هي محاولات لرسم ابتسامه صادقه على شفتاي مع اطلالة العام الجديد ؟!
كل عام والجميع بخير
,,,,,,,,,,,,,,,,,,,,,,,,,,,,,,,,,,,,,,,,,,,,,
ـــــــــــــــــــــــــــــ
المشهد الاول ـــــــــــــــــــــــــــــــــ
يقترب من السياره حامل مكنسته
ينظر لجميع الموجودين على الاشاره الضوئيه
نفس اللي نظّفه بالاشاره الحمراء السابقه ،، قاعد ينظفه قدّامك
ينظر إليك
السلام بابا
السيّاره اللي بعدها
السلام بابا
وهكذا
( ياخي استح على وجهك وعطى ربع دينار )
ماراح ينقص من فلوسك شي
ـــــــــــــــــــــــــــــ
المشهد الثاني ـــــــــــــــــــــــــــــــــ
عند أيْ دوار
يمينك امرأه تقود سياره
يسارك مكان عام او جامعه
انت تبي تروح سيده
دير بالك وخلّك حذر
ترا اوّل ماتدخل الدوار بتنام على سيارتك وتاخذ يسار غصبا عليك
لاتعصّب ولا اي شي
وتذكر ان اللي تقود السيّاره إمرأه
ـــــــــــــــــــــــــــــــــ
المشهد الثالث ـــــــــــــــــــــــــــــــ
بخليّها رساله
رساله إلى زوجتي اللتي لم اتزوجها إلى الآن
،،،،،،،،،،،،،،،،،،،،،،،،،،،،،،،،،،،،،
زوجتي الغاليه
ربّما في هذا العام يكتب لنا الله ان نلتقي
اتمنى ان تكوني كما يريدك قلبي وروحي
وكما اتمنى ان تكوني
زوجه تراعي الله في جميع امورها
وان اسعد بلقائك وتسعدين بلقائي
وثقي بالله ( وهذا عهد منّي ) ان اكون نعم الزوج لك
وان اصونك ماحييت
واتقي الله بك واجعلك اسعد زوجه بإذن الله
سأكون الحبيب اللذي طالما رسمتيه في بالك
شخص يعرف كيف يعامل ويتعامل مع زوجته
سأكون احن عليك من قلب امّك
سأكون ذلك الزوج اللذي لو اتيتيه ضاحكه ، ضحك لضحك
،، ولو تألتمتي تألم لألمك
فأنا ضد من يقول ان المرأه خلقت لتربية الاطفال فقط
فالمرأه خلقت لتكون روح اخرى تسكن روح من تحب
تأكدي انني سأكون تلك الروح الجميله اللتي تسكن روحك
وسوف اتفنن في اسعادك وسعادتك
سأكون حبيبك
لن اؤذيك بخيانه
او .. لفظ بذيئ
او اقسوا عليك يوما
سأكون شاعرك
سأكون قلبا يسكن قلبك
سأكون دنيا اخرى لك وعالم جميل يحيط بك
لن اجعلك تندمي يوما على ارتباطك بي
فزوجك انسان طيّب
جميل من الداخل والخارج
يعرف الله ويتقّيه
وهناك مفاجئات كثيره لن اكتبها لك بل سأريها لك إن التقيتك بإذن الله
فزوجك موهوب جدا
زوجتي الغاليه
(( يارب تطلعين تعرفين تطبخين ،، وطباخج حلو ))
<== بطيني
زوجتي الغاليه
اتوقع ان تكوني لستي بالطويله والا القصيره
متبتبه شوي
متدينه
خجوله
ضحكتك جميله
حساسه بعض الشي
اتوقع ان تكون عيناك جميله جدا
اتوقع انّك ستحبّيني بعد اول اسبوع زواج
واتوقع اسمك حنان او مها
واتوقع انّك اصغر منّي بأربع سنوات
طيبه
حنونه
واتوقع فيج شامه على خدّج الايسر ( وحتّى لو مافيه عادي )
واتوقع انّج حافظه بعض اجزاء من القرآن
واتوقع انّك بهذه الساعه نائمه
ادري انّج تعبتي اليوم وانتي تفرفرين من محل لمحل ادوّرين ملابس حق العيد
وادري ان ذوقج صعب وكل ماقولولج البدله هذي حلوه ، مدّيتي بوزج وقلتي مو عاجبتني ( يعني كشّيخه البنت )
على فكره ترا ان تزوجنا بطربلج من اول يوم
سواد في سواد
الله يبعد عنّج السواد إلاّ في شعرك
زوجتي الغاليه
كتبت لك هذه الرساله وانا ادعوا الله ان نلتقي في اسرع وقت
وسوف احفظ هذه الرساله بتاريخها ووقتها وأُريها لك ان شاء الله بعد زواجنا
التوقيع
زوجك اللذي لم يلتقيك إلى الان
محمد
ونسيت اقول لج
ترا اول طفلين انا اللي راح اسمّيهم
وباقي الاطفال لج حرّية اختيار اسمائهم
ان شاء الله تسمين واحد عتريس والثاني متولي
زوجتي الغاليه
مع السلامه
وإلى لقاء قريب بإذن الله
كتبت الاربعاء الساعه 3,30 فجرا
في تاريخ
27 / 12 / 2007
وكان ضرسي يعورني
واهو اللي مسهرني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ــــــــــــــــــــــــ
المشهد الاخير ــــــــــــــــــــــ
دعواتكم
ولاتضحكون على رسالتي ترا طالعه من قلبي
.. ولاتنسون ممنوع كتابة ردود