير عند وفره للوساطه وعليك الحسبه بس لو عندك 37 شهاده يعني 370 دينار

وبعدين سالفه لي جيت ابيع احسن اني راح اتدوده اذا مادمجت اكثر الشهادات الي عندي

هاذا هو المقصد
بس ثمان شهايد الافضل والأكيد بيعهم بالكويت

أسمحلي على الاطاله اخوي هاني

وشكراً​

 

اخوي هاني ماله داعي فتح احساب بنكي

لأنه هم يقولون عطني رقم حساب بنكك بالكويت وحنا على طول انزله على حسابه

اول شي روح اخذ الاوراق عشان اتعبيهم

اول شي رقم مستثمر حق كل راعي شهاده

بعدين التحويل العائلي


وأخر شي تروح حق الوسيط وتكتبله اورقه انه يبيع ويشتري بسهمك عاد هو

يسحبهم من المقاصه


اي استفسار انا حاضر ​

 

اخوي هاني العفو

مو رقم مساهم رقم مستثمر


في بعض الشركات اذا موكلهم تقدر تبيع الأكتروني

خطوات شنو بالضبط البيع الاكتروني وله طلب ارقام مستثمر والتحويل العائلي

ارجو التوضيح

وبالنسبه لسرعه البيع اخوي هاني السرعه هي سرعه نزول الامر في جدول الأوامر عشان جذيه اقولك البيع بدبي افضل لأنه ماتدري نزول الامر من كويت وله يأمرون احد الوسطاء في دبي على ماتقول لهم بيعو ويأمرون الوسيط انا اشوف في نظرتي ان البيع في دبي افضل

وسامحني على الاطاله​