الحنين إلى أيام الطفوله

[الفيلكاوي_80]

ولد عمي
عفوا ترى انا مؤنث

عفوا !

تم التصحيح

و تم إجراء اللازم

 

[الفيلكاوي_80]

أتذكر قبل يا جماعه لما كنا نرجع من المدرسه الساعه 1.30 الظهر و نتغدى و نقعد نلعب لما الساعه 3 العصر ننطر راعي (البرد)

نكون مزهبين الدينار قبل لا أيي

أهو من يقول برررررررررررررررريييييييييييد أحنا طالعين له عند الباب هاها

و نطمر فوق العربانه مالته و نشوف داخلها شنو عنده برد

 

[yoyo1983]

أتذكر قبل يا جماعه لما كنا نرجع من المدرسه الساعه 1.30 الظهر و نتغدى و نقعد نلعب لما الساعه 3 العصر ننطر راعي (البرد)

نكون مزهبين الدينار قبل لا أيي

أهو من يقول برررررررررررررررريييييييييييد أحنا طالعين له عند الباب هاها

و نطمر فوق العربانه مالته و نشوف داخلها شنو عنده برد

احلى موقف انا كنت انطر راعي البرد نطره لووووووووووووول

مشكووور على الصفحه القيمه الي اتذكرنا بأيامنا الربيييييئه​

 

[سفير]

السلام عليكم وتقبل الله طاعتكم و عيدكم مبارك


أذكر من أيام اول بالعيد التزقرت باللبس و الفرق الي على كتر لازم علامه مميزه وكلشي فيك يلق ولا من زود الوناسه والخوف على الكشخه لا تخرب نظل واقفين ونعيز من الوقفه بس خوف لا تعفس الدشداشه من القعده ولا عاد البنات خواتي أكثر ناس تخاف حتىعلى لبسها لا تحوشه الطوفه شوف عاد التخرع منا
والخنيينه بالعيد شي عجييييب دهن العود الي تحط منه الوالده مسحه على شفه الحلج تحت الخشم مادريي ليش يمكن على شان نظل مستانسين ان الخننينه ما راحت و الباجي بيدها الوالده الله يطول بعمرها تمسحه مسح على الخدين لدرجه طولهم يوصل لي الحنج ولا عاد عطر أنيس أنيس شغل لندن أول ما يطلع إلا للعيد بس يحليلها الوالده ما تخلي أحد إلا ما سوت له مكس بس صج أيام ما تنسي ولا من زود الوناسه أول ما تطلع ماما أنيسه ولا مسرحية السندباد البحري تلاقينا حطينا المسند تحت الراس و تسدحنا جدام التلفزيون ونسينا الكشخه أيه خوا برنامج ماما أنيسه يوزعون خوش جوائز اشكبر كل وحده

 

[الفيلكاوي_80]

احلى موقف انا كنت انطر راعي البرد نطره لووووووووووووول

مشكووور على الصفحه القيمه الي اتذكرنا بأيامنا الربيييييئه​

طلعتي نفس حالتنا أستاذه ليلى تنطرين راعي البرد لوول

يا حلوها من أيام

العفو طال عمرج

الله يعطيج الصحه و العافيه

أيامنا شنو ؟ ( الربيييييئه ) ؟

 

[الفيلكاوي_80]

السلام عليكم وتقبل الله طاعتكم و عيدكم مبارك


أذكر من أيام اول بالعيد التزقرت باللبس و الفرق الي على كتر لازم علامه مميزه وكلشي فيك يلق ولا من زود الوناسه والخوف على الكشخه لا تخرب نظل واقفين ونعيز من الوقفه بس خوف لا تعفس الدشداشه من القعده ولا عاد البنات خواتي أكثر ناس تخاف حتىعلى لبسها لا تحوشه الطوفه شوف عاد التخرع منا
والخنيينه بالعيد شي عجييييب دهن العود الي تحط منه الوالده مسحه على شفه الحلج تحت الخشم مادريي ليش يمكن على شان نظل مستانسين ان الخننينه ما راحت و الباجي بيدها الوالده الله يطول بعمرها تمسحه مسح على الخدين لدرجه طولهم يوصل لي الحنج ولا عاد عطر أنيس أنيس شغل لندن أول ما يطلع إلا للعيد بس :d يحليلها الوالده ما تخلي أحد إلا ما سوت له مكس بس صج أيام ما تنسي ولا من زود الوناسه أول ما تطلع ماما أنيسه ولا مسرحية السندباد البحري تلاقينا حطينا المسند تحت الراس و تسدحنا جدام التلفزيون ونسينا الكشخه أيه خوا برنامج ماما أنيسه يوزعون خوش جوائز اشكبر كل وحده

الله يخليلك الوالده و يطول بعمرها

لا و نكون مذهبين الدشداشه و عزكم الله النعال من بليل علشان نكشخ فيهم الصبح بالعيد


الله يعطيك العافيه ولد عمي

عطنا من ذكرياتك بعد إذا عندك

الله يحفظك من كل شر . أمين أمين أمين

 

[الفيلكاوي_80]

أتذكر أيام العيد قبل . كنا نروح يوم البحار مع الاهل

كان في لعبه نركب فيها و يدزنا الهندي و يقوووول ( حياكم الله و حياكم ) و قبل فتره وديت الاهل سمعت الهندي يقول ( من حبنا لها )

لووووول


و بعد اللعب نطيحله مشاوي و خبز إيراني و قوري شاي

 

[nestla]

هذي قصتي مع (( أخو دنيا ))

في يوم من الايام كنت مقدم على لجنه في وزاره و كانت اللجنه عباره عن ثلاث أشخاص طبعا أنا ما أعرف أساميهم ولا أعرف منو أهمه

و كنت محتاج موافقة هل لجنه ضروري ضروري ضروري ... الخ

المهم رحت حق موعد اللجنه و أنا خايف و مرتبك و ما كان عندي واسطه بعد الله سبحانه و تعالى

و لما دخلت عليهم و سلمت جان يفز واحد فيهم و يطلع من ورى الطاوله و يسلم علي . طلع واحد من زملاء الدراسه من الابتدائي لي الثانويه و بعدين فرقتنا الدنيا و كل واحد راح بحال سبيله
المهم جان يقول حق الي معاه لازم نمشي شغل محمد هذا مو مراجع عادي هذا أخو دنيا

سبحان الله ردت فيني الذاكره لايام قبل الي كان أكبر همنا اللعب و التمشي و الوناسه و الضحك و اليوم تدور الدنيا و ألقى هل شخص و يقولي (( أخو دنيا ))

تأثرت بهذي الكلمتين وايد

و حمدت الله و شكرته على تسخير هل شخص لي في هذي اللجنه

ماشاءالله هذه الصفه موجوده بأغلب الرياييل انهم يضلون اصدقاء مدى الحياة وما ينسون بعض مهما فرقتهم الدنيا , ماادري ليش احنا الحريم مو مثلكم

 

[قلم حر]

ماشاءالله هذه الصفه موجوده بأغلب الرياييل انهم يضلون اصدقاء مدى الحياة وما ينسون بعض مهما فرقتهم الدنيا , ماادري ليش احنا الحريم مو مثلكم

من نحاسة الحريم انها مستحيل تحب حرمه اوبنت الا اذا كانت امها ويمكن تحب اختها

 

[nestla]

من نحاسة الحريم انها مستحيل تحب حرمه اوبنت الا اذا كانت امها ويمكن تحب اختها

مو هذا قصدي انه ما نحب احد
الي اقصده ان بس ننشغل عن بعض او نفترق بعد الدراسه او اذا انتقلنا من شغلنا خلاص ننسى بعض و حتى لو شفت الي اعرفها بالشارع نشوف بعض كأنه اول مره بحياتي اشوفها
ماادري ليش كل نسويه نفسنا ما نعرف بعض

 

[قلم حر]

مو هذا قصدي انه ما نحب احد
الي اقصده ان بس ننشغل عن بعض او نفترق بعد الدراسه او اذا انتقلنا من شغلنا خلاص ننسى بعض و حتى لو شفت الي اعرفها بالشارع نشوف بعض كأنه اول مره بحياتي اشوفها
ماادري ليش كل نسويه نفسنا ما نعرف بعض

اذا هن ناكرات العشير شلون عاد مع صديقاتهن

 

[الفيلكاوي_80]

ماشاءالله هذه الصفه موجوده بأغلب الرياييل انهم يضلون اصدقاء مدى الحياة وما ينسون بعض مهما فرقتهم الدنيا , ماادري ليش احنا الحريم مو مثلكم

الحمد لله أنها موجوده في أكثر الرياييل . بس في بعض الرياييل ( أنطوائي ) على نفسه

ما عندي تعليق على الحريم ( أنتو أخبر بأمور الحريم )

 

[الفيلكاوي_80]

تتذكرون يا جماعه

لما كان يفتح التليفزيون الصبح الساعه 9 و يحطون النشيد الوطني و بعدها يحطون القرأن الكريم و بعدها باباي



الله يرحمها من أيام

 

[nestla]

احلى باباي كان العم وحيد , وقتها كنت اشتري شريط فيديو و اشوفه 100 مره لين ما يخترب .

 

[الفيلكاوي_80]

احلى باباي كان العم وحيد , وقتها كنت اشتري شريط فيديو و اشوفه 100 مره لين ما يخترب .

قصدج المفتش وحيد ؟؟

كان في وايد بابايات ( السنافر + بل و سبستيان + هايدي + سالي + جراندايزر + الرجل الحديدي + جونقر + أبطال الملاعب (حميدو) + لبيبه و ......... في بعد بس الحين مو ذاكرهم

 

[الفيلكاوي_80]

تتذكرون قبل يا جماعه لما تتصل على شخص بالغلط و تسكر الخط قبل لا يرد و بعد شوي يدق عليك يقولك داقين على هل رقم

عنده ( كاشف ) هاهاها

قبل كشخه إلي عنده كاشف رقم من قده

كانت خدمة أشتراك الكاشف غاليه

 

[nestla]

تتذكرون قبل يا جماعه لما تتصل على شخص بالغلط و تسكر الخط قبل لا يرد و بعد شوي يدق عليك يقولك داقين على هل رقم

عنده ( كاشف ) هاهاها

قبل كشخه إلي عنده كاشف رقم من قده

كانت خدمة أشتراك الكاشف غاليه

ههههه
وفي ناس يدقون ويقولون ( داقين بيجر ) مع انه محد دق عليهم ولاشي

 

[الفيلكاوي_80]

ههههه
وفي ناس يدقون ويقولون ( داقين بيجر ) مع انه محد دق عليهم ولاشي

لووووووول

اي والله ( داقين بيجر )

 

[الفيلكاوي_80]

تتذكرون يا جماعه دعاية ( بيتزا إيطاليا )

إلى حاط إيده على غترته و يركض بالشارع هاهاهاها

يعني يبي يلحق على البيتزا

http://www.youtube.com/watch?v=q98cSXhKyeg

والله أيام حلوه

 

[الفيلكاوي_80]

والله أيام

(( جسوم أي دا يا جسوم )) هاهاها

http://www.youtube.com/watch?v=qXpVhTiePHQ&feature=related


(( شاي الوزه )) هاهاها

http://www.youtube.com/watch?v=K_zEiNPNo5A&feature=related