الساعة 4 عصراً يبدأ بيع اللانكروزر 2008

[فارس العنزي]

سيتم عرض اللاندكروزر الجديد 2008 بمعارض الساير إعتباراً من اليوم وتحديداً الساعة 4 العصر ، وسيتم الكشف عن الأسعار أيضاً في وقت واحد ( 4 العصر )​

 

[al-hajri]

السلام عليكم
مساك الله بالخير يالعنزي
الحين الساعه 6
عندك خبر بالأسعار يالغالي؟
موفق خير

 

[fahed.111]

نبي العلوم يالعنزي

 

[كنكون]

الاسعار

gxr سته سلندر ب13100
gxr ثمانيه سلندر 13650 مع ونش
vxr بدون شاشه 16400
vxr مع شاشه 17200

 

[sporty]

هذي صورة

هذي صوره الشكل الجديد

 

[خسران جداً]

بالصور بايخ حده اهو واللكزس...بس نبي على الطبيعه شلون صاير؟

 

[ياسر الروقي]

بالنسبه للجي اكس ار اليوكن افضل منه مركب واوسع منه واسرع منه في السفر ماهو ثقيل وارخص منه ب3500 دينار تقريبآ
وجهة نظر للي متعلقه قلوبهم بالجي اكس ار

 

[رهش]

اللكسز أهو إلي مو طبيعي، متى يعرضون أسعارهم؟

 

[al-hajri]

اي والله اتعب عاللكزس يارهش
أحد عنده خبر عن أسعاره؟
جزاكم الله خير

 

[kwt.to.kwt]

شكله حده بايخ

 

[al-hajri]

بالعكس حلو

شكله حده بايخ

الناس أذواق
ولولا اختلاف الأذواق لبارت السلع

 

[ولد^الكويت]

انا عندي الصراحه الشكل القديم للاندكروز احلي من الشكل الجديد

 

[rakan_yes]

اخواني

الاعضااء

المحترمين

السلام عليكم ورحمة الله وبركاته


اخوكم ابورااشد

اليوم الساعه 8 الصبح وصلت من الرياض واليوم هو الاحد تاريخ 11 - 11 - 2007

وسيارتي

هي
لاند كروزر جي اكس ار
موديل

2008 لونه ابيض

من الداخل بيج ويوجد فيه ونش وفتحه وهو 6 سلندر
اشتريته يوم الخميس الماضي من معارض الرياض وبالتحديد منطقه النسيم شارع الاربعين من معرض فلان عشان مايقولون مسوي دعايه

بصراحه

سفرتي هذي اخذت الطريق المختصر للكويت قادما من الرياض
وهو طريق الصمان الفاصل بين الرياض والكويت اي عن طريق قريه العليا


اما بالنسبه للسياره فهي في قمة الفخامه وفيه فرق بينه وبين 2006 او 2007 مع العلم اني ماسافرت على 2007 ولا استعملته

بس فيه فرق اعتقد لان السياره جديده وملاحضه السياره الي انا شاريها وارد سلطنة عمان وفيها بلوتوث ايضا

لاكن بالنسبه للوسع اعتقد ان القديم اوسع منه بشكل ملحوض اما بالنسبه للقياده لاوالله فيه فرق بين القديم والجديد الي اهو 2008 تحس راكب سياره فخمه بالنسبه للسعر

اشتريته بالدينار الكويتي تقريبا مو اكيد بس تقريبا لان الصرف من الدينار للريال رخيص هلايام واعتقد البعض عنده خبر ان الريال السعودي ناااااازل

لاكن السعر اهو 12900 او اقل بقليل يعني 100 او 200 مو اكثر

والحين انشااء الله راح اروح للجمارك احط عليه لوحات كويتيه واشوف سالفة الجمارك اعتقد اني معفي عنها بحكم موديل السياره 2008 ماتفع رسوم جمركيه لانها مدفوعة الجمرك بالرياض سابقا


تقبلوا تحياتي
اخوكم ابورااشد


اقسم بالله العظيم ان ماجاء في هذه المشاركه هو فعلا من ارض الواقع لامن نهج الخيال والله على مااقول شهيد

 

[louzany]

السلام عليكم ورحمة الله وبركاته
الله يعطيك خيره ويكفيك شره
وعلى البركة وجزاك الله خير على المعلومة

 

[خسران جداً]

يعطيك خيره ويكفيك شره يا بو راشد......تنصح فيه يعني؟

 

[التحليل الفني]

الاخ rakan_yes اولا الحمدلله على السلامه ومبروك الموتور والله يعطيك من خيره ويكفيك شره يارب

 

[اهم1]

الاخ rakan_yes اولا الحمدلله على السلامه ومبروك الموتور والله يعطيك من خيره ويكفيك شره يارب

 

[rakan_yes]

الله يجزاكم خير ياارب


اخواني الكرام

بالنسبه للتحليل الي حللته للموتر من خلال استعمالي له هاليومين وطاق طريج من بيتنا للصليبيه موقع الجمارك بالكويت والسرعه الي مشيت فيها وهي 150كم وبصراحه الموتر مو جامد يعني لو تمر من عند تريلا وانتو تعرفون ان الدائري السابع كله تريلات الصبح مثل تريلات حماده وغيره الخ الخ

بصراحه مريت عند تريلا وكانت سرعتي بالظبط 150كم واهتز المووووووتر حده بجد يعني خفت من السرعه وخففت لغاية 120كم حسيت الموتر يروح يمين ويسار

والتنسيم الي في الجام مريت الوكاله وقالولي على الكفاله لاكن موترك انت لالالالالالالالالالا

قلت ليش الموتر جديد ماشي 850 كم بالظبط يعني تمرين قالولي الساير لا لان موترك مو من عندنا شااريه قلت شدعوه كله تويوتا نفس الشيء قالولي لا احنا نكفل بس سياراتنا مو الوكلاء الي خارج الكويت
بس بالنسبه للتنسيم عادي كلهم جذيه


طبعا مو تنسيم مزعج بس تحس في اذا دست فوق ال 150 كم
بس اذا تمشي 100 كم وتحت لا ماتحس بالتنسيم

بس الموتر بشكل عام راكد وخفيف بالقومه يعني مثلا عند اشاره وشبت خضراء الموتر يشيل عمره بسهوله وبسلاسه حلوه وفزته احلا واروع من القديم الي اهو 2006 وتحت


هذي نبذه من واقع استعمالي هاليومين للموتر

وانشااء الله اوافيكم بالجديد

تقبلوا تحياتي
اخوكم ابورااشد

 

[خسران جداً]

الله يجزاكم خير ياارب


اخواني الكرام

بالنسبه للتحليل الي حللته للموتر من خلال استعمالي له هاليومين وطاق طريج من بيتنا للصليبيه موقع الجمارك بالكويت والسرعه الي مشيت فيها وهي 150كم وبصراحه الموتر مو جامد يعني لو تمر من عند تريلا وانتو تعرفون ان الدائري السابع كله تريلات الصبح مثل تريلات حماده وغيره الخ الخ

بصراحه مريت عند تريلا وكانت سرعتي بالظبط 150كم واهتز المووووووتر حده بجد يعني خفت من السرعه وخففت لغاية 120كم حسيت الموتر يروح يمين ويسار

والتنسيم الي في الجام مريت الوكاله وقالولي على الكفاله لاكن موترك انت لالالالالالالالالالا

قلت ليش الموتر جديد ماشي 850 كم بالظبط يعني تمرين قالولي الساير لا لان موترك مو من عندنا شااريه قلت شدعوه كله تويوتا نفس الشيء قالولي لا احنا نكفل بس سياراتنا مو الوكلاء الي خارج الكويت
بس بالنسبه للتنسيم عادي كلهم جذيه


طبعا مو تنسيم مزعج بس تحس في اذا دست فوق ال 150 كم
بس اذا تمشي 100 كم وتحت لا ماتحس بالتنسيم

بس الموتر بشكل عام راكد وخفيف بالقومه يعني مثلا عند اشاره وشبت خضراء الموتر يشيل عمره بسهوله وبسلاسه حلوه وفزته احلا واروع من القديم الي اهو 2006 وتحت


هذي نبذه من واقع استعمالي هاليومين للموتر

وانشااء الله اوافيكم بالجديد

تقبلوا تحياتي
اخوكم ابورااشد

يعطيك العافيه وكثر الله من امثالك ترى كل يوم ادش انا هالموضوع على شان اقرا كلامك وتحليلك عن هالسياره لان بصراحه انا باخذها بس ناطر اشوفها بالشارع تكثر وشلون منظرها ...لان بالمعرض شكلها شي وبالطبيعه شي ثاني

 

[rakan_yes]

اخواني الكرام

خواتنا الاعزاااء

اخوي بالتحديد (خسران جدا ) الله لايجيب الخساره ياارب


المهم

بالنسبه لمشاركتك اعجبتني
لاني بصراحه مفكر ااجر الموتر للشباب واستفيد منه

بس


انت الوحيد الي بخليك تجربه بلاش بس بشرط تترسه لي بانزين هههههههههههه

اتغشمر عن الفكره


بس يالغاالي ولا يهمك لوتبي تجرب القياده ماعندي مانع وابشر بالخير بس انت امر وتدلل والموتر وصاحبه تحت امرك حبيبي

بالنسبه للقياده بصراحه بشكر عام مثل ماقلت سابقااا الموتر يشيل عمره عند الاشاره او المطبه عاد الله ماكثر المطاب بالكويت ترليون مطبه بشارع واحد فيه مدرستين لو 4 مدارس شيسوين هههههههه


الي احس انه مو عاجبني فيه او اخاف اني غلطان بس اعتقد اني مو غلطان اهوي المكيف

احس ان التكييف مو ذاك الزود ملاحظه شوفوا احنا باي شهر يعني مو بالصيف الله يستر لو بالصيف شيصير بالتكيف

اهو مو حاااااااااااار المكيف


بس

موبارد مثل ماتعرفون عن تويوتا او لكزس انهم افظل تكييف

انشااء الله باجر الصبح يوم الخميس بروح للساير واتهاوش معاهم لين يدششون الموتر ويشوفون علة المكيف اهو صج خربان ولا اهم جذيه واقولكم لاني اعتقد محد راح يلاحظ ادااء المكيف لان الصبح وبالليل بارد الجو بس من الظهر ورا احس انه حار الجو

ادري طولت عليكم ياجماعه
اسمحولي


اخوكم ابورااشد