أذكى واحد في العالم

sarem

عضو نشط
التسجيل
1 يونيو 2005
المشاركات
746
كان فيه واحد " على نياته " ..

جرّب يستثمر أمواله !

وكان عنده ببغاء يتكلم ..

مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..

راعيه ضاق صدره .. وقرر ياخذ الببغاء لمدرب الطيور علشان يعدّله ..

: يا مدرب الطيور ..
شف لك صرفة مع هذا الببغاء ..
كل ما شافني فشلني عند الناس " غبي ، غبي " !
أبيك تدربه زين وتعدّل كلامه ..
علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة ..
وحطه قدامه .. وسأل الببغاء ..

: أنا مين ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ..

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه ..

: أنا مين ؟

.. وعلى هالحال .. حتى تربى الببغاء وتسنّع ..

أخيرا .. قال له المدرب ..

: أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ..

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! .. أنت الذكي ..
إلا أنت أذكى واحد عرفته في حياتي !

قال له راعيه : .. طيّب ..
وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك ..
تسوي فيها اللي تبي ..

قال : طيّب .. إذا دخّلت فلوسي عند " هابتكو " ؟ !

قال الببغاء : ممتاز .. حركة استثمارية في غاية الذكاء ..
ومن أذكى واحد في العالم ..

: طيّب .. وإذا دخلت فلوسي عند " الجمعة " ؟ ..

: طبيعي .. تنويع استثماري .. من أذكى واحد في العالم !

: طيّب .. وإذا دخلت فلوسي عند " ابن حسن " ؟ ..

: ذكاء خارق .. وماشي مع الحكمة اللي تقول " لا تحط البيض
في سلة واحدة " .. فعلا أذكى واحد في العالم !

: طيّب .. وإذا دخلت فلوسي عند " العيد " ؟ ..

: عادي .. وزي ما يقولون " حشر مع الناس عيد " ..
صحيح إنك أذكى واحد في العالم ..

: .. طيّب .. وإذا دخلت فلوسي في الأسهم ؟ !:confused: :confused: :confused:

قال الببغاء : يا عمي هاااات الموية ! ..
قايلّك هذا أغبى وأثور وأدبش واحد في العالم !!:D :D :D :D
 
التسجيل
7 يوليو 2005
المشاركات
517
المشرفين المحترمين .

الرجاء نقل هذي المشاركه الى الاستراحه .

.
 

أبو مناور

عضو نشط
التسجيل
16 نوفمبر 2004
المشاركات
382
حلوه

بتار انت انحشت وانا كذلك قول حق الربع 521 وبعدها نحشه لا تقول ما قلت 22\2\2006 اخوك بو مناور
 

أبو مناور

عضو نشط
التسجيل
16 نوفمبر 2004
المشاركات
382
الاوسط ا م حاليا 670 انصح بالخروج من السهم ارباح اقل من المتوقع وسعر عالى حررت هذا السبت 2:08 صباحا اخوكم بو مناور والله اعلم العالمين .
 

ناصرالدين

عضو نشط
التسجيل
20 ديسمبر 2004
المشاركات
203
بتار انت انحشت وانا كذلك قول حق الربع 521 وبعدها نحشه لا تقول ما قلت 22\2\2006 اخوك بو مناور
الله يهدينا واياك ... كم مره غيرت توقيعك وحطيت تواريخ وتوصيات
 

أبو مناور

عضو نشط
التسجيل
16 نوفمبر 2004
المشاركات
382
هلا والله ناصر تاكد بو مناور من 2004 وما تغير كلامى واضح 521 نقطة فاصلة اليوم وهذا من امس للعلم وشوفت عينك المؤشر يراوح على 522 اخوكم بو مناور الوفى
 
أعلى