عيل شوف شصار وياي يا كويت غالية مع الوطنية

q8home

موقوف
التسجيل
23 سبتمبر 2005
المشاركات
57
السلام عليكم

أنا كنت مشترك بال EDGE مالت الوطنية و نزلو شي نفس السييرا إسمه GTMAX مال ال 3G و أنا خذيتله وحده و قبل كل شيء تأكدت منهم أن القطعة شغالة بكل مكان و إذا مافي 3G ممكن تشتغل على ال EDGE و بالوطنية ماكو فرق بين EDGE و 3G كلع 14 دينار .

المهم قالي لا كل شي أوكي و خذيت القطعة و أنا بالبيت أبي أشبك ما يشبك وياي !! ليش ماكو سيرفيس !! و موبايلي يمي و السيرفيش ماله فل !!

تكفه أي شي من أوله

المهم دقيت على 121 و قلتله ترى السالفة كيت و كيت و كيت قالي إيي هذا شكله ماكو تغطية كفاية عندك أو لود وايد !!

قلتله إنزين هذه مو مشكلتي إنتو قايلين أنها شغالة بكل مكان 3G أو EDGE هذا حتى GPRS ماكو !! أنا دافع 105 سعر لقطعة و قاعد أدفع 14 دينار بالشهر ليش عيل !!

لا وزيدك من الشعر بيت ساعات أروح البر هم ما تشتغل !!

على قولته ماكو نقاط تقوية !!

و صارت بيني و بينهم سالقة طويلة لا و كل شوي يدقون لا عادي لا تحاتي حولناها للدعم الفني و أهم إنشاء الله إيونك لي البيت و يسوون لواجب و أنا ناطر شهرين و كل ما أكلمهم يقولولي و الله لود و ضغط !!

هذه للأسف الشركات الكويتية و هذا أهو ناتج إحتكار السوق و عدم الرقابة :mad:
 
التسجيل
3 أغسطس 2006
المشاركات
1,844
وليييييييييييييييييه قلنا يمكن الوطنيه احسن ؟!؟!؟!؟!؟!
 

q8home

موقوف
التسجيل
23 سبتمبر 2005
المشاركات
57
أهم أحسن بس بشوي مو وايد

على الأقل يلقونك ويه :)
 

AL_RAGI

عضو نشط
التسجيل
30 مايو 2005
المشاركات
1,375
يا أخى انا مشترك بنفس الخدمة بس مااخذت القطعة اللى تقول عليها انا اشبك على جهاز N70 عن طريق كيبل واصل مع اللابتوب ومعاى شغال احسن مايكون و اشبك بالبر والاسطبلات بالجهراء والخدمة معاى ممتازة والداون لوود بسرعة مابين 9 - 18 ميغا
 

modina

عضو نشط
التسجيل
2 أغسطس 2006
المشاركات
173
انا من شهر 7 على السييرا كارد فاشل جدا ومنطقتنا يقولون ما عندنا برج ف ما راح يشتغل عندك 3gطبعا بعد ماشريت باسبوعين ومعاملة تعبانة من ال121.الحين يقولون لى اذا تبى نفس سرعة ال 3gادفع بدال 14 دينار زيد الباقة الى 22دينار نصب واحتيال ورب الكعبة اول ماشريت قالو بس باقة وحدة 14دينار والمشكلة تقول لهم اخذو الكارد ورجعو نص الفلوس يستعبطون -وبكل برود يقولون انطر نركب برج بالنزهة وصارلى 6شهور ناطر يركبون البرج اسف عالايطالة وشكرا
 

q8home

موقوف
التسجيل
23 سبتمبر 2005
المشاركات
57
Al_ragi كلامك صحيح و أنا قاعد أشبك هم من موبايل نوكيا أفضل حل
 
أعلى