Master-Leo توصيات + تحاليل + مضاربات

[q8_chamber]

سهم الدار وضعه خاص في شخص عنده السهم خل يبيع كميته وشوف السهم يصعد 3 أيام حد أعلى :d

ماراااح اطلع ​

نزار الرومي + خواله الحمد ( آبار وبرقان )

قاعدين يلمون بطريقه حذره وبدون افصاحات ( 5%)

+

سالفة الادراجات ( أوكيانا - خباري- منازل- استحواذ .....)

والأخ الفاضل عدنان المسلم آخر شي يفكر فيه السعر السوقي

لسهم ( كان يعتبر أفضل سهم بسوق الكويت 2005-2006 من ناحية

الصعود المتنامي والدعم في حالة التصحيح - يطري علي 2005 يوم

ينزل السوق 400 كل الأسهم تحولوا الى (نعل) ونتوا بكرامه الا

الدار ( مايهزك ريح يامركب هوانا 1.240 قاضب سعره ) وبعد ماعدل

السوق جان يقوم ويهز اجتوفه وصار (دينارين ! )

يمكن حالبا

صار سعره نفس سعر ( الباتا ) ... بس محد وقف معاه بالتصحيح

قنت حيلي ... من يدري ... هو نوووز ؟ يجيله يوم على قولة حبيبنا

ماستر ليو ويحس على دمه بوالعدن بعد ما تدبس في بنك بوبيان 20%

ويحاول يصعد سعر الباتا ( آآآآآخ يالقهر 970 فلس ) من 1000 الى

1.080 مبدئيا .... 1.140 ...1.220 .....1.320 ويربح نزار الرومي

واشوفه مره ثانيه بجراند حياة القاهره مع مناف الهاجري ونبيل أمين

يشربون فيمتو ... ويضحكون ... ..

ويحل علي الأجل ويفصخ العقد ...

مو مني .... من الحظ الأقشر ...




الله كريم ...

بروح أنام


​

الله يعطيك العافيه على الشرح


الله يغربل بليسهم

 

[NBK]

مساك الله بالخير

ممكن جيزان بارك الله فيك

 

[ابوفيصل77]

اخ ليووووو

انابيب شررايك فيهاااااااا ؟؟

والله تخرع الارباح الغير محقق ممكن اخر السنه يعطينا شلوتي ويقول ماتحققت

الله يستر

وعطنا نظرتك حق م الاوراق ؟؟


وجزاك الله خير مقدما

 

[MAB]

ماستر ليو بارك الله فيك على خدمة اخوانك المتداولين وانشاءلله يكتب بميزان حسناتك ماعليك امر اخوي ممكن تضبطنا بوضع الدانة و القابضة المصرية بالتحليل الفني وخاصة عليهم توصيات صخر من ناس لهم ثقل بالسوق وجزاك الله الف خير

 

[Master-Leo]

يعطيكم العافيه ان شاءالله عندنا بالعطله يومين نحلل ونسرح ونمرح بالموضوع على كيفنا

وأعذروني انشغلت طول اليوم فماشفت المشاركات

 

[ابوفيصل77]

معذوور ياللي تعذر

ايجازه سعيده

 

[Master-Leo]

ماراااح اطلع ​

الله يعطيك العافيه على الشرح


الله يغربل بليسهم

انت بالذات مابيك تطلع من السهم لأنك ناطر فيه مدة والكلام ماكان موجه لك....

اللي موجه له الكلام عارفه روحه بس خل الطبق مستور

 

[المرسومي]

ترا مو انا

 

[القناص98]

مرحبا ياملك الغابه
شهالتوقيع المتمخطر
حبيت اسلم عليك والله
وامسي علي الاخوان

 

[tareq74]

اخ ليو : شور علي أنا مدبس بجيزان عندي30 ألف طالعه علي 400 شسوي .
أضارب الدوام ما يسمح ( مدرس )
انطر يوصل فوق 400 بعيد
أطلع من السهم أحقق الخسارة صعبة .
ارجو المشورة . و مثل ما يقولون ما خاب من استشار .

 

[ابودعيج]

السلام عليكم ماستر (حبيب الشعب)
بغيت بس بنك برقان .. تفصيل ممل اذا لك خلق .. او هل صج لاسهم واصل دينار ؟ لأن ما حقق هالهدف من قبل ! .. و انا ودي استثمر ..ماكو وقت للمضاربه ؟ اشرايك ؟
.. عسى ما طولتها ؟ :$

 

[Master-Leo]

ماستر لو سمحت وتكرمت
ابي تحليل لسهم افق القابضة
شارية 420

دعم 360 دعم(2) 335 ومقاومه 400 والمؤشرات سلبيه لكن بدت بالتماسك
فإذا مانزل عن 360 ممكن يقترب من مستوى 400 قريبا والله أعلم .

 

[Master-Leo]

ليو حبيبي أبي تحليل لسهم الرابطه خصوصاً بعد التداول القياسي اليوم

تداول فوق الـ 5 ملايين من زمان ما شفنا هالرقم وكان التداول أكثره على 640 فلس

هالسهم بالذات ما استفاد من صعود السوق نهائياً بل بالعكس كان ينزل والسهم بعد ما تفصخ كان على ما أظن 920 فلس والحين نازل تقريباً 300 فلس من بعد التفصيخه وانا ماخذه على 650 فلس أضارب فيه والا أخليه للاستثمار تداول اليوم يقول فه شي ؟

ليما الحين في شارت الرابطه النموذج سلبي وهو الوتد الهابط متى نهايته الله أعلم الحين السهم لازال في

ادنى مستوياته والدعم 630 واذا بنشوفه نفس مستوياته السابقه فأعتقد نحتاج تسكيره أعلى من 700

ليومين متتالين على الأقل حتى نقدر نقول بأن ممكن يوصل للمستوى التالي 750-760 .

وأمس مكلميني عن السهم ان له جولة ساخنه بالاسبوع القادم الظاهر شامين خبر عن أرباح الربع الثالث أو عقد بالطريق الله أعلم

طبعا ماتحمل نتيجة هالتوصيه بس ذكرت لك اللي وصلني والله يوفقك فيه بس اشوفك حاطه بالتوقيع ها ضبطنا

 

[Master-Leo]

اخ ليووووو

انابيب شررايك فيهاااااااا ؟؟

والله تخرع الارباح الغير محقق ممكن اخر السنه يعطينا شلوتي ويقول ماتحققت

الله يستر

كل سهم ارباحه غير محققه يخرع لكن الخرافي أعتقد محافظ على ثبات أسهمه ماشاءالله

الدعم 620-610 ومقاومه 660 المؤشرات غير واضحه بعضها سلبي والآخر ايجابي

الاخ العزيز ممكن تشوف لنا ام القيوين...فيه توصية عليها ..
تحياتي

دعم 242 ومقاومه 260 ومعظم المؤشرات ايجابيه لكن في بعض المؤشرات
الأخرى لم تعط اشارة دخول الى الآن مثل مؤشر الماكد والله أعلم

 

[wal3li 2]

مسترنا لو تسمح عقارات ك ومشكووووور والله يعطيك العافيه على مجهودك يالحبيــــــــــــــــب

 

[Buffett]

ليــــو الله لا يهينك ممكن المباني ؟؟

 

[بوقاسم]

ماستر ليو ما عليك امر تشوف لنا المدينه + نور + اكتتاب
والله يبارك فيك انشاء الله

 

[BO-MUBARAK]

ماستر ليو ما عليك امر تشوف لنا المدينه + نور + اكتتاب
والله يبارك فيك انشاء الله

اي والله بالذات اكتتاب

 

[SWAT]

ماستر ليو ما عليك امر تشوف لنا المدينه + نور + اكتتاب
والله يبارك فيك انشاء الله

المدينة...من غير تعليق

 

[قاروه]

المدينة...من غير تعليق

حي الله بواحمد