ماهي افضل الاسهم ؟

[rawan78]

oالسلام ..

ارجو اخباري بأفضل سهم للشراء في الوقت الحالي و بسعر الشراء المناسب؟ والى اي مستوى ممكن ان يصل السهم ؟

لانني جديدة على السوق ولا ارغب بتحقيق خسارة في اول تجربة لي في السوق

ارجو المساعدة لاختيار الاسهم التي سوف تصعد

 

[قاروه]

عليكم السلام ..

حياك الله اختي في منتداك وبين اخوانك وخواتك

نصيحه لوجه الله لا تدخلين البورصه او تشترين سهم الا وانتي عارفه

اساسيات التحليل الفني او تاخذين دوره

واهم نقطه توقعي الخساره قبل الربح

وتقيدي بمبدأ وقف الخسائر

بالتوفيق

 

[محمد البدر]

ديري بالج اختي احد يقص علييج ويقولج اخذي مجموعة الفقر (سامي البدر) الا وهيا

المجموعة الدولية . جراند . السياحية . بتروجلف . اصول

تري اكلنا هوا وياه والله يوفقج ويرزقج

 

[عقاب]

oالسلام ..

ارجو اخباري بأفضل سهم للشراء في الوقت الحالي و بسعر الشراء المناسب؟ والى اي مستوى ممكن ان يصل السهم ؟

لانني جديدة على السوق ولا ارغب بتحقيق خسارة في اول تجربة لي في السوق

ارجو المساعدة لاختيار الاسهم التي سوف تصعد

حياك الله

1-الوطنيه العقاريه
2-اجيلتي
3-صناعات متحده

ركزي عليهم ولاتشترين الا بعد ما تتأكدين من كلامي

وشوفي نقاط الدعم والمقاومه

المحللين الي بالمنتدى مايقصرون

 

[rawan78]

مشكورين على ردودكم
بس اشفيكم ما تمدحون لي السوق بشكل عام
جنكم تقولون وخري عنه مع ان الناس تقول انه يربح

 

[بوسعود66666]

الناس اجناس فيهم اللى خسر وفيهم اللى ربح

 

[Sniper Stock]

وعليكم السلام اخت روان..وحياج بين اخوانج واخواتج


اذا مو مستعجله على الفلوس... عندج المجموعه الدولية


سهم اتوقع واصل قووووع وبأعتقادي سعر مشترى لأنه على الدعم

380 و385 فلس سعر الشراء والبيع انتي وقناعتج...بس هالسهم له طمره طيبه متى ..الله العالم

وبرائي خلال اسبوعين بالكثير..

والقرار قرارج..وهذا والله اعلم

 

[noor11]

السلام عليكم
أختي الاخوان ما يخرعونك بس السوق مثل البحر الكبير قبل لا تفكر ين بدخول أي شركه درسيها وشوفي نقاط الدعم والمقاومه وسئلي الاخوان
تراهم ما يقصرون
والله يوفقك

 

[Mr. Eng.]

مشكورين على ردودكم
بس اشفيكم ما تمدحون لي السوق بشكل عام
جنكم تقولون وخري عنه مع ان الناس تقول انه يربح

بالعكس إختي السوق طيب و فيه أسهم طيبه و الرزق بيد رب العالمين
الحمد لله الحين في أكثر من منتدى و كل منتدى فيه المحللين و المطبلين
قرار شراء الأسهم هذا قرارج بس قبل لا تشترين تابعي صفحة السهم بالمنتدى و صفحات المحللين سأليهم عن أي سهم ما يقصرون
إخذي بنصيحة اللي يحط تحليل بمعنى الكلمه مو توصيات إن السهم بيصعد أو بينزل
و الله يوفج إن شاء الله و يوفق الجميع

 

[باش مهندس]

أختي الكريمة

لا تحطين في بالج انج بتربحين وااااايد

مثل ما يقولون من طمع طبع

خلج على الشركات اللي تنزل فلسين مثلا وتصعد فلسين

ربحية حلوة وخفيفة

ما اقدر انصحج بسهم في الوقت الحالي

لأن ما ادري شنو وضع السوق خصوصا مع اقتراب اعلان ارباح الربع الثالث

----------------

مثال مبسط للربح -الخفيف-

اخذي الصفوة (على سبيل المثااااااااااااااااال)
على 174 ... وردي عرضيها على 176

مجرد مثااااااااااااال وليست دعوة للشراء

ربحية 40 دينار تقريبا حلوة في اليوم
عرفتي قصدي
-----------------

نصيحة: وخري عن اسهم البحر
دولية م ا - عقارات الكويت - ايفا - ايفا فنادق
جيزان - المنتجعات

لأن يبيله واحد اعصابه ابرد من القطب الشمالي

 

[Sniper Stock]

نصيحة: وخري عن اسهم البحر
دولية م ا - عقارات الكويت - ايفا - ايفا فنادق
جيزان - المنتجعات

لأن يبيله واحد اعصابه ابرد من القطب الشمالي


هههههههههههههههه الا منتجعات واذكر كلامي عدل ياباش مهندس

 

[السوق الكويتي]

شنو ناويه تسوين اول شي ؟؟

هل تبين تشترين سهم وتخلينه فترة طويلة عندج او تشترين وتبيعين اذا ارتفع على طول ؟؟


اذا ناوية تخلينه فتر وتنطرينه يرتفع اشوي على الراحة .. دوري سهم ينقال عنه ثقيل وارباحه زينة واداء الشركة ممتاز ومستوى السعر مغري ...


المضاربات يعني بيع وشراء بسرعة يبيلها خبرة اشوي وماتنفع لج ابدا !!


ها شنو حاطه ببالج ؟

 

[الجارح]

oالسلام ..

ارجو اخباري بأفضل سهم للشراء في الوقت الحالي و بسعر الشراء المناسب؟ والى اي مستوى ممكن ان يصل السهم ؟

لانني جديدة على السوق ولا ارغب بتحقيق خسارة في اول تجربة لي في السوق

ارجو المساعدة لاختيار الاسهم التي سوف تصعد

اهلا وسهلا اخت روان

الله يوفقك ان شاء الله فى عالم الاسهم

ارجو منكى الدخول على التحليل الفنى واخذ فكره مبدئيه عن الدعم

والمقاومه وعن اشكال رسم التحليل الفنى ونقاط وقف الخساره

لتتمكنى من اتخاذ القرارات

والبحث عن كفيه معرفه ان سهم جيد لاستثمار او من عدمه

وانا لاافضل المضاربات المتهوره حيث انها تحرق جميع راس المال

لانها تسبب الارباك وعدم السيطره على العقل باتخاذ القرارت

بسبب طلبج بسرعه لاتخاذ قرار سريع والقرار احتمال يكون ليس من

صالحكى

اطلب منكى الثريت بالدخول والخروج قدر المستطاع

اشبه البورصه فى ساحه معركه

وفقكى الله فى طلب الرزق ونسالكى الدعاء

 

[بورصة جمبزه]

oالسلام ..

ارجو اخباري بأفضل سهم للشراء في الوقت الحالي و بسعر الشراء المناسب؟ والى اي مستوى ممكن ان يصل السهم ؟

لانني جديدة على السوق ولا ارغب بتحقيق خسارة في اول تجربة لي في السوق

ارجو المساعدة لاختيار الاسهم التي سوف تصعد

اهلا وسهلا فيج بدخولج قرقور السوق لازم تخسرين بالبداية علساس تتعلمين وعلي اساس ما تكون عندج صدمات تذكر ودخولج قرقور الجمبزه قاعده تفكرين بالخساره قبل الربح اذا تبين تكونين بالسوق والقلب الحنين ما ينفع مع سوقنا القلب الحنين تخلينه بالبيت حق ريلج وحق اهلج ولكن لما تدخلين سوق الجمبزه ما ينفع معاه الحنية يا شاطره
مع تمنياتي لج بالربح الوفير موفقه

 

[barbarian]

تمويل الخليج بلا منازع

 

[بورصة جمبزه]

الاسهم كثيره بس توافيج من رب العالمين طبعا ديربالج وعليج بالمطهر اي السهم الاسلامي
بنك بوبيان
بيت الاوراق
اعيان الاستثماريه
القادسية لا عفوا قصدي الساحل بس جنه مو مطهر
انجازات العقاريه
دار الاستثمار
الصفوه
تعمير خليجي
اسمنت ابيض
اسمنق القوين
اسمنت خليج وغيرهم موفقه

 

[باش مهندس]

هههههههههههههههه الا منتجعات واذكر كلامي عدل ياباش مهندس

انا ماسك السهم من شهر 8 ولايعة جبدي منه
عقب ما حطيت الهدف وانا قاعد انطر

بس اللي ما عنده خبرة بالسوق وخصوصا اول مرة يتعامل بالاسهم
صعبة تكون عنده قوة تحمل

عرفت قصدي

 

[kuwaiti_Nice]

oالسلام ..

ارجو اخباري بأفضل سهم للشراء في الوقت الحالي و بسعر الشراء المناسب؟ والى اي مستوى ممكن ان يصل السهم ؟

لانني جديدة على السوق ولا ارغب بتحقيق خسارة في اول تجربة لي في السوق

ارجو المساعدة لاختيار الاسهم التي سوف تصعد

حياج الله يا روان وانشالله الله يرزقنا اجمعين يارب

وانا اقولج بالبدايه اخذي الاسهم الرخيصه احسن لج لين تتعلمين اكثر
عن السوق وتكون عندج خبره فيه

بس اقولج اخذي سهم أصول ..

وبالتوفيق انشالله

 

[*بو عبدالله*]

بسم الله الرحمن الرحيم

اول شي انصحج بانج تكونين مستثمرة بمعني انك تشترين السهم وتنطرين مدة من شهر الى سنه وتشوفين السعر المناسب للبيع بعد ما يرتفع وتبيعين

طبعا خلال الفترة هذي بتكونين حاطة فلوسج بالسوق فشي طبيعي انج بتتابعين حلالج خصوصا انها اول تجربه وراح تحاولين تبحثين بهالفترة راح تكونين حصيلة جيدة ان شاء الله من المعلومات عن السوق وطريقة التداول ومن هالامر هذي

اما المضاربة فانصحج انج تبتعدين عنها في البداية لغاية ما تاخذين الخبرة الكافية من السوق

والسوق زين وفيه اسهم ممتازة ما اخذت حاصلها بالصعود

انا عندي جم سهم ممكن تستثمرين فيهم الى توزيعات الارباح القادمة

المجموعة الدولية

الدار

اعيان

تمويل خليج

الاسهم هذي لم تاخذ حاصلها من الصعود خلال ال 3 اشهر الماضية ابدا واتصور ان لها ارباح ممتازة وتوزيعاتها ممتازة ايضا وان شاء الله الى اخر السنه من 20-25 %

والقرار لكم

ودمتم سالمين

 

[goodq8]

اهلا وسهلا فيج بدخولج قرقور السوق لازم تخسرين بالبداية علساس تتعلمين وعلي اساس ما تكون عندج صدمات تذكر ودخولج قرقور الجمبزه قاعده تفكرين بالخساره قبل الربح اذا تبين تكونين بالسوق والقلب الحنين ما ينفع مع سوقنا القلب الحنين تخلينه بالبيت حق ريلج وحق اهلج ولكن لما تدخلين سوق الجمبزه ما ينفع معاه الحنية يا شاطره
مع تمنياتي لج بالربح الوفير موفقه