والله يا UNIX سواء خسر الصندوق او ربح الصراحة يكفي كلامك اللي يذكرنا بحديث الرسول عليه الصلاة والسلام ( يسروا ولا تعسروا، وبشروا ولاتنفروا)
والارزاق بيد الله سبحانه ونبي تحفيز ايجابي من الاخوة المساهمين بالصندوق واذا شفنا الامور ليست على مايرام، نقوم بعمل هجرة جماعية من الصندوق وهالشي نتفق عليه لاحقا لاسيما اذا خسر الصندوق لاقدر الله
و الله ياخوي انا مو مساهم بالصندوق، انا قلت وجهة نظري كوني محلل استثمار في بيت التمويل.. و يشهد الله اني قلت ما يمليه علي ضميري... اذا كان نقل أخونا المقرود صحيح من حيث نوعية الأسهم في الصندوق فأنا أراها ممتازة وايد وايد، و ارتفاع قيمة سهم الصندوق الصافية و انخفاضه طبعاً يعتمد على شطارة مدير الصندوق و حسبته في توزيع أوزان الأسهم في الصندوق. بس حسب ما اشوف ان السهم نزل علشان نزول سهم المخازن منذ اخر تقييم حول ال 200 فلس ! و نزول الصناعات 100 فلس و نزول الوطنية 200 فلس تقريباً. يعني شي طبيعي ان شاء الله.. و كان من المفترض ان مدير الصندوق يتنبه و يقلل كمياته بالأسهم اللي نزلت و يعوضها بأسهم ارتفعت منذ الشهر اللي فات مثل ام تي سي و بيتك و بوبيان بتروكيماويات... ولكن جل من لا يسهو و كل بني اّدام خطاء.
و انا متابع الصندوق و اذا شفت ان فيه جمبزه راح اخبركم.
مع العلم "عبدالله الخزام رجل نظيف ان شاء الله"
و بالتوفيق و ثق تماماً انك التمست الربح الحلال و الله ما يخيب ظن عباده.
