منو يبي يفــيــد ويـسـتـفـيـد$$$$$$ | المؤشرنت
   

منو يبي يفــيــد ويـسـتـفـيـد$$$$$$

متداول اسلامي

عضو مميز
التسجيل
7 أكتوبر 2005
المشاركات
2,099
الإقامة
في الميتاستوك




السلام عليكم
انطلاقا من مبدأ
اللهم ارزقني وأرزق مني

=======
شباب جايني عرض عقد اعتبرها مناقصه ذهبية
شركة كبرى طالبه مني تأجير سيارات تريلات نوع مرسيدس من موديل 2000 الى 2004.......طالبين 50 تريلا
العقد مدتة ثلاث سنوات
والدفع شيك مصدق قابل للدفع
وضمان للسيارة مثل ما استلموها يرجعونها ومن دون السايق
والربح فيها مضمون ومبلغ محترم على حسب حسبتي البسيطه

المهم

انا هذا المجال ماهو مجالي ولا اختصاصي. ألا وهو تأجير السيارات والنقليات.

منو يضبطني بدراسة الموضوع والأشراف على المشروع ويديره بتوفير السيارات
-

وابي رايكم ياشباب الي عنده خبره في هالموضوع
بكم تقريبا سعر التريلا في هالمواصفات
مرسيدس
32متر
موديل 2000

بالكويت - السعودية - الامارات - المانيا ,,,, وباقي دول العالم الي تتوفر فيها هالسيارات .
ومنو يعرف احد من الشركات الكبيره والمحترمه والمعروفه عندنا بالكويت الي اقدر اتفاهم معاهم واستشيرهم بالموضوع هذا

الي يساعدني بالموضوع ونتم الصفقه له حلاوه طيبة باذن الله وتستاهل التعب
 

ابوعايض

عضو نشط
التسجيل
8 يناير 2006
المشاركات
1,736
الإقامة
الكويت
افتح مكتب وحط فيه فاكس وتلفون وموظف واحد وحط اعلان حق الناس الي عندها تريلات مطلوب تريلات من غير سائق وحط المواصفات وخلك وسيط بين الشركه واصحاب التريلات واخذ فايدتك وريح بالك من عوار الراس
 

الرأي السديد

عضو نشط
التسجيل
9 يناير 2007
المشاركات
45
هلا اخوي / انا ممكن اساعدك بهذا الموضوع واشتغل معاك وعلى فكره هذا موضوع مجزي جدا / رجاء راسلني على الخاص او على
yousef-8080@hotmail.com وانشاالله نتوفق مع بعض
 

salem.srsr

عضو نشط
التسجيل
12 يوليو 2006
المشاركات
1,826
الإقامة
KUWEIT
ممكن توضح شنهو طبيعة عملها . ومع منهو بتشتغل .. اقصد شغل داخلي او خارجي .. وشنهو المسافة اللي تقطعها الشاحنة تقريبا.. وشنهو بتحمل ..ويعطيك العافية
 

trader_1

عضو نشط
التسجيل
4 فبراير 2006
المشاركات
464
أعتقد واللة العالم إذا كانت التريلات تُأجر على الأمريكان أو على من يعاون الأمريكان مما يسهل نقل المواد إليهم أو البنزين عن طريق الصهاريج أو يوفر لهم خدمات تسهيلية أو ترفيهية ....

تعتبر هذه التجارة حراااااااام .... لا أحد ينكر ما يفعلة الأمريكان في العراق ولا أحد ينكر مأسي الشعب العراق من جراء الغزو الأمريكي
أي تمويل أو مساعدة للأمريكان إنما هو مساعدة على معاناة الشعب العراقي بجميع فئاتة

فإتقوا اللة ..... و الرزق أبوابة وسيعة

كلمة حق لابد أن تقال
 

متداول اسلامي

عضو مميز
التسجيل
7 أكتوبر 2005
المشاركات
2,099
الإقامة
في الميتاستوك
جزاك الله خير يابوعايض رايك طيب
بس راح اطول على ما اجمعهم بالطريقة هذي طريقتك حلوه للي حاب يبدا بداية

انا العقد جاهز والشركه طالبه كميه لو ماجهزتها وتقدمت لهم راح يروح العقد

وبالنسبه للأخوان الي سألوا عن طبيعتها
الشاحنات راح تشتغل في دولة بالخليج قريبه
ولا لها شغل في العراق ولا الامريكان
شغلها نقل كونتنيرات او مواد بنا او حديد على حسب مواد المخازن
ومومحتاجين سواقين للمشروع الشركة متكفله .
والي حاب يشتغل
الي ابيه لاني ماعرف بالشغلة هذي

يبحث عن تقريبا 50 تريلا نوع مرسيدس طول32متر موديل من 2000 -2004 تقريبا موديلات حديثة

وللي حاب يدخل شريك ويدير المشروع حياه الله وارحب فيه
العقد انا اظمنه وندخل فيه بأسمي ويدخل معاي شريك النصف بالنصف

طبعا خمسين سيارة ومكن اكثر
السيارة الواحده مدخولها الشهري
1200دينار

يعني 1200×50=60000دينار كويتي

60000×(36شهر)ثلاث سنوات=2,160,000دينار كويتي
الدفع شيك مصدق شهريا على البنك
وبعد نهاية العقد تطلع بملغ ضخم من دون اي مصاريف شهريه والسيارات ترجع لك والعقد ينص على مثل ما استلموها منك يرجعونها

وبيع السيارات بسعر اقل من التكلفه بشي بسيط او حتى لو بعتها بنصف سعرها انت الربحان حتى لو وزعت السيارات هدايا انت الربحان
وعلى فكرة انا واثق ان بعد العقد هذا راح تجيك شركات غيرها وتعرض عليك عقود ضخمه يعني المشروع في توسع باذن الله

والي عنده المقدره وحاب يشتري المناقصه بالي فيها من الأف الى الياء
انا ماعندي مانع .
يريحني.
 

متداول اسلامي

عضو مميز
التسجيل
7 أكتوبر 2005
المشاركات
2,099
الإقامة
في الميتاستوك
.. وشنهو المسافة اللي تقطعها الشاحنة تقريبا....ويعطيك العافية

الصراحه نبهتني للشغله هذي ما انتبهت عليها بالعقد
الله يجزاك خير
اي هذا الي انا ابيه احد ينورني شالي لي وشالي علي وشنو الأمور الي لازم اعرفها والثغرات الي اسدها واحفظ حقوقي

الي عندهم الخبره وعندهم تعليمات او توجيها ونصايح لمشاكل في مثل هذه العقود وصارت معاه ينبهنا حتى لا نقع فيها ، لاني ماعندي خبره في هذا المجال ودراستي للعقد دراسة سطحية مجرد حسبة المدخول الشهري والسنوي ونهاية العقد مع توقع لسعر متوسط للشاحنة وتوقع لصافي الربح .
 

أبو وجدان

عضو نشط
التسجيل
10 أغسطس 2006
المشاركات
560
جزاك الله خير ... وأهم شي تبعد عن العراق ومشاكله

بس ما قلت 1200 صافي لي أي لصاحب الشاحنة ولا لك نسبة من الإيجار الشهري
 
أعلى