هل لديك مشكله مع سيارتك ؟؟ تفضل واعرضها وان شاء الله تنحل

[liger79]

ارسلى احد الشباب يقول عنده يوكن 2003


اليوكن لما يحط القير على R اى القرى يأخذ وقت قبل لا يرجع او يأخذ النمره 4 _ 5 ثوانى وبعدين اذا رجع كأن السايد بريك ماسك مايرجع بسهوله ورجه قويه وصوت ضرب حديد قوى ولما يدوس بانزين احيانا يوقف مايرجع مع العلم ان تبدلات القير الاماميه ممتازه جدا

ملاحظه اليوكن دبل قير

اذا احد عنده فكره عن هالخراب ينورنا جزاكم الله خير

يقول افتر على الكراجات مو عارفين واللى يقول القير خربان والثانى يقول المشكله الدبل ووو

اخوي الدبل ان شاء الله مافي شي ولا له علاقه بالقري وتاخير الجير
هذا يبيله تبديل كلشات الجير المتعلقه بالرجوع .. وهاذي ما تصير الا بتجفيت الجير كامل .. ووده عند كراج الباخره ( المعلم امتياز او صلاح الدين )
متخصصين بالجير الامريكي وشغلهم ممتاز ونظيف بس شوي اغلى من غيرهم .. بس ها .. لا يبدل الجير عندهم بواحد مجدد عندهم خله يجفت الجير الاصلي افضل
ومكانهم بالشويخ شارع الكندادراي اللفه الثانية وانت ياي من جهة جسر كيفان​

 

[liger79]

السلام عليكم

يعطيكم العافيه اول شي على الموضوع الحلو وردكم على الاسأله وماشاءالله عليكم فاهمين بالسيارات

شباب انا عندي كابرس 2000 سويت فيه حادث صوب السايق فبدلت كل شي تتصورونه من طرف السايق شيالات معاونات اكسات رنقات تواير بوبرنقات ذراع والطرمبه مالت البانزين مكسوره من اثر الحادث وجسر مكينه كل هذا بدلته والحين طلعلي شي يديد اللي اهو ونة البككس جم واحد قالي تبديل بككس ماكو فايده ان تعدله او شي مادري هل كلامه صحيح او لا وبس حبيت اعرف جم سعر البككس بالسكراب مع التركيب ... وهم حبيت اعرف يعني بعد كل هالاشياء اللي بدلتها تتوقعون راح تطلع خرابات بعد بالسياره عشان اعرف ابيعها ولا اخليها

ادري طولت عليكم ويعطيكم العافيه ماتقصرون شباب

اخوي مع كل احترامي لرأي الاخوان .. فانك طالما انك بدلت الاكسات والبوبرنقات الخلفيه للبككس كون ان طرمبة البنزين مكسوره من الحادث فاكيد الضربه واصله الى الخلف فمن الطبيعي انهم راح يفتحون الكرونه و يطيحون دهن البككس عشان يبدلون الاكسات والبوبرنقات وعشان جذي صارت عندك الونه .. وطالما الصوت خفيف لاتبدله

 

[النوط]

مرحبا اخوي عندي جاكور فيها رجفة اذا وقفت السيارة ترجف وقالوا لي الزنجير فيه مسكات بلاستيك منكسره ياليت تفيدني واذا تعرف كراج زين ورخيص ياليت تفيدني جزاك الله خير

الحل يالغالي الحق علينا

 

[بوفهد2010]

السلام عليكم

اخوي انا عندي وانيت شفر موديل 90 كل ستة شهور لازم اجفت القير كل ما جفتة وبعد ست شهور لازم اول شي يبدي يفلت وبعدها ما يبدل ودايم اللي يخرب قدام يعني قري يمشي ومليت وشريت قير مستعمل ومشى خمس شهور وهم رد نفس السالفة والحين القير امشي واذا ريح يرد نمرة وبعدها يرد يبدل ويرد نمرة ويرد يبدل وانا امشي شنو اتوقع هالمشكلة مع انة الدهن ما يهرب وكل شي تمام ؟؟

 

[wooow]

مشكلتي يا الربع مالها حل يعني

ركب طرمبة لاندكروزرvxr وانسي تخرب او تسمع صوت الطريقه هذى يستعملونها بالسعوديه على طول

 

[liger79]

السلام عليكم

اخوي انا عندي وانيت شفر موديل 90 كل ستة شهور لازم اجفت القير كل ما جفتة وبعد ست شهور لازم اول شي يبدي يفلت وبعدها ما يبدل ودايم اللي يخرب قدام يعني قري يمشي ومليت وشريت قير مستعمل ومشى خمس شهور وهم رد نفس السالفة والحين القير امشي واذا ريح يرد نمرة وبعدها يرد يبدل ويرد نمرة ويرد يبدل وانا امشي شنو اتوقع هالمشكلة مع انة الدهن ما يهرب وكل شي تمام ؟؟

اخوي في عدة اسباب
تؤدي الى خراب الجير بسرعه منها ..
1- حجم التواير و اذا كانت كبيره وحجريه تؤثر بدرجه كبيره
2- اذا كان البككس مو مناسب لحجم الجير والعكس
3- يمكن الجير الي تركبه مو حق السياره وركب جير 700 اربعه غيار ممتاز
اذا كان حجم الوانيت 1500 او جير 900 اذا كان حجم الوانيت 2500
وسامحنا جان طولنا عليك​

 

[teacher]

السلام عليكم.....عندي لكزس Ls400احيانا اذا دعست البنزين....اسمع صوت...جنة صوت البكرات...سالت قالو جنزير الصدر....ممكن احد يشرحلي شالمقصود بجنزير الصدر وتصليحة لازم ينزل المكينة ولاعادي....

 

[teacher]

السلام عليكم

جزاكم الله خير على الموضوع المفيد جداا

أنا عندي مشكلتين المشكلة الاولى المكيف عندي مايبرد لما اكون سافط بس لما

استلم الخط او امشي يصير تمام التمام بس لما اوقف يصير حار جدا

وثاني مشكلة عندي العداد خربان مال السرعه

ودي اعرف بجم اصلحه

وسيارتي مكسيما 2002

ومشكورين وجزاكم الله خير

بالنسبة للمكيف صارت معاي نفس سالفتك....عب غاز ونظف فلتر المكيف وشوف الفرق

 

[بوفهد2010]

اخوي في عدة اسباب
تؤدي الى خراب الجير بسرعه منها ..
1- حجم التواير و اذا كانت كبيره وحجريه تؤثر بدرجه كبيره
2- اذا كان البككس مو مناسب لحجم الجير والعكس
3- يمكن الجير الي تركبه مو حق السياره وركب جير 700 اربعه غيار ممتاز
اذا كان حجم الوانيت 1500 او جير 900 اذا كان حجم الوانيت 2500
وسامحنا جان طولنا عليك​

مشكوور يا الغالي على ردك الطيب

انا فعلا شاري الوانيت وعلية رنقات بس عادي اشوف وانيتات واجد مركبين رنقات على سياراتهم

اشلون اعرف انة هالبككس مناسب لحجم القير

اما الوانيت فحجمه 1500 والجير اللي علية 700 تماتيك كهربا

وشاكرلك ردك الطيب

 

[UNIX]

للرفع

 

[TAHOE]

اول شى مشكورين على هالموضوع وانا بصراحه صارلى 5سنوات وانا طايح بالتأجير بس مو بالتملك يعنى كل سنه على سياره يديده والحمدالله فاك نفسى من عوار هالصناعيه وترى مايفرق السعر عن السياره اليديه اذا كنت تبى تشتريها المهم انا صار معاى كذا حادث والحمدالله جات بالسياره مو فينى المهم التأجير يتحملون كل شى حتى تبديل الزيت يعنى بالعربى انت ماعليك الا اتعبى بانزين وبس

كيف حالكم شباب

انا رايي المتواضع بالتأجير كالتالي
اذا كنت راعي سفرات بالسياره والسياره ما تمل منها باقل من 5 سنوات ومن النوع اللي يحافظ على السياره عليك بالتملك - لان اذا بتسافر بالسياره والسياره تأجير لازم تاخذ كل مره اذن من الشركه

اما اذا كنت من النوع الملول ولا تقعد عنده السياره اكثر من سنتين ومن النوع اللي ريله حاره على السياره وكله حد اللسليتر عليك بالتأجير لان افضللك
هذا رأيي فقط

 

[TAHOE]

شباب نصيحه لكم وكل سنه اسويها - مع بداية كل صبف يعني شهر 5 اسوي الآتي :
اغير دهن الكير
اغير الترموستات مع ماي الراديتر واحط الماي ال coolant
اغير الغايش واشيك على السياره
6 سنوات الحمدلله ماعانيت من حرارة السياره ولا مشاكل الكير وماشيه السياره 260 الف تاهو 99 وخذيت الحين تاهو 2008 واذا انتهت الكفاله راح استمر ان شاءالله على نفس الطريقه

 

[نابليون]

السلام عليكم ورحمة الله وبركاته

يعطيكم العافية يا شباب

عندي سيارة بونتياك قراند Am موديل 1996 4 سلندر وللأمانه شاريه مستعمل ، ومشكلة السيارة العدادات ما يشتغلون ولا واحد فيهم وهم مروحة الراديتر مو شغالة ، فحبيت أوصل مروحة الراديتر دايركت ، اشلون الطريقة ؟؟ حبيت طريقة سهلة وأسويها بالبيت ، وكذلك حبيت أحطلي عداد خارجي حق الحرارة ، هم اشلون الطريقة ؟؟؟

ودمتم في رعاية الله وحفظه

 

[المحمدي11]

السلام عليكم
ممكن مساعدة
سيارتي فيها زلوغ كثيرة و السبب واحد حكها على الحديدة، وديتها لكذا كراج كلهم يقولون لازم تصبغ السيارة أو تصبغ الجنب اللي فيه الزلوغ، ونفس الكلام قاله لي معلم التلميع..
فيه حل غير الصبغ؟
وين المحل الكويس و الرخيص ..

 

[سعمران]

السلام عليكم
ممكن مساعدة
سيارتي فيها زلوغ كثيرة و السبب واحد حكها على الحديدة، وديتها لكذا كراج كلهم يقولون لازم تصبغ السيارة أو تصبغ الجنب اللي فيه الزلوغ، ونفس الكلام قاله لي معلم التلميع..
فيه حل غير الصبغ؟
وين المحل الكويس و الرخيص ..

انت تقول واحد حكها على الحديده يعنى بالله شنو رايك فيه حل غير الصبغ . أذا تدور شى رخيص أشترلك قوطى صبغ سبرى بنص دينار من محلات العده وأصبغها جدام البيت وبلا مخاسير .. أو جلاد مال كشاكيل .

على فكره يا شباب بالنسبه للماى الأخضر أو ال Coolant .ز هذا يستخدمونه فى الدول اللى جوها بارد حيل وفيها ثلوج والهدف أنه ما يتجمد الماى داخل الراديتير فأنتم على أى أساس تحطونه بسياراتكم والجو بالكويت حار على مدار السنه ؟؟؟

 

[vette]

انت تقول واحد حكها على الحديده يعنى بالله شنو رايك فيه حل غير الصبغ . أذا تدور شى رخيص أشترلك قوطى صبغ سبرى بنص دينار من محلات العده وأصبغها جدام البيت وبلا مخاسير .. أو جلاد مال كشاكيل .

على فكره يا شباب بالنسبه للماى الأخضر أو ال Coolant .ز هذا يستخدمونه فى الدول اللى جوها بارد حيل وفيها ثلوج والهدف أنه ما يتجمد الماى داخل الراديتير فأنتم على أى أساس تحطونه بسياراتكم والجو بالكويت حار على مدار السنه ؟؟؟

يعطيك العافية
اخوى .:
اول شئ الماى الاخضر اللى تتكلم عنه ال lo coolant مانع تبخر الماء على درجة حرارة عاليه . بالاضافة انه افضل من الماء العادى لان الماء العادى يسبب ترسبات واملاح بالراديتر وبالتالى راح يتسكر الراديتر وترتفع معاك درجة حرارة المحرك .
ثانى شئ ان الماء الاخضر او اى لون ثانى وهو المناسب لدورة التبريد به نسبة تزييت قليلة خاصة لتزييت مضخة الماء والثرموستات عشان مايجيمون
بفعل حرارة الماء والاملاح
ثالث شئ اللى تقصدة وان غير مناسب للجو الحار اسمه anti freez هذا مانع للتجمد ويستخدم للدول اللى جوها اقل من صفر درجة مئوية

* والحين جميع المصانع تقريبا يستخدمون مادة وحدة وفيها هالميزتين
يعنى مانع تجمد + مانع تبخر
وسلامتك.؛

 

[joblak]

يا جماعه انا عندي مشكله ابتلشت فيها ودخت بكراجات الشويخ كلها ولا لقيت اللي يسويها لي انا عندي حوت وواير السايد بريك مقصوص وين الاقي واحد يركبلي اياه ؟

 

[المحمدي11]

انت تقول واحد حكها على الحديده يعنى بالله شنو رايك فيه حل غير الصبغ . أذا تدور شى رخيص أشترلك قوطى صبغ سبرى بنص دينار من محلات العده وأصبغها جدام البيت وبلا مخاسير .. أو جلاد مال كشاكيل .

على فكره يا شباب بالنسبه للماى الأخضر أو ال Coolant .ز هذا يستخدمونه فى الدول اللى جوها بارد حيل وفيها ثلوج والهدف أنه ما يتجمد الماى داخل الراديتير فأنتم على أى أساس تحطونه بسياراتكم والجو بالكويت حار على مدار السنه ؟؟؟

ودك الواحد ما يتدخل فيما لا يعنيه ....

صحيح بعض الناس ودك تبوسه و بعضهم و دك تدوسه ...

 

[السوق توافيق]

السلام عليكم ،،،،

مساكم الله بالخير

عندي مشكلة في سيارتي واتمنى القى حل عند اهل الخبرة

تسكرت دبات التلوث في سيارتي مما ادى الى ارتفاع الحرارة ، واضطريت اني اشيل دبات التلوث واركب مكانها بايبات.

بعد فترة بدأت تطلع معاي مشاكل مختلفه في السيارة ، مره العزم ضعيف ومره طقه في القير ومره رجفه في التبديله الثالثه في القير ولكن مو دايماً يعني أغلب الاوقات، ولما رحت للوكالة قالو ان الدبات اللي شلتهم يجي معاها سنسرات وهذي السبب اللي خلا كمبيوتر السيارة يتلخبط، فلازم اركب دبات مع السنسرات!!

قلنا الحمد لله عرفنا السبب لكن المشكلة طلعت لي في سعر الوكالة حيث انهم قالو ان سعر تركيب دبات التلوث مع السنسرات فوق الأف دينار !!! ولا حول ولا قوة الا بالله.

رحت للسكراب وما لقيت نفسهم!!! دلوني على حل (اذا فيه حل مناسب) (( لا هنتوا ))

علما بأن السيارة هي وانيت فورد F150 موديل 2004

تحياتي للجميع

 

[sanad2007]

السلام عليكم.....عندي لكزس Ls400احيانا اذا دعست البنزين....اسمع صوت...جنة صوت البكرات...سالت قالو جنزير الصدر....ممكن احد يشرحلي شالمقصود بجنزير الصدر وتصليحة لازم ينزل المكينة ولاعادي....

يالغالي معروف عن الكزس كل 190 ألف كم لازم تغير جنزير الصدر وفي كراج مشهور بتضبيط هالشغله وهو كراج شالنجر بجانب النجم الثلاثي