من غير مبالغه والله الشركه تعيسه جدا
انا من سكان عبدالله المبارك (غرب الجليب)) وصارلي سنه مشترك
وبصراحه من شهرين تقريبا رفعووو ضغطي الله لا يبارج فيهم
اشبك 3ج على الاير كارد سيرا 850
ومن اول ماشتركت بالوطنيه احتاج من 3-5 دقايق عشان ادخل السايت اللي ابيه لكن من شهرين لا زيطوها انطر 25 -35 دقيقه عادي
وكله يطلعي لايمكن عرض الصفحه ::verymad:: لا وهو شابك
ولا اكثر شئ يرفع الضغط ((افتح السايت اللي ابيه ولما بنتقل من صفحه لغيرها يطلع روحي لا ومرات افصل وارد اشبك عشان اوصل حق الصفحه
غير ان مرات اقعد ساعه وشوي احاول لما يضيق خلقي وانام
لا وفي امك خير اشتكي عليهم
مسكين تتمرمط عدل
سويت تقريبا اربع شكاوي على 121 في الشهرين ثلاث منهم في 15 يوم الاخيره
تصدقون ان ماحد كلمني من الدعم الفني في كل شكوى يتصلون مره يلقون جهازي مغلق وخلاص بعد مايدقون ولما ارد اتصل 121 يقولون خلاص اهم دقو عليك شحقه جهازك مغلق
لا ومن النحاسه يدقون الساعه 3 العصر 2.30 يدرون الناس اغلبها نايم هالحزه عشان يسجل بالكميوتر عندهم ان اتصل وما حصل احد وخلاص ينتهي الموضوع
بصراااحه اللي ذابحني وباط جبدي ان اشبك بمعدل ساعتين الي ثلاث
باليوم لا وبعد الوحده بالليل يعني لافيه ضغط على الشبكه ولا غيره
لاوالسوق ماادخله يوميا وتصدقون من قبل رمضان ماشبكت الصبح على السوق
وبصراحه الحين افكر احول على زين
مسوين عرض على اي جو السرعه 3.6
ومفتوح و13 دينار بس
مو اللي عندي 14 والسرعه 1.8 وغثوني ربنا ينتقم منهم
ودمتم