شركة القرين لصناعة الكيماويات البترولية (القرين)

[Sniper Stock]

مبرووك ياملاك الاسهم يالصامدين

 

[jamalll]

اي والله صدقت سوالف بورصوية ، نعم تعلمنا ولا للبيع اقل من دينار نعم اصر مو اقل من دينار

 

[الفال الطيب]

نعم صامدين ...
" شعارنا لا والف لا للبيع للقرين "

 

[الدينار]

لا للبيع أقل من دينار يا الدينار

 

[الفارس2]

يعظم الله أجركم البقيه فى حياتكم وعقبال الاْتصالات الثالثه ..............ومبروك للاْخ بورصه جمبزه..جاك يا مهنا عاى ماتمنا ( (

 

[الفارس2]

نعم هذى حركه جديده أسمها (حركة الصامدون فى وجه الطغاه) لالالالالالالالالالالالالالالالالالالالالالالالالالا للبيع لهذه الشرذمه الغذره

 

[* مواطن *]

حنا على كلامنا هذا نبى نحارب يامعودين الصبر زين وكل عقله براسه والسوق موجود السوق فيه هوامير الله يبط كروشهم انشاءالله

 

[kobr]

السلام عليكم .اكثر اللي باعو اليوم الناس اللي شاريه مو اللي مكتتبه يبي يفتك شارينه باسعار زينه واليوم قطوه.

 

[Blue Chips]

سجل الاوامر قبل الافتتاح

اذا واحد منكم عنده صوره حق سجل الاوامر قبل الافتتاح يحطها ما عليه أمر

 

[المضارب السريع]

السلام عليكم .اكثر اللي باعو اليوم الناس اللي شاريه مو اللي مكتتبه يبي يفتك شارينه باسعار زينه واليوم قطوه.

نعم كلامك صح اللي باعو اهل المكاتب شرين ارخيص على 150 و200و200

 

[maktob]

السعر مايرضي احد وكثيره اسباب تدني سعر السهم منها بلا شك كبار المستثمرين وعدد التخصيص كبير كل رب اسره يملك نسبه من الاسهم ماهي قليله وكثير باع النص واحتفظ بالباقي واللي صار اليوم درس للي باع سهمه بخساره واستغفال وفرصه ثانيه جت للي يبي يستثمر السعر للشراء والسعر نشوفه انشاءالله بالصفقات او الاستحواذات او الانتخابات اوالارباح وكلها ماهي بعيده فقط الصبر ونعم للدينار ولا عزاء للي مشى ورا الاشاعات وسوق الجت وحلم وبيض وديوانيه لها عروق ونصيحتي بيع ونصيحتي اشتر ولا عزاء للي باع قبل الادراج واللي اشترى قبل الادراج السالفه ماهي محتاجه لو الواحد فكر تفكير شايب يبيع بسعر عالي او مايبيع الا اذا تازم السوق كله مبروك للملاك مسار السهم صار واضح لوين رايح وفالكم الدينار ::d يقولك سعر كرتون البيض بدينار:d

 

[الفال الطيب]

اتصدقون يا اخواني ...
المحافظ اليوم وغالبية التجار شكلهم مصدومين حيل اليوم , بسبب ربعنا الصغيرين اللي الوحد تويجر على قد حاله.. متمسكين بالقرين ما يبون يبيعون لأهل الكروش.
الهوامير مصدومين منا عشان خطتهم ما نجحت جت عكسية عليهم , ماكو احد راضي يبيع لهم كميات كبيرة.
لا وبعد صدقوني شكلهم متوهقين حيل , لانه ولا بتاريخ البورصه يصير جذيه.
لا وبعد متوهقين انهم قاعدين يقطون بالنازل للتخريع , والمفاجئة ان اللي يشتري معاهم ويخم كمياتهم صغار المتعاملين ربعنا , والله اعرف ناس كثيرين من الصغار شروا اليوم ومستعدين الايام القادمة للشراء , وبالتالي كميات التجار اللي جمعوها يمكن تقل وهذا اللي مخوفهم.
وان شاءالله تنقلب عليهم ونشوف اسعار تبرد على الجبد.

 

[سهم استثماري]

مساكم الله بالخير يا شباب المنتدى ..

وجهة نظر أخوكم المتواضعه لما حصل اليوم ...
بالبداية ليش هالزعل ! المفروض اللي صار اليوم يفرحنا

خلونا نتخيل لو إن الإدراج اليوم مثلا صار بـ 520 مثلا أو اي سعر فوق الـ 500 ...
واخذ المعروض وقطه على الطلب والعالم معاه وصار حد أدني عرض بدون طلب بعشرات الملايين بـ 490 وباجر نفس الشئ بيع بالهبل وحد أدني عرض بدون طلب وبـ 465 فلس والإربعاء نفس السيناريو وبنوصل لـ 440 فلس وقتها يمكن اللي باع فيكم فوق الـ 500 ما يوصلون 5% وبالاخير راح تبيعون تحت 465 وأنتوا مغصوبين لأن الفرصه راحت عليكم .. وخير مثال الوقود وبنك بوبيان بيعوا العالم الوقود تحت الـ 400 واضغطوا السهم لفترة طويلة ونفس الشئ بنك بوبيان وصلوه لـ 430 فلس وباعت العالم من الملل وطول المده وهي تتحسف على أسعارالإدراج لما كانت فوق الـ 500 .. المهم هذا كان سيناريو الإدراجات السابقة وكان الكثير وأنا منهم نتوقع هالشئ يتكرر اليوم ... ولكن
اللي صار اليوم شئ ممتاز واتضح فعلا إن هناك اطراف عده تبي تصارع من أول يوم إدراج على السهم ولا مجال للضغط والتجميع الملل كما حصل بالسابق .... منو راح يشيل العرض ويقطه على الطلب ؟؟ ما يقدر لأنه يدري إن غيره متربص له وناطر يلم وعشان جذي واضح إن الطرف اللي عنده الكمية الكافيه هو من عرض وطلب على 360 وكان واضح عند دخول الأوامر تناسق العرض والطلب عند هالسعر حتى يكون هو سعر الإدراج ... المهم حتى ما نطول عليكم بعد ما باع لنفسه وحدد سعر الإدراج ترك العرض فوق متوقع إنهم بيقطون عليه خوفا من النزول بالحد الإدنى ولكن دخول أطراف أخرى وشالت المعروض ولخبط الأوراق وحاول يقط عليهم كم مليون حتى يختبر قوتهم ولكن اتضح إن الطرف الآخر قوي جدا وهنا صاحبنا طلع السهم بطلبات قويه ونقدر نقول خيالية (119 مليون طلب حد أعلى ) كأنه يقول للمتداولين لا تقطون لأن البوصله ضاعت منه وهنا نجد مبالغه بكمية الطلب الرهيبه وشكل اللعبة راح تحلى وبنشوف تعليقات على الأقل لنهاية الإسبوع وإن شاء الله الإربعاء حد أعلى وطلبات قويه على 435 فلس وايضا الإسبوع القادم نفس الشئ تعليقات متواصله وهالشئ راح يخفف المعروض بشكل كبير لما الناس تعرف إن هناك في منافسه قويه والسهم الإسبوع القادم في بحر الـ 500 فلس عالراحه يا (دبدوب )


كلمة أخيرة لا تروح عن بالكم كميات رهيبه طلب حد أعلى أول يوم إدراج معناه إنهم إنجبروا يطيرونه فوق ..فوق .. فوق ما تتوقعون وخلونا نتطمش عليهم ونبيع بالسعر اللي يعجبنا فقط

 

[Sniper Stock]

شباب بما احنا من صغار المستثمرين..وحتى لووو من كبارهم بس على الاقل قلوبنا انظف منهم من باب ارزقني وارزق مني...وانا اشك هالحجي عند التجار بالعكس اللهم ارزقني ولا ترزق مني..

واليوووم اكلوهااااااااا بس نصيحه لو تشوفونه بالنازل اشترووووووو دامه بسعر 400 وتحت اشتروووووووووووووو وهذه نصيحه لاتقدر بثمن

وانا عن نفسي شريت كميه وبعيد عن المجاملات او الرياء بس المقصد من الفكره تشجيع الاخوان اللي اصالتهم اصاله كويتيه اسلاميه اصيله ويحبون الخير للناس...

انا شريت كميه 40,000 سهم اضافه على الكمية اللي مكتتب فيها واثنين من الربع شروو كميات واوامرنا كانت من اول صفقه لما شفناها على الافتتاح 360 فلس بعدها اشتغلت الاوامر شراء لصالح صغار المستثمرين

وياريت الاخوان يشاركون بالتأييد ونبي الحماسه حق الحرب باجر يا احنا يا اهمه واحنا بأذن الله مو خسرانيين اسهمنا واسهم اكتتاب..

وبالتوفيق للجميع

 

[تويجر]

معاك معاك ولا للبيبع حتى اشعار اخر

 

[أمير النحل]

سعر القرين الحالي مغري جدا للشراء
واذا بكة تصيدونه حتى لو بالحد الاعلى راح تحصلون على بركة حلوة
وانا راح ادش واطلب على سعر 410 مباشرة باذن الله
وانشاء الله يكون لي نصيب حتى لو بيت النازل 20 الف سهم

 

[جوكوزال]

السلام عليكم
الحمد لله على كل حال وهذا الامر فيه من الخير الكثير بالنسبة لنا ا ن شاء الله
اولا تغيرت نظرة البيع عند الاخوان واليوم وانا في السوق ناس وايد ما باعت لا وبعد يحثون بعض على عدم البيع
ثانيا ارتفع السهم بالحد الاعلى عكس الادراجات السابقه وهذا شي حلو
ثالثا الطلب الكبير على السهم يؤهله ان شاء الله للارتفاع القريب
رابعا اللي مو محتاج يحاول يمسك السهم لما بعد رمضان وراح يشوف العجايب من السهم بإذن الله
خامسا مصاصين الدماء هالمره انقلب سحرهم عليهم حسبي الله عليهم
المشكله انه في كل دوله مصاصين دماء وعندنا البيق بوس حقهم
سادسا الصبر زين والله يعوض على الجميع آآآآآآآآآآآآآآآآآآآآآآآآآآمين
ودمتم بود
اخوكم ابو حمود

 

[Sniper Stock]

احسنت اخوي بو حمود...

 

[abushadi]

ما شاء الله عليكم


اي والله رب أخ لم تلده أمك

والله انكم تنحطون على الجرح يبرى

من غير ذكر اسماء

كلكم والله فيكم الخير وتحبون الخير للجميع



وانا معاكم بكل كلمة قلتوها وان شاء الله ربي يفتح علينا وعليكم ابواب رزقه يا رب يا كريم


وننتظر ونستمتع هالاسبوع والاسبوع القادم بمستوى السهم الناري الديناري وما زلنا نحن صغار المستثمرين ملاك له


والسلام عليكم

 

[I T C]

للعلم فقط

سعر القرين الحالي مغري جدا للشراء
واذا بكة تصيدونه حتى لو بالحد الاعلى راح تحصلون على بركة حلوة
وانا راح ادش واطلب على سعر 410 مباشرة باذن الله
وانشاء الله يكون لي نصيب حتى لو بيت النازل 20 الف سهم

اخى العزيز الكلام اللى سمعناه اليوم صحيح ميه فى الميه والمحافظ واصحاب الكروش حفروا حفره ولكن وقعوا فيها وهذا الشى الكل حس فيه اليوم ...


اخى الفاضل امير النحل الرجاء تعديل ان شاء الله..وجزاك الله خير

لا للبيع اقل من 700