Master-Leo توصيات + تحاليل + مضاربات

[q8_chamber]

صبحك الله بالخير ليووووووو


الله يعطيك العافيه على مجهودك الطيب

و التوقيع وايد قوي

 

[q8_chamber]

أسهم للمضاربه ذكرتها في بداية الاسبوع الماضي في موضوع الاسهم المرشحه للصعود :

- عقارات متحده : دعم 194 مقاومه 204 المؤشرات سلبية فممكن جدا ان السهم يلامس دعم 194

ووارد أيضا ملامسة دعم متوسط 50 و 200 يوم وهو يمثل دعم الترند الصاعد 192 وبعدها الارتداد الايجابي ان شاءالله فهذي دعوه صريحه للشراء بأسعار 192-194 .

وقف الخساره لاسمح الله في حال الاقفال 190 وسيكون الدعم التالي 186-184

- استثمارات صناعيه : دعم 218-216 ومقاومه 232 والمؤشرات سلبية فقد يلامس السهم
أسعار الدعم مره أخرى فتكون فرصه مناسبه للمضاربين للدخول والبيع قبل سعر المقاومة المذكور

في حال كسر دعم 216 فيرجى ايقاف الخسارة والدخول الثاني عند 210-212

- الأمان للاستثمار : كسر مقاومه 255 وقعد يرجع لها لتثبيت الدعم أما المقاومه الحاليه 265 وبتجاوزها راح يكون سعر قياسي جديد للسهم والهدف الأول 280

هذي متابعه لهم :

- عقارات متحده حاليا واصله لأسعار الشراء اللي ذكرتها وحاليا الاقفال 194

- استثمارات صناعيه ارتدت من سعر الدعم المذكور وحاليا اقفلت +8 عن سعر الدعم المذكور

- الأمان بعد كسر 255 وصل لأعلى مستوى 275 وحاليا أقفل على 248
واعلنت الشركة عن أرباحها والدعم القادم 240

تكمله لبعض الأسهم المذكورة في موضوع الأسهم المرشحه للصعود بالاسبوع الماضي :

- انجازات : لازالت ان شاءالله التوصيه قائمه عليها وحاليا الدعم 330-335 والمقاومه 355
ومؤشرات السهم بعضها سلبي والآخر فيه تماسك جيد .

- السهم المريض الرابطه : مادري متى صعد من ورانا يومين مالاحظناه وبكميات تداول جيده وجديره بالملاحظة بس عسى مايخونون هالمره

الدعم 670-640 ومقاومه 720 ومؤشراته ايجابيه فممكن يلامس 720 حاليا وفي حال عدم كسر 670 ان شاءالله نتأمل خير ان يكسر 720
للأعلى قريبا ويتجه الى مستويات المقاومه التالية 770-780

- برقان للآبار : دعم 980-970 ومقاومه 1040 والمؤشرات سلبية حاليا ففرصه ايضا للمضاربين للدخول بأسعار الدعم أو قريبه منه

وأيضا هناك كلام عن السهم لكن مانبي نسبق الأحداث الأفضل نمشي
على التحليل لنكتشف اذا كانت الاخبار الايجابيه عنه صحيحه

متابعه لما حدث لهم خلال هذا الاسبوع :

- انجازات وصلت لسعر المقاومه المذكور 355 وأقفلت 345 واعلان أرباحهم
يوم الأحد اعتقد فخل نكون standby وان شاءالله الارباح تكون جيده واشارة الدخول عند الاقفال فوق 355 والهدف 390-395 ان شاءالله

- الرابطه : كما توقعنا ايضا بعد التداول الايجابي ان تخترق 720 وتكمل لبقية
الأهداف لكن صار جني أرباح من مستوى 750 وحاليا سكر 670

راح يكون سعر جيد للمضارب لأن مقترب السعر من متوسط 50 يوم والمؤشرات سلبية فممكن جدا الشراء 670 والبيع قبل 700

- آبار : يحتاج أعلق عليه ؟ مبروك لمن ربح فيه كان السهم النجم بين
الأسهم السته اللي وضعتهم وصعد من 990 الى 1120 وحاليا في مناطق جني أرباح والدعم 1040

المدينة : المؤشرات سلبية ومقتربه من مناطق مبالغة في البيع
الدعم القادم 650 المقاومه 720

نور : مؤشراته سلبيه + الدعم 660-650 ومقاومه 710

صناعات وطنيه : دعم 1820 - 1840 ومقاومه 1920 + المؤشرات مقتربه جدا من مناطق جني الأرباح

موفق ان شاءالله

ياهلا اخوي بوسيف انا بخير عساك دوم بخير

منتجعات : المؤشرات سلبية والدعم 250 ومقاومه 280-285

سهمين للمتابعه مع ضرورة الأخذ بعين الاعتبار مؤشر السوق بصفه عامة واعلانات الأرباح للشركتين للربع الثالث/2007 :

- الأولى للوقود : دعم 465 ومقاومه 480 والهدف الأول في حال كسر المقاومه 510 ان شاءالله

- ميادين : الدعم 128-130 ومقاومه 140 في حال اجتياز المقاومه الهدف 150 ان شاءالله

ياهلا تفضل :

أم القوين : دعم 248 مقاومه 270 المؤشرات ايجابيه لكن في مناطق جني أرباح

الساحل : دعم 465-460 مقاومه 475-480 المؤشرات ايجابيه وبعضها مقترب من مناطق جني الأرباح

عقارات الكويت : دعم 236 مقاومه 255 المؤشرات سلبية والهدف 270-275 في حال كسر المقاومه الحالية

دولية م أ : دعم 265 ومقاومه 300 والمؤشرات سلبية لكن اذا حافظ على الدعم وكسر 300 للأعلى فالهدف الأول 320

الافكو : دعم 238-236 مقاومه 255 المؤشرات بعضها سلبي والآخر ايجابي

جيزان : دعم 330 - 320 مقاومه 370 المؤشرات سلبية وقس حال تجاوز المقاومه فالهدف الأول 395

وعليكم السلام

الوطنيه العقاريه الدعم 600 والدعم التالي 570 ومقاومه 640 والمؤشرات سلبية وغير مستبعد ملامسة الدعم التالي في حال كسر 600

وشوف سهم أجيليتي مؤشراته سلبية حاليا والدعم المتوقع 1640 و 1600ومقاومة متوقعه عند 1700 ( دعم سابق )

فالإحتمال الأكبر ان تداول أجيليتي راح يأثر على أسهم الجروب بصفه عامه لكن من وجهة نظري اعلانات الأرباح هي الفيصل وراح تقطع الشك باليقين

فإذا كانت الأرباح جيده فراح نعرف ان هالأسهم مضغوطه وراح يكون لها ارتداد
قوي من أسعار الدعم ان شاءالله .



الله يعافيك

اكتتاب باليوم اللي كان فيه سعر السهم 210 والتداول قوي عليه وصلتني
التوصيه انه بيوصل 400 والسهم واصل ارتفاعه الى ان وصل الى 350

وللأمانه اذا بنتكلم عن الأرباح فهي ليست بمستوى الطموح وهذا شي طبيعي لكون الشركة زادت رأس المال لكن اذا تبي الكلام اللي وصلني

عنها فوصلني انها راح ترتفع في شهر نوفمبر وتوصل لمستوى اعلى
من 350 لكن شنو السبب ماعندي علم صراحة قد يكون عقد قادم

لكني أخلي مسئوليتي عن هالتوصيه وكأني ماسمعتها الى ان أتحقق
بالتحليل وأشوف الاقفال 315 أو أعلى بكميات تداول عاليه .

تحليليا الدعم 290 وبعده 280-275 ومقاومه 310 والمؤشرات أغلبها سلبية

وعليكم السلام

تم تحليل جراند بالصفحه السابقه

انابيب : دعم 620-610 مقاومه 660 المؤشرات ايجابيه وممكن يلامس المقاومه في محاولة لكسرها

وتكون فرصه للمضاربه لجني الأرباح والاسترجاع بسعر أقل أو الانتظار لحين اعلان نتائج الربع الثالث للتأكد من مدى جودتها .



عقار : دعم 162-160 مقاومه 176 والمؤشرات سلبية

تعمير ك : دعم 168 - 160 ومقاومه 178 والمؤشرات سلبية

أصول : دعم 198 دعم ثاني 194 مقاومه 206 والمؤشرات سلبية
وشفت جدول تغيير الملكيات تبين لي ان المجموعة الدولية قللت حصتها
بالشركة الى 27% تقريبا .

السهم اذا سكر فوق 206 بتداول جيد فبكون مرشح وبقوة للوصول الى هدف أول 216-218

عارف : دعم 600 ومقاومه 640 والمؤشرات سلبية ففرصه جيده للمضاربين
للشراء بسعر الدعم أو قريب منه والبيع قبل المقاومه أو انتظار للاستفادة من إعلان أرباح الربع الثالث
لأن متوقع يكون أكثر من جيد والله أعلم .

ايفا : دعم 920 ومقاومه 970 و 1000 المؤشرات سلبية وتظهر مبالغه
بالبيع

والبحر شايل ايده عنه واضح من كميات التداول ومخلي صغار المستثمرين يبيعون وهو يبيع شوي بعد لتكملة فيلم الرعب .

خروج من السهم في حال الإقفال تحت 920 والله أعلم .

اي طوفته اسمحلي ماشفته

ابراج : الدعم 960 والمقاومه 1020 والمؤشرات في مناطق جني أرباح فأرجو الحذر

مشكور بوعبدالله وشكر خاص و موصول للشخص اللي صمم لي هالتوقيع وقاعد يقرأ الموضوع ويانا



تفضل سهم سلطان : دعم 600-590 ومقاومه 640 والمؤشرات سلبية
أهم شي لايسكر تحت 590 لأن ان سكر تحته فممكن ينزل الى مستوى 540-550 لاحقا والله أعلم .

جروب أجيليتي يبيله متابعه صراحه نزوله غريب بالفتره الأخيره شالسبب مادري
هل ممكن يكون تجميع من كبار ملاكه وتالي يطلعون خبر ايجابي كالعاده ويصرفون على الناس من خلال الاشاعات كل شي جائز .

اسمحلي يا ليو

حبيت اوفر الجهد عليك

قمت بتجميع 90% من تحليلاتك
بسبب تكرار الأسأله ​

 

[Master-Leo]

.
.
.

.
.
.​

يعطيك العافية ليــــو عساك ذخر ان شاءالله وبميزان حسناتك يارب .. عوده حميــده يالحبيب

الله لا يهينك شرايك باللي شاري المدينة بـ 700 ؟​

الدعم القادم 660 والمقاومه 720 (دعم سابق) بعدها مقاومه 780
المؤشرات حاليا سلبية ومقتربه من التشبع في البيع

السلام عليكم

بردر ليو شنو سوي سهم مال بانك بوبيان ومال قورين واجد مشكور ويا هزتين راس

بوبيان الدعم 760 ومقاومه 810 المؤشرات نازله من مناطق جني الأرباح
وممكن يتأسس السهم مابين الدعم والمقاومه حتى دخول جديد على السهم فهدفه المقبل 850-860

القرين : دعم 445 مقاومه 475 والمؤشرات سلبية قليلا ففرصه للتجميع
بأسعار قريبه من الدعم والله أعلم

 

[Master-Leo]

هلا بالطش والرش هلا بملح المنتدى

الحمدالله عالسلامة


ممكن تشوفلنا خرسانة خ (الدولي) العقاري سابقاً

والعلة والنشبة والغثا والسكر والضغط ((اكتتاب))

لان قربت شوتتة

ياهلا بالحبيب سوق

خرسانه : دعم 540 ومقاومه 590-600 والمؤشرات سلبية

الدولي : دعم 680-670 ومقاومه 720 والمؤشرات سلبية

اكتتاب سبق تحليله راجعه بالصفحات السابقة تحليل مطول يلا حريييك لي حالك لشوووووووف وتبحبح

 

[Master-Leo]

اقتراح بتثبيت الموضوع وتسميتة " دار مستر ليو للتوصيات والتحليلات"


ولا شرايكم ؟

الموضوع لنا كلنا مو بس لي كلنا قاعدين نستفيد منه ونأمل بمزيد من المشاركات للجميع

 

[ام غمازات]

شدعوه طوفتني !!!!!!!

السلام عليكم


يعطيك العافيه (م الاوراق) ولا عليك امر


مع تحياتي

عطيتني طاااف !!!

 

[Master-Leo]

عطيتني طاااف !!!

ههههههههههه والله اسمحلي مو قصدي بس من كثر المشاركات مرات ماشوف قايلكم العتب على النظر كبرنا وشيبنا

الدعم 530-520 والمقاومه 570 والمؤشرات سلبية لكن مؤشر واحد معطي
اشارة دخول حاليا والهدف هو المقاومه القادمه

طبعا اللي نسمع فيه الشركة محققه أرباح ممتازة للربع الثالث وهذا بكون
الفيصل في الموضوع بالتوفيق

 

[bu_badory]

صباح الخير

اذا تكرمت ليو ممكن تشوف لنا انابيب ؟؟؟

 

[بو بندر 2000]

ليو صبحك الله بالخير

اش اش على النيو لوك الجديد تبي الصج روعة >> لا يحوشك الغرور عاد

بغيت اسئلك عن المدينة توقعاتك لها ؟

 

[المرسومي]

شهالتوقيع ليو كلش مستانس

شرايك بهذا :​

 

[Master-Leo]

صباح الخير

اذا تكرمت ليو ممكن تشوف لنا انابيب ؟؟؟

صباح الخيرات

تم تحليله بالصفحات السابقه ارجع له أو ارجع للمشاركه رقم 102

ليو صبحك الله بالخير

اش اش على النيو لوك الجديد تبي الصج روعة >> لا يحوشك الغرور عاد

بغيت اسئلك عن المدينة توقعاتك لها ؟

صباح الخيرات تم تحليله أيضا ارجع للمشاركة 102 أو الصفحات السابقه

شهالتوقيع ليو كلش مستانس

شرايك بهذا :​

هلا بالمرسومي شلونك ادري انك متضايق من سهم اكتتاب وقمت انا حطيت تعليق في صفحة السهم الله يعينكم ويصبركم

ومشكور على التوقيع الحلو ياحلو راح أحفظه عندي ان شاءالله

 

[المرسومي]

حاضرين للطيبين

والله كنك تدري لكن الحمد لله على كل حال

بس عاد نبي سهم يعوضنا بعد ما نبيع اكتتاب (بيني وبينك ويكون شرعي )​

 

[Master-Leo]

حاضرين للطيبين

والله كنك تدري لكن الحمد لله على كل حال

بس عاد نبي سهم يعوضنا بعد ما نبيع اكتتاب (بيني وبينك ويكون شرعي )​

ميخالف تصبر على السهم أنا ادري ربحيتهم مو بمستوى الطموح لكن العشم في الأخبار الايجابيه عليه وانا مثل ماذكرت ان شفته سكر فوق 315

ان شاءالله راح نطمئن لوضع السهم وتحقق التوصيات عليه ونشوف آخرتها وياه ومن نخلص منه شي أكيد بنشوف سهم ثاني موفق

 

[alhilo]

السلام عليكم ماستر ليو
لو سمحت سهم الساحل وخصوصا مع النزول اليوم

 

[ام غمازات]

مشكور

ههههههههههه والله اسمحلي مو قصدي بس من كثر المشاركات مرات ماشوف قايلكم العتب على النظر كبرنا وشيبنا

الدعم 530-520 والمقاومه 570 والمؤشرات سلبية لكن مؤشر واحد معطي
اشارة دخول حاليا والهدف هو المقاومه القادمه

طبعا اللي نسمع فيه الشركة محققه أرباح ممتازة للربع الثالث وهذا بكون
الفيصل في الموضوع بالتوفيق

الف شكر لك مع باقه ورد الصراحه مجهود تشكر عليه
على طاري شيبنا الشيب وقار الله يعطيك الصحه والعافيه

 

[Embad3]

ماستر ليو لو سمحت ساعدني

يعطيكالعافيه ماستر ليو .

حبيت اسئلك عن العقارات المتحده خصوصا اني غاص فيه من سنه و نص او اكثر وبردت عليه اكثر من مره لين صار طالع علي ب 250 فلس وحدي مليت من نطرته خصوصا انهم ماعندهم شي الا انهم يطلبون كل يوم و ينطرون انهم المون الاجل مادري لين متى مع مراعات التالي:

1- ال Macad سلبي و توه نازل من قمه وبطريقه لقطع الصفر
2- ال SAR سلبي
3- ال Rsi عندة 40.1 وليس بقرب نقاطه القياسية
4- كسر بشكل سلبي ال 38.20% اللي عند 195.93 بعد نزوله الى 192

اخيرا اخوي اتمنى منك المساعدة. و اذا تنصحني ابيعه بخياره او اني ابرد عليه و عند سعر كمز

و شكرا

 

[Master-Leo]

السلام عليكم ماستر ليو
لو سمحت سهم الساحل وخصوصا مع النزول اليوم

الدعم 440 مقاومه 475-480 المؤشرات لازالت سلبية والحذر مطلوب
خصوصا في أسهم قطاع الاستثمار لأنه الأكثر تأثرا بنزول السوق

بالتوفيق

 

[ابو محمد 2007]

مستر ليو مساء الخير سؤال عن جيزان والدوليه ا م وين الدعم والمقاومه وجعلها فى ميزان حسناتك

 

[Master-Leo]

يعطيكالعافيه ماستر ليو .

حبيت اسئلك عن العقارات المتحده خصوصا اني غاص فيه من سنه و نص او اكثر وبردت عليه اكثر من مره لين صار طالع علي ب 250 فلس وحدي مليت من نطرته خصوصا انهم ماعندهم شي الا انهم يطلبون كل يوم و ينطرون انهم المون الاجل مادري لين متى مع مراعات التالي:

1- ال Macad سلبي و توه نازل من قمه وبطريقه لقطع الصفر
2- ال SAR سلبي
3- ال Rsi عندة 40.1 وليس بقرب نقاطه القياسية
4- كسر بشكل سلبي ال 38.20% اللي عند 195.93 بعد نزوله الى 192

اخيرا اخوي اتمنى منك المساعدة. و اذا تنصحني ابيعه بخياره او اني ابرد عليه و عند سعر كمز

و شكرا

الله يعافيك اخوي حياك الله تفضل

ذكرت بتحليل سابق عن السهم ان ممكن يلامس 194-192 ومتوسط ال 50و 200 يوم وهذا ماحدث اليوم مع نزول السوق

وحاليا مثل ماتفضلت وذكرت لنا المؤشرات سلبية فعلا وأرباحه قد لاتكون مشجعة لكن هذا السهم للاستثمار الطويل

مشاريع مهمه متوقع حصول الشركة عليها ومن أهمها جزيرة فيلكا ومدينة
الحرير يعني تخيل لو ان الشركة تحصل على أحد هذه المشاريع

هل في أحد فينا راح يقدر يصيد السهم بهذه الأسعار ؟؟؟ مستحيل

كل سهم وله يوم ياخوي بس مشكلتنا الصبر لو نقدر نشتري الصبر كنا شريناه يوم شفنا الصفوه 112 ويوم شفنا اسكان 180 ويوم شفنا المخازن ربع دينار ويوم شفنا المشاريع 480 فلس

 

[Master-Leo]

مستر ليو مساء الخير سؤال عن جيزان والدوليه ا م وين الدعم والمقاومه وجعلها فى ميزان حسناتك

ياهلا مساءك الخير

تفضل شوفهم في مشاركة رقم 102 والصفحات السابقه جزاه الله خير اخونا شيمبر جمع لنا عدد كبير من تحاليل الأسهم مع الدعم والمقاومه

بالتوفيق ان شاءالله