يالله دام دشيت معناتها لازم أشارك بسالفة ...
كنت في أولى متوسط وكان مادة الانجليزي ذاك الوقت مقررة من أولى متوسط والمدرس آنذاك عصبي وشكله مو صاحي ... كنت فلته بالانجليزي ... ولد جيرانا وياي بنفس الصف وكان طويل القامة وعريض اللي يشوفه يقول عنه كبت نجارة مو بني آدم
, مدرس الانجليزي كله محبط فيه ومسميه ((البغل))
حشا السامع لانه المسكين متعثر دراسيا وعايد السنة !! كان كله يقعد وراي وقت الاختبار عشان أغششه , في اختبار الانجليزي عقب ما خلصت الاجابة قمت نعزت ورقتي على طرف الطاولة ورفعتها عشان يغش من ورقتي قام الحبيب ونسخها نسخ ... سلمنا الاوراق حق المدرس وكل شي عادي ... اليوم الثاني قام المدرس يوزع أوراق الاختبار علينا مرة ثانية بعد ما قام بتصحيحها عشان نشوف درجاتنا بإختبار الامس ... وزع على كل الطلبة ما عدا آنا و ((البغل)) حشاكم , ما مداني أبطل حلجي ولا المدرس يناديني أنا وصاحبي .... وطلع الخزرانة وطاح فينا تلسب عاد آنا عيني قوية شوي وكنت أحتج واقوله ليش ليش إطق شمسوين !!!! والمدرس ملخ فينا..
قال المدرس :شو ولاه مفكرني حمار إنتا وياه !! ((حشا السامع))
قلت له : ليش !!!
قال المدرس :هالبغل غاشش منك مو هيييييييييك ؟؟
قلت له : لا حشا استاد
قال المدرس : فيه سؤال بالإختبار يقول ((what is your name ?)) والبغل هيدا حاط إسمك في إجابة هالسؤال معناته إنه غاشش منك !!!
هنيه آنا خقيت !!! قلتله زين جم درجتي يعني برقع السالفة
؟ قاللي درجة كاملة إنت ويا البغل بس وحياتك ما تاخد غير صفر انت وياه .
طلع البغل مسوي كوبي وبيست حق ورقة اجابتي حتى الاسم ناقله ...يعني مخه مو مييييييييح بالانجليزي إلا راسه قوطي مصدي
!!
هاذي مشاركتي والسموحة على الإطالة .
