شركة القرين لصناعة الكيماويات البترولية (القرين) ...2

[NaaaaR]

سهم استثماري كلام جميل بس ليش مانلعب وياهم ونجني ربح اكثر انا اليوم بعت على 500 وذكرت بمشاركه بموضوع القرين ليست للبيع انه السهم فوق 500 فلس سعر مناسب للبيع في الوقت الحالي لانه السهم اسبوع حد اعلى لازم اصير فيه تذبذب بالنزول وغرض المحافظ انه الناس تبدأ بالبيع واللى باعو من الناس اليوم نسبه لاباس بها لاكن فيه ناس كثير ماباعت لاحظ اوامر البيع فوق 1996 امر لجميع العروض هذا الشي يبينلك انه وايد صغار مستثمرين للحين ماباعو ولعبه الكبار بالايام الجايه فوق وتحت والناس بتمل وبتبيع انا اقول خل اللى يبي فلوس ابيع واللى بيستثمر يشترى واللى بضارب اضارب انا عن نفسي راح اشتري كميتي باجر لاني موناوي اطلع من السهم هذا لاني اشوف فيه خير جدام وللمستقبل والله يوفقنا وياكم ويرزقنا ويرزقكم من فضله

 

[Fayez]

شركة انشالله اذا اشتغلت مصانعها الاربعة راح تكون من الشركات الرائدة بالوطن العربي الصبر زين

 

[بو سعود2003]

يالحبيب التحذير الى نقلته قلناه قبلك ونبهنا عليه وانت مافهمنا منك شى تخوف العالم على شنوا

اذا انت ابمشاركاتك تقول السهم لازم ياسس وانه يبى ينزل حظرتك ليش مابعت وانت تقول انا مستثمر

وكل مشاركاتك ماقلت امسكوا ولاقلت بيعوا كلها منقوله من غيرك

وقاعد تصيح الحذر الحذر نبى نعرف الحذر من شنوا

ونعيدها للمرة الالف ونقول يابوسعود كل كلامنا الى قلناه السهم فيه خير

والى يمسك لى انتخابات مجلس الادارة بيعين خير وانت اول واحد ماشى على كلامنا

ليش الهوسه الى مسويها عشان السهم نزل الكل عارف ان السهم بينزل

وبينزل ومثل مانزل بيصعد

والمهم ابى اعرف انت شنوا الى تبيه بضبط كلامك منقول من غيرك

ونصيحه مانصحت غير انك تقول العب مع الكبار واللعب مع الكبار

ابى اعرف نصحت احد يبيع ولا يمسك

ولاتتهرب من الاسئله الى حطوها لك الشباب

ياخبير السوق

على على اي اساس تقول منقول يا ..... يمكن الناس امهم ناقلين مني وكتبت مليون الف مشاركه فتح عيونك وشوف عدل مشاركاتي كلها منقول انا ما اقول قيل دير بالك على نفسك بس لا تضيع

 

[سوق المناخ]

عندي سؤال واحب اسأل الاخوان اللي يذمون بالسهم
ومع الاسف ماكانت لهم مشاركات بالامس
يعني كانهم ناطرين نزول السهم عشان تطلع التحاليل !!!!
شنو الفرق بين الامس واليوم ؟
امس مطلوب53 مليون على485
واليوم معروض 5 ملايين على 460
الفرق ان المحافظ انجحت في تخويف الصغار
بمعنى
لو انا مدير محفظه اشتري 10 مليون على 500
وابيع على 490 صحيح اكون خسران 10 فلوس
بس اجر معاي 20 مليون على 490 من اسهم الصغار واكون سويت حالة ذعر عندهم فيمتنعون حتى من الطلب على السهم
فاكون ضربة عصفورين بحجر
ومع الاسف هذا اللي صار اليوم
والمشكله بسبب تداول اليوم المحافظ قدرة اتكون قناعه عند الكثيرين بان السهم سيء ومافي جدوى من الاستثمار
بس انا اقول السهم اكثر من ممتاز حتى لو نزلوه اسبوع حد ادنى
ولا للبيع

 

[بو سعود2003]

هذا التحذير عن الى صار اليوم فى مشاركه سابقه

والى قام عقبها خبير السوق ابوسعود بفتح موضوع خاص لها

وطبعا" باظافه بهارات عليها 08-07-2007, 05:18 AM #67
bo fawaz
عضو نشط


تاريخ التسجيل: Jun 2006
الدولة: الكويت
المشاركات: 947
عدد النقاط : 309 صباح الخير للجميع

انعيد وانذكر الجميع سهم القرين كنز لاتفرطون فيه ابسهوله

المحافظ تبيه والهوامير تبيه وسواء اتفقوا ولامااتفقوا لاتبيعون

اقل من 700 واذا نزل اقل من 400 اشتروا لانهم بيحاولون

ينزلون الهم 350 وبيلمون على كيفهم وهذا اذا اتفقوا على تقسيم الكيكه

وبطريقه معروفه وطريقتهم يبيعون جزء من الاسهم الى عندهم بسعر

350 عشان صغار المستثمرين يعرضون بسعرهذا وراح يبين فى جدول

المعروض راح تلاقون المعرووض 350 كميه كبيرة وعدد الى بايعين قليل

اذا شفتوا الطريقه هذا اطلبوا ولا تعرضون

اذا صغار المستثمرين عرفوا العبه هذى راح تخرب طريقه المحافظ

وراح يشكون فى بعض ويخرب اتفاقهم وبيرتفع السهم

نصيحه لوجه الله جهزوا افلوسكم واشتروا اذا اقل 400

وبيعوا اذا نزل 700

وعسى الله يرزق الجميع ويعوض صبركم خير

ويغنيكم ابحلاله عن حرامه

وبنسبه للاخوان الى يقولون ان السهم غير شرعى وينهم من زمان

يوم جاء موعد الادراج صار غير شرعى

تراء تعودنا العزف على الوتر الحساس شرعى وغير شرعى قبل

الادراج وهذى من طرق المحافظ

==========================================

وهذا موضوع الخبير ابوسعود

13-07-2007, 09:44 AM #1
بو سعود2003
عضو نشط


تاريخ التسجيل: Mar 2007
المشاركات: 734
عدد النقاط : 403 يا جماعه لاتنخدعون بالقرين

--------------------------------------------------------------------------------

باختصار اللي يلعب معه الكبير يتعور

يا جماعه اللي قاعد يصير بسهم القرين خدعه من الاكبار

سؤال الهامور يبي اكثر من مليون سهم

اما الصغير بالسوق اذا كثر ياخذ 50 الف سهم


خل السهم يوصل 600 على قولتكم اهو صج سعره فيه حسب ارباحه بس في ناس مثل ماهي تتنطر السعر الزين بيه يوم ببيعون لانه

اهم اساسا دارجينه بشهر 7 بروحها خدعه

1_ موسم سفر والكل يحب يسافر واذا من فلوس الربح نور على نور
2_ كان المفروض ادراجه بشهر 9 ليش خلوه بشهر 7
3_ ليش السهم فتح بسعر 385 ( عشان يصعد وقولو يوصل 500 فلس الناس تقول شوف شلون صعد السهم من 385 الى 500 ماشاء الله خوش سعر .
4_ لابد من تاسيس سعري ( ليتفق المشتري معه البائع )
5_ الطلبات اللي تشوفونها 99% من كبار المستثمرين
6_ معروف الكبير ياكل الصغير
7- لاحظوا السهم يوم الثلاثاء مطلوب 300 مليون حد اعلى الاربعاء الطلب نزل واتوقع يوم عن يوم بخف الطلب


ما اقول غير الخذر


الرجاء من المراقبين عدم دمج الموضوع كونه يعتبر مو ضوع خاص ويحتوي على معلومات وافكار ( تحذير )

والله اعلم

هذا مجرد تحليلي الخاص

ويمكن يصير صح ويمكن خطا

لحد يزعل من كلامي

==================================

اقول انت تعرف منو تكلم ..

المهم هذا مو موضوعنا شوف وافهم عدل انا احل ولد سوق وعندي بالخاص اناس وايد يسئلوني وافيدهم وانت اكيد تعرف توصياتي عدل انت وبعك ال ... الفاهمين ياي تقول مقتبس كلام شكو اقتبس كلاام اانا كاتب بموضوع القرين ولا اكثر من 1000 مشاركه بموضوع القرين وكلامي يدور بنففس المعنى الفكره اقتبس منك ليش انتي الوحيد اللي تفكر صح يعني والناس قواطي يعني انت ساحر واحنا ما ندري وكتبت موضوع وتعرف المستقبل يا شوف انا ولله الحمد اعرف احلل واعرف طريق السهم مرات من تحليل خاص ومرات من اخبار من .... وطبعا كان عندي موضوع اعيان والكل استفاد لا يكون انا قاعد اقتبس منك والسوبر مكال المنتدى انا اقول الاعضاء راح يقولون الحقيقه والكل يعرفني وازيد من الشعر بيت يا اتصال يقول ترى السهم الفلاني بيطلع جان اقوله خبرك موثوق قالي لا هذا من واحد بالمنتدى واخباره مسمار بلوووووووووووووووط يا .... عضو يا محترم لا تقعد تالف ومحد راح يصدقك واذا مو انت عندك جم نك وقاعد ترد على روحك


بو سعود ما يهزه ريح وكلامه مسمار بلووووح يا .... عضو يا محترم

وفي مثل يقول احترم نفسك الناس يحترمونك

 

[بوحمد 2007]

ياجماعة الخير

ترى صارلى بالسوق مدة صغيرة والحمد لله

ربحت وخسرت وطلعت براس المال ووووووو

على العموم تعلمت خطة او اسلوب قمت امشى فيه بالفترة الاخيرة

وماشى على احسن وجه والحمد لله

1 _ لاتطمع وارضى بالقليل

2_ في حالة الشراء حطلك سعر ببالك وكذلك حط سعر للبيع

3_ لاتهزك الاشاعات وتشترى او تبيع عليك بمشورة اللى يهتم بامرك

القرين سهم قوى قوى قوى بس المشكلة الناس مستعجلة تبى فلوس

لظروفها او حاجتهم لها

اذا كنت مستثمر انطر شهر وراح تجنى مبلغ حلو (650)

واذا تبى زود انطر عليه لغاية شهر مارس واشتر اذا نزل عن 400

 

[zgombi]

يبه مشكور على التحذير .
لكن الحذر من شنو ؟؟؟؟؟؟؟؟؟؟؟؟؟؟؟؟؟
من شنو تحذرنا خلك واضح مانبي كلام مو مفهوم .
وضح وضح السهم زين والا مو زين ؟
او بكل اختصار من شنو الحذر
والله شئ يحير ؟

من شنو الحذر يابوسعود اللي مايهزك ريح .
نبي نعرف وبكلمه وحده بس السهم يسوى اكثر من 500 والا لا ؟
نعم او لا ومن غير زياده ؟
تذكر ولاتنسى ابي كلمه سهم القرين يسوى 500 فلس والا لا .
يا اي يا لا

 

[بوحمد2]

تعوذو من الشيطان تراه حاظر
وتذكرو انكم محاسبين على كل حرف تكتبونه
وخلونا نتناقش بموضوعيه وردو على بعض باسلوب مو بطنازه عشان الباقين يطلعون بمعلومات قيمه مو كل واحد يفرد عضلانه ويسوي نفسه فاهم

 

[* مواطن *]

ياجماعه انا أشوف الكل ربحان السهم طالع عليكم 105 ليش هالتعصب السهم استثمارى بحت والكل يقول حتى الاخوان بالمنتدى يوصون عليه بانه استثمارى اللى باع الله يهنيه واللى ماباع ينطر عليه شويه بالنسبه لى انا بعت النص على 470 والنص الثانى بخليه والحمدالله على الصحه والعافيه

 

[issa7952]

من الذي قام بشراء كمية 15،245،000 سهم على سعر 510 فلس بالصفقه الاولى؟

ودي اعرف اجاباتكم؟

ماكو غيره بو مهدي محمود حيدر

 

[issa7952]

بو فواز ماراح يرد عليك...

بس معرووف رده انا حذرتكم..وانا نبهتكم..

انا بعطيه درع لتحذيره لنا بس راح يسكت او يعطينا نصايح زينه ولما نسأله يرد علينا.


على العمووم السهم مثل ماقال اخوي بو فواز.ومثل ماقلنا السهم 400 وتحت اشتروووووووووووووووووووووووووووووووو

واسهمي محتفظ فيهم..واذا نزل السهم 400 ومتوقع النزل على كل حال راح نخطف الاسهم بالقيمه هذه..

ونشووف والعبره بالنهايه..وابو سعود ماراح تشوفونه اذا سهم سفح

انزين شرينا بس متى توقعك يوصل ال 600 وفوق

 

[جوكوزال]

السلام عليكم
شباب ممكن سؤال ما هو المتوقع لسيناريو غدا مجرد تخمين والعلم عند الله ؟ وهل بدءت اللعبه بين الكبار ؟
ودمتم
اخوكم ابو حمود

 

[قليل البخت]

السلام عليكم
شباب ممكن سؤال ما هو المتوقع لسيناريو غدا مجرد تخمين والعلم عند الله ؟ وهل بدءت اللعبه بين الكبار ؟
ودمتم
اخوكم ابو حمود

اخ ابوحمود صارلك من اول يوم الإدراج وانت تعطي تحاليل اليوم منت قادر تحلل حط اي تحليل يضبط :d

الله لايفقهم خربطونا اليوم المحافظ والله بالعادة انام على ظهري اليوم اتفاجأ يوم قمت من القيلولة ولا اني نايم على بطني :d

 

[الشاهين الحر]

يا جماعة الخير ....
سيضغط السهم لأن السيطرة بدأت تكون بأيدي ألي يبي يشتري أكثر .. وهذه سياسة المحافظ ... أنتم أعطيتوهم السهم فلابد من السيطرة عليه
أنتم سيطرتم عليه 5 أيام .. وهم سيسيطرون عليه للأبد
والله الموفق​

 

[baselko]

شباب شرايكم نشوف السهم عن طريق التحليل الفني السهم علق كم يوم وعمل فجوات واليوم سكر اول فجوه . السؤال وياليت فيدنا فيه اخوانا المحللين هل السهم يكمل تسكير الفجوات ؟ وهل تسكير الفجوات من صالح السهم الأن وبعدين ينطلق كالصاروخ ؟

شباب انا ادري ان السهم الجديد يبيله على الاقل 6 اشهر للتحليل بس المعروف ان السهم اللي يكون فجوات لازم يسكرها وهذا اللي شفناه باغلب الاسهم التي تدرج تشوف تكون فجوات وبعدين تسكرها سواء بالصعود او بالنزول . شرايكم

 

[قليل البخت]

يا جماعة الخير اذكرو الله

السهم راح يطلع راح يطلع طيب خصب بيطلع انتو حاسبين كل يوم حد اعلى وهذا كلام غير منطقي لازم يبوش كم يوم يعني يصير جني ارباح تبديل مراكز فانطرو مني لنهاية الأسبوع الجاي وبتشوفون اللي راح يصير يشهد الله هذا الكلام انا مطبقة على نفسي وشريت فوق الأسهم اللي عندي واللي انا شاريها من الجماعة بس العملية يبيلها قوة قلب ماتلامون من الخرعة لأنكم مطقوقين من قبل ولكن الموضوع واضح مثل عين الشمس 1 + 1 = 2

قودلك للي شرى
وهاردلك للي باع

 

[اليوفى]

كلامك عدل اخوى سهم استثمارى100000000000000%
وانا وياك يشهد على الله انى ما بعت كميتى لانى مو مقتنع بالسعر وللى باع الله يوفقه مع انه يتنى اتصالات بيع بس والله ولا اهتميت لها وبنطر على السهم لى نزل زدت الكميه للى عندى ولى صعد خير وبركه

( خله بالتجورى بيله يوم ويصعد )

[COLOR="Red[SIZE="5"]"]اليوفى[/SIZE][/COLOR]

 

[almaymoni2007]

مسرحيه السهم
http://www.kuwaitse.com/PORTAL/A/Stock/Stock.aspx?stk=526&V=2

 

[فيتو كوراليون]

مسرحيه السهم
http://www.kuwaitse.com/PORTAL/A/Stock/Stock.aspx?stk=526&V=2

مخرجها هندي

وبطل المسرحية ميتاب وشاروخان​

 

[أبو عمر]

يا شباب اذا كانت المحافظ وكبار التجار متفقين على سيناريو اليوم من تنزيل السهم للحد الأدنى ثم تجميعه بالتخويف وارباك صغار المستثمرين مثل ما صار اليوم ، والاحتمال انه يستمر فى الأيام القليلة القادمه ، أكيد جدامهم معركة تكسير عظام بينهم وبين بعض للوصول لمجلس الادارة .. خلال فتره بسيطه (6 شهور ) ..يعنى السهم صاعد صاعد (باذن الله ) وفى وقت ليس بالبعيد .. فليش الخوف من الشراء والدخول معاهم مكاسر .. حتى لو استمروا فى الضغط على السهم ... هذا بالنسبة للمستثمر على المدى القصير .. وأما على المدى البعيد فانتوا كفيتوا ووفيتوا فى هذا الموضوع .؟

عنى شخصياً ما زلت محتفظ بأسهم الاكتتاب وزدت عليهم اليوم .. وماكو شى مخوفني .. وأنا تونى أحبى فى البورصه .. ولو صار شنو ما صار هم مانى خسران من جيبى شي لو جمعت الأسهم مع بعض .. يمكن طافنى ربح انى أبيع من فوق وأشيل من تحت .. بس هذا رزق مقدر من رب العالمين ..ولن أقول لو كان كذا لكان كذا .. لاكنى بالتأكيد ما خسرت من رأس مالى شى .. والحمد لله .
واللى يقول شروا وانطقوا على راسهم .. يمكن المضاربين بالسهم !
عن نفسى راسى ما يعورني والحمد لله .

عندى سؤال لأساتذتى الكبار فى المنتدى :
الشخص أو المحفظه اللى شالت مليون ونص فى آخر نص دقيقه على 460 .. هل هدفهم يقطونهم باشر أول التداول للتخريع مرة ثانيه لشفط المزيد من أسهم الصغار من اللى كانوا مترددين يقطون اليوم ؟