سعود222
عضو نشط
السلام عليكم
يا جماعة تره والله دوخونا عيال السلطان الله يغربلهم
يعني اصدقوا شياب البورصة: وخروا عن مجموعة السلطان ومجموعة البحر، تكونون بخير
اي والله اصدقوا
اذبحونا ... نشتري من فوق، ونبيع بالنازل
والله سهم الوطنية ، لا ... كل اسهم مجموعة السلطان، ما ينفع وياها اي تحليل فني
يعني انا والله من اكثر المتابعين لتحاليل المحللين الفنيين في الشركات ..... وأكثر الشركات اللي يدوخون وياها هي شركات السلطان، والبحر.
الله يغربلهم مثلما غربلونا وشطفوا بيزاتنا
الله يعطيك العافيه
اخي احد المحللين وهو الاخ ابو عبدالله zo0_0om
كان يقول في احد المنتديات عن سهم الوطنيه في 13-3-2007
(السهم ممتاز اذا اغلق فوق 600 فيه هدف طيب ان شاء الله )
وكان السهم مابين 560 و 580
وكلمته شخصيا وقال لي السهم رايح لل 800 فنيا
بس يقول لو اقول الكلام للناس ما راح تصدق وفعلا وصل السهم للهدف
والشباب يقولون ان التحليل الفني ما يمشي مع السوق الكويتي
ولو يسمحون لي الاخوان المشرفين لوضعت الرابط للمنتدي الذي يكتب فيه
الاستاذ بوعبدالله zo0_0om
هذا احد المحللين الثقات ويوجد محللين ثقات في المنتدى اتمنى ان تتابعهم
مثل الاخ بو مناور والاخ الريان بوريم والاخ الامبراطور بو ناصر وغيرهم
ويسمحون لي الاخوان المحللين اللي ماذكرتهم لانهم كثيرين
وبالتوفيق للجميع