مبروك .... إقرار الزيادة للعاملين بالقطاع النفطي

[تويجر]

إذا اقروها ان شاء الله000متى بتنصرف؟
شهر 10؟

باذن الله

وان شاءالله تكون باثر رجعي

 

[نفط]

سمعت

انا سمعت والعلم عند الله
ان فية مشاكل في تعين المناصب للشركات بسبب ضغوط وواسطات كثيرة وكبيرة

بالنسبة للزيادة تتأجل شهور لمزيد من الدراسة ثم تقر في الميزانية الجديدة للمؤسسة بوضع جديد بدون عـلاوة تشجيعيـة !!!!
لان احد اعضاء المجلس الاعلى للبترول يقول ان الزيادة مكلفة على الدولة ومصر على رفضها .

اتمنى مايكون هالكلام صحيح اللي سمعتة واملنا بالله العزيز الحكيم
وننتظر يوم الثلاثاء ونشوف.....عسى خير

بومحمد

 

[المهندسة]

صباح الخير
هل رفض عضو واحد يأثر بالقرار؟
يعني ما ياخذون على راي الاغلبية؟

 

[سفاري الكويت]

صباح الخير
هل رفض عضو واحد يأثر بالقرار؟
يعني ما ياخذون على راي الاغلبية؟

احنا نبي نعرف منو الاعضاء اللي يجتمعون !
علشان نعرف منو اللي يعترض

ادعوا الله في هذا الشهر الفضيل ان يتمم علينا فرحتنا في العيد القادم بعيدية للقطاع

 

[" قاصد خير "]

باذن الله

وان شاءالله تكون باثر رجعي

من أي تاريخ يالغالي ..

 

[مهندس البورصة]

يا ناس السالفة واضحة إلي فوق ما يبون يعطونا زيادة ليش أزيد قطاع كامل دامهم ساكتين و راضيين بالأمر الواقع ؟؟

إذا تبون زيادة سووا إضراب حالكم حال الكويتية و شوفوا شلون تنصرف لكم الزيادة خلال إسبوعين

 

[تويجر]

لاحول ولا قوة الا بالله


ياجماعة الخير سمعت خبر واتمنى انه يكون مو صحيح

الاجتماع القادم راح يقرون الزيادة ولكن مو الزيادة اللي ناطرينها انما 20% فقط من الراتب الاساسي يعني تخيل اساسيك 500 راح يجيك 100 دينار فقط والله ياجماعه جان هالكلام صحيح ما يفيد الا الاضراب نبي النقابة تتحرك وارد واقول اتمنى اللي سمعته مو صحيح لكن جاني من شخص ثقة والمشكله اني سمعته من اكثر من شخص الله يعلم بحالتي النفسية من سمعت الخبر

والله يقدم مافيه الخير

 

[المهندسة]

السلام عليكم
النقابة ماعندهم ويب سايت نقدر نعرف منه اخر الاخبار؟

 

[تويجر]

السلام عليكم
النقابة ماعندهم ويب سايت نقدر نعرف منه اخر الاخبار؟

اختي عسى ما شر اي ويب سايت اي بطيخ رئيس النقابه بكبرة شهادته رابعة متوسط ما يعرف يدش النت وتقولين ويب سايت

 

[al.jamly91]

حاضرين للطيبين

http://www.knpcunion.com/
هذا سايت النقابه يا شباب اللى يبى شى يدش عليه

 

[المهندسة]

شكرا اخ الجملي

 

[ابو غانم]

اختي عسى ما شر اي ويب سايت اي بطيخ رئيس النقابه بكبرة شهادته رابعة متوسط ما يعرف يدش النت وتقولين ويب سايت

من هو رئيس النقابة المقصود

هل تقصد / دليهي الهاجري ؟

هذا شخص متعلم وفاضل وذو أخلاق عالية

 

[المهندسة]

السلام عليكم
مافي أخبار عن اجتماع باجر؟

 

[رمز الصمود]

مهندسه الاخبار باجر .... بس شدي حيلج بالتراويح ...

عاد اهني يبين من دعائه قوي ومفعوله باتع ..

اتمني اكون اول من يبارك لكم في الزياده ..

ولا يكون تاجيل ثاني ........

 

[jinxed]

الحق الجذاب لي باب بيتهم

المثل يقول "الحق الجذاب لي باب بيتهم", ولو اني للاسف مو متفائل لا في اجتماع باجر ولا اجتماع السنه اليايه لكن خنشوف لي وين اخرتها معاهم! اللي لا ذمه ولا ضمير مستكثرين فينا هالزياده اللي انا اعتبرها من غير قصد الطمع بسيطه بالنسبه للجهد, يعني انا بفهم الحين الواحد ليش ياي القطاع النفطي: درب طويل, دوام شطوله, تلوث, مخاطر , وضغط الشغل الله يكافيكم ... طبعا الاجابه لأنه فيه راتب مميز يستاهل الواحد يضحي عشانه, لكن اللي اشوفه الحين حتى سالفت الراتب راحت عليها! يعني باختصار اذا ماكو زياده خل يحلمون انه المهندسين اب يعيشون اب هالوضع المزري, الاماكن الزينه الله ما كثرها بلا نفط بلا بطيخ

 

[hassankoc]

اختي عسى ما شر اي ويب سايت اي بطيخ رئيس النقابه بكبرة شهادته رابعة متوسط ما يعرف يدش النت وتقولين ويب سايت

معقوله دليهي شهادته متوسطه والله توني ادري!!!

 

[hassankoc]

ليش ما يحددون الزيادة فقط للكويتين وعطونا اسماء المسؤولين المعرقلين الزياده عشان تكون وصمة عار في جبينهم وتاريخهم الأسود في ملفاتهم ماعرفو ان هالمناصب ماراح ادوم لهم لا طلعو كل من يلعن فيهم

 

[المهندسة]

ليش اهي تشمل غير الكويتيين بعد!!
توني ادري

 

[الرويشد]

شباب عندي لكم اخبار عن اجتماع باجر ترى خلااااص اقول او لا شوفوا باجر

 

[المهندسة]

قول شعندك بشرنا