واللة العظيم انا مثلك متعقد من ها لمادة من صغري وكان ودي افهمها بس مثلك عارف ماكنا نفكر عدل ايام الدراسة كان همنا التسكع ولعب ( الاتيل والمقصي .. وتحفر تحت المحولات ندور غبابي حق حبال الطيور ولا كان همنا الدراسة بس لعب وبس .. وبيني وبينك انا مدرس تربية موسيقية وكان ودي اكون تربية بدنية او رسم بس لمن سويت اختبار تربية بدنية سقط من اول اختبار . بعدها سويت اختبار رسم وعطوني ارسم ( دلة ) وطبعا اخوك رسام مثل( ليوناردو دافنشي ) الدلة طلعت مطارة شاي اللة وكيلك هني سقطوني طبعا .. المهم سويت اختبار موسيقا وكنت من قبل ادندن عود فقبلوني مدرس تربية موسيقية وكملت دراستي في كلية التربية الاساسية.... تعال مو جني قلت قصة حياتي .. وبعدين شنهو قصدك كاتب اسم خدامتي بالخط الكبير ... ها .. قول .. قول .. ماراح ازعل.. اتغشمر وياك .. سلامي للجميع
سالم ترى مابقى الا رقم بطاقتك المدنية ماقلته
تصدق عاد طفولتى نفس طفولتك بالضبط .....خصوصا اول سطرين ...بس انا احسن منك شوى ..انا كملت دراستى فى وكالة الفضاء ناسا
وعلى طارى الرسم مرة جانا بامتحان مادة الرسم الهندسى :ارسم مقطع لكاميرا تصوير يدوية كأنك تراها من فوق...(منظر افقى يعنى)...
عقب الامتحان المدرس يقول فى واحد ماشاالله
عليه رسم رسمة عالمية
دريت انه انا اللى قاطع الجادة
تدرى الرسمة اللى المفروض تكون كاميرا شنو طلعت؟؟؟؟؟
طلعت غسالة
تدرى الكاميرا فيها عدسة دائرية بالنص..
والغسالة فيها دائرة بالنص...
شرايك بقصة حياتى...ماتبى رقم البطاقة المدنية بعد