المجموعة الدولية للاسـتثمار ش .م.ك.م ( المجموعة د ) .... 8

[A-M]

 

[العكش]

كما اشرنا سابقا بان ارتفاع بتروجلف في الوقت الحالي ليس من صالح المجموعة د لإعتبارات ذكرناها سابقا واليوم نلاحظ انخفاض بتروجلف بشكل ملحوظ أي ان الطريق الآن ممهد للإنطلاقة المجموعة د وكذلك وجراند انشاء الله ، وحتى لايزعلوا علينا ملاك سهم بتروجلف هذا الانخفاض مصطنع وسرعان ما سوف يعود ويرتفع مجددا بتروجلف ، وأما عن إنخفاض اليوم للمجموعة د فهو طبيعي 100% وغدا سوف يسأنف نشاطه بإذن الله

مع تحياتي للجميع

 

[ALMFJR]

عدل كلامك يالعكش اتفق معاك النزول صحى حتى يأسس وينطلق من هالقاعدة

 

[العلمي]

كما اشرنا سابقا بان ارتفاع بتروجلف في الوقت الحالي ليس من صالح المجموعة د لإعتبارات ذكرناها سابقا واليوم نلاحظ انخفاض بتروجلف بشكل ملحوظ أي ان الطريق الآن ممهد للإنطلاقة المجموعة د وكذلك وجراند انشاء الله ، وحتى لايزعلوا علينا ملاك سهم بتروجلف هذا الانخفاض مصطنع وسرعان ما سوف يعود ويرتفع مجددا بتروجلف ، وأما عن إنخفاض اليوم للمجموعة د فهو طبيعي 100% وغدا سوف يسأنف نشاطه بإذن الله

مع تحياتي للجميع

رغم الاخبار اللي مفروض انها ايجابيه عن بتروجلف وارباحها

الا ان اليوم الي حصل ما ايبشر ابخير

المعروف عن صاحبنا انه اذا كان ابيعلن عن خبر سيئ ايبلغ عدد محدود من ربعه وتشوف قطهم قبل اي انهيار وهذا ما حصل مع المجموعه د قبل اعلان التوزيعه بيوم

انا اقول حسبنا الله ونعم الوكيل فيهم اذا كانو ايتلاعبون باموال الناس بهالطريقه

 

[العكش]

اخوي المفجر لا تنسى أن وضع السهم خلال اسبوع سيكون حاسم ومتحفز لإنطلاقات طيبة ما قبل انعقاد الجمعية العمومية .
ولأخوي العلمي الوضع القائم هو احد ابجديات لعبة سوق الأوراق وانت سيد العارفين بهذا الخصوص !!!

تحياتي للجميع

 

[flower Horn]

السلام عليكم
متى يتفصخ السهم

 

[BMW2007]

بعد تعليقكم وش تبووونه نعلق لاتعليقنا يعلق سهمنه ولاتعليقكم علقها
ودك الواااحد لا جاااب العلم ياا انه يعلق السهم والا ينكبناا ويعلقناااا
والا الظااهر ماوده يعلق سهمنه وحنا بالاخير معه تعلقنااااا

 

[العكش]

السلام عليكم
متى يتفصخ السهم

يتفصخ السهم مباشرة لليوم التالي بعد انعقاد الجميعة العمومية والتي ستكون في اقصاه نهاية هذا الشهر

ولأخوي العتيبي صبر جميل والله المستعان على ما تصفون

 

[ALMFJR]

ههههههههههههههههه طلال ابشر بالخير واللى صار على قولة المحللين تأسيس على هالرقم المهم
فلاور هورن ما يتفصخ السهم الا لما يجتمع مجلس ادارة المجموعة وطبعا للحين ما اجتمعوا يقولون آخر الشهر او قبلة بشوى يعنى تحراهم نهاية الايبوع او قبلة لازم يعلنون متى وقتة وسلامتك

 

[navy_q8]

أفتكيت منه

حرمت أنا المدعو navy_q8 أن أشتري بهذا السهم أو غروب البدر مرة أخرى

 

[مضـــارب]

توقعاتكم كم يوصل سعر السهم بعد التفسيخ أنا شخصيا أتوقع 375 فلس والله أعلم

 

[ALMFJR]

حرمت أنا المدعو navy_q8 أن أشتري بهذا السهم أو غروب البدر مرة أخرى

جنى اشوفك باجر لا ارتفع السهم تروح بيت الزكاة تقط كفارتك عليهم

لاتحرم اخوى لانة راح يلزمك هالحجى وانت بغنى عنة قول لنفسك ما عاد اشترى وبعد عنة بس انا اقول واتوقع انة مغرى جدا لأصحاب الكاش وهو يلاوعنا احنا ياللى شارين بالعالى يلعب بأعصابنا بس ماقول الا راح الكثير وبقى القليل
واترك التعليق للى وراى من الاعضاء

 

[مضـــارب]

حرمت أنا المدعو navy_q8 أن أشتري بهذا السهم أو غروب البدر مرة أخرى

زين تسوي لما تترك أسهم البدر ابعد عن قروب البدر وغنيله

 

[AL.MOUSAWI]

جروب البدر ييبلك الحارج والضغط والسكري والحسرات المصيبة اني حاط كل البيزات بها الجروب ياجماعة ما نبي الربح نبي راس المال توبة توبة على فكرة شخبار الأسطى وهبتكو الظاهر ان التاريخ راح يعيد نفسه الله يستر[/color]

 

[ALMFJR]

مشكلتنا اخوى الموسوى دخلنا اوانصدنا بالعالى بس صدقنى ونصيحة للكل طبعا لحد يشترى الا يسأل الاخوان المحللين وين القاع مال السهم يعنى بصراحة لو عندى كاش اليوم جان اشترى بجراند حتى الثمالة ههههههههههه حلوة الثمالة او بتروجلف بنص دينار يااااااااااااة اويلى عليها رزقتها واضحة مثل الشمس 600 اقل شى تنباع وكل كلامى طبعا ماهو دعوة للشراء بس ما اقول الا حلالاة يالكااااااااااااااااااااش

 

[نعيم]

اللي صار اليوم تصريف واضح

جم مضارب دش على السهم وصعده وصرف عليكم

للعلم حتى المضارب لا يغامر حده يوم واحد و ينحاش

السؤال الآن على اي سعر راح يكون يوم الجمعيه العموميه؟

السؤال الأهم عندك استعداد تاخد توزيعة السهم ؟

والسؤال الذي لا يقل اهميه شكثر راح يعلقك البدر حتى يعطيك التوزيعه ؟



تساؤلات ....

في احد عنده اجابه عليها من خبره سابقه

 

[alshammery]

كان المفروض مع صعود السوق انة يوصل على الاقل 550 سعر معقول خاصة وانة محمل بالارباح وهى شركة ام لكذا شركة ... المشكلة اللى اشوفها انة السوق وصل لمرحلة التصحيح بعد الارتفاع القوى من9700 الى11110 خلال شهرين ... السؤال ما هو السعر الذى سيصلة لو تم التصحيح واللى ممكن يحصل قبل الجمعية العمومية.

 

[العلمي]

رغم الاخبار اللي مفروض انها ايجابيه عن بتروجلف وارباحها

الا ان اليوم الي حصل ما ايبشر ابخير

المعروف عن صاحبنا انه اذا كان ابيعلن عن خبر سيئ ايبلغ عدد محدود من ربعه وتشوف قطهم قبل اي انهيار وهذا ما حصل مع المجموعه د قبل اعلان التوزيعه بيوم

انا اقول حسبنا الله ونعم الوكيل فيهم اذا كانو ايتلاعبون باموال الناس بهالطريقه

تفضل اعلن عن ربحيه 5 فلوس

الصراحه مفروض على ادارة السوق ان يكون لها موقف من هالفوضى

ناس تدري وناس ضايعه

والله هذي جريمه للاسف تشارك فيها ادارة السوق

 

[بوضاري]

شاكر لك على مجاملتك لي بوصي ناقد بناء

بس بغيت اقول شغلة انا عن نفسي زهقت وهو مجمد مو اقل من 40 % من راس مالي وبالنسبة لي انا ما راح اتجرأ ادخخخل على السهم مرة ثانية انا وشويت شباب طيبين مثلك وشرواك تعرفت عليهم بالمنتدى هذا كلهم يقولون ماراح ندش مره ثانية بهالسهم
في فرص كثيرة وكبيرة مرت وانا ماسك السهم هذا

الشي الثاني عرف منو اهم الناس الي يبون يجمعون الي يبي يجمع بالسهم يامستثمر كبير والكبير العزيز الرحمن ولا صناديق المستثمخر الصغير ماعندة امكانية يجمع اكثر من 100 الف سهم لان غلط يحط فلوسة كلها بسهم واحد

ماشي والصناديق والمستثمر الي اشرنا عنه سابقا تهقا من هاؤلاء يرضيهم 100 الف سهم يوميا
ولا طقات وصفقات بو 10 و20 الف لا طبعا
انت راجع الصفقات انت شوف حركة السهم اليومية راخح تشوف الصفقات صغيرة منو اصحابها ؟؟؟ المستثمرين الصغار

وين ايام الصفقات ام المليون ماكو
طيب وين التداول اليومي اكثر من 25 مليون ماكو
حدة بو 5 مليون
وانا شايف باجر لازم الاثنين ينزل بو 10 ولا 5 فلوس والله العالم

​

يبا انت ليش متشائم يخوي تفائل شوي ارفع من معنوياتنا (

وانا اقول العكس صاعد خمس ولا عشر فلوس وراح اذكرك باجر

انشالله يرتفع بس الافض ان يريح وياخذ دعم ويسوي chek point

هلا بالشباب والله هلا بالعكش واخوي كويتي من ذهب ها شرايكم الحين نزل ولا لا
انشاءالله راح اقولك رأي بالسهم باليل انشاءالله على تداول باجر

 

[بوحسين11]

الظاهر اتفاق بين محافظ البدر توصيل المجموعه الدوليه اسعار 250 فلس وتحت