شركة دبي الأولى للتطوير العقاري ش.م.ك.م ( دبي الاولى )

[سكارفيس]

670 تقصد وهو الصحيح......هاه أعجبك وحده بوحده(495.520)

شرايك يابن العم


سكارفيس والله أنا أشوف أهداف غير بس خلنا ننطر ونشوف...يمكن الشغله فيها تصريف مثل ما قال واحد من الشباب....أهم شى لا يكسر الترند الصاعد

هههههههههههههه

شغلتين بالسهم مو حلوه وحده بالسهم نفسه و الثانيه بالسوق .الي بالسهم على الشارت الاسبوعي وشمعة الاسبوع الي فات الرجل المشنووووق طبعا هذي الشمعه تأتي بعد ارتفاعات لتعكس الاتجاه والشي الثاني ان سوقنا مايساعد ..
ولا تخاف على ترندك راسمه ..

 

[حاطب ليل]

اما اليومي شوف عندي مثلثين الصغير تم اختراقه وناطر التأكيد اما الكبير توه الناس عليه وعلى تأكيده ...
لكن لو ارد شوي حق المثلث الصغير راح اشوف اختراق وناطر التأكديد اليوم ليعطيني هدف اقل وهو 600 فلس ..

المؤشرات الفنيه :المثلث الصغير :​

1- اغلاق السهم فوق المعدل المتحرك البسيط لي 7-21-34-50 يوم . وجميعها اشارات شراء .
2- لاحظ البولنجر باند ضيق بسيط مع انفراج قوي نوعا ما مع تأكيد اليوم مع كسر ترند ال rsi الى اعلى اشارة شراء قويه ايضا . تتنبأ بضيق بالبولنجرباند وتوسعه وتغير الاسعار عن طريق كسر ترند ال rsi الى اعلى او اسفل اعلى يعنى صعود سهم والعكس صحيح . 3- تقاطع المتوسطات ايجابيه لي 7 مع ال 21 يوم .
4- اشارة شراء من الستوكستك اوكسوليتر السريع .
5- ارتفاع التداول عند كسر السعر للمثلث الصغير ...

الهدف للمثلث الصغير : 630 . تم اختراقه ولكن ننتظر التأكيد اليوم .
الهدف للمثلث الكبير :700 . لم يتم اختراق المثلث . الا ختراق اليوم بإذن الله .
المقاومات على التوالي :
1- 520 . قويه جدا جدا .
2- 530 .
3- 560 .
الدعم : 500 .

والله اعلى واعلم ان شاءالله ان السوق يساعده اليوم ​

ما شاء الله عليك أخي سكارفيس....هدف المثلث المتماثل الكبير عندي أعلى من ذلك...لكن مثل ما تعرف المثلث المتماثل لا يتحدد أتجاهه إلا بكسر وتأكيد الكسر سواء فوق أو تحت.....هي وجهة نظر فلا نفرط بالتفائل حتى يتبين الأتجاه الصحيح

تصدق حتى على فريم النصف ساعه لم يتحدد أتجاه السهم...فعدم الأفراط بالتفائل أفضل في هذ الوقت ولمن خارج السهم يفضل الأنتظار حتى يتأكد الأتجاه بوضوح....
ومن هو داخل بالسهم عليه مراقبة الترند الصاعد التاريخي لا يكسر

 

[سكارفيس]

حاطب الليل ماشاءالله بنفس الوقت المشاركات بس انا سبقتك بثواني شوف شمعة الاسبوع الي فات ..

 

[حاطب ليل]

حاطب الليل ماشاءالله بنفس الوقت المشاركات بس انا سبقتك بثواني شوف شمعة الاسبوع الي فات ..

السبق لك ولا مقارنه فأنت الأول

مثل ما قلتلك عدم الافراط بالتفائل أفضل.....نراقب ونرى ولا يتوهقون أخوانا في كلامنا....فالسوق لن يطير والفرص موجوده كل يوم....والله يبعدنا وياكم عن الهوامير لا يطرحونا ويعلقونا بكراعينا

 

[سكارفيس]

السبق لك ولا مقارنه فأنت الأول

العين ما تعلى على الحاجب​

​

 

[Buffett]

اخوي حاطب وسكارفيس صبحكم الله بالخير .. شفيكم تتساسرون بروحكم من فير الله

الله يعطيكم العافيه شنو توقعكم للسهم يقولون للمضاربه زين ؟

 

[alsharaf]

ان شاء الله نشوف هالسعر يوم الاثنين...
السهم ممسوك وسهل رفعه ...

السهم ممسوك بنسبة 94 %.. مافي موجة بيع ان شاء الله..
وبكسر ال 520 بيروح ان شاء الله 600..

للرفع... مبروكين

 

[سكارفيس]

اخوي حاطب وسكارفيس صبحكم الله بالخير .. شفيكم تتساسرون بروحكم من فير الله

الله يعطيكم العافيه شنو توقعكم للسهم يقولون للمضاربه زين ؟

هلا والله اسمحلي توني اشوف المشاركه لا افى عليك انت تمون على الرقبه بس شرايك اليوم بالسهم وما اعتقد ان للمضاربه لان معدل التداول عليه بسيط مقارنه مع اسهم المضاربه ....

عندي طلب : يرحم والديك شيل الحشره هذي باطه جبدي .. ههههههههههه

 

[سكارفيس]

مبروك لملاك السهم .

تأكيد اختراق المثلث الصغير وكسر المثلث الكبير وننتظر تأكيد كسر المثلث الكبير غدا ان شاءالله ....

 

[سكارفيس]

اما على الاسبوعي :

من الملاحظ ان من الثلاثاء اجازه لغاية الاحد القادم فشمعة الغد الثلاثاء تعتبر نهاية الاسبوع على الشارت الاسبوعي ان شاءالله تتأكد بالكسر الايجابي .

 

[حاطب ليل]

--------------------------------------------------------------------------------

السلام عليكم ورحمة الله وبركاته

هل يستمر ويكسر الترند الصاعد الأعلى من القناه الصاعده التاريخيه. ...أم يعود ويلتزم بخطي القناه الصاعده...

 

[السايلنت]

شباب .. اسهم زيادة راس المال لحد الان ما توزعت ..
شتوقعون يصير بالسهم عقب ما تنزل بالحسابات ؟؟

طالع علينا ب 100 فلس والحين يتداول ب 570
اتوقع الكل بيقط والسهم بيسجل حد ادنى جم من يوم

والا شرايكم ؟

 

[عاشق البدر]

الحمد لله
إغلاق رائع بمثابة عيدية للسهم
وإن شاء الله السهم صاعد 800

 

[alsharaf]

الحمد لله
إغلاق رائع بمثابة عيدية للسهم
وإن شاء الله السهم صاعد 800

اتوقع التغيرات الجديده الحاصله في الملكيات قد تظهر دخول مستثمر استراتيجي..

 

[Cha3bar]

نسبة المزايا في دبي الاولي كانت 76 والان اصبحت 67 الفارق 9 -

نسبة جلوبل في دبي الاولي كانت 16 والان اصبحت 14 الفارق 2 -

الحذر ومتابعة نسب الملكية وشكرا

مع تحياتي واصل

-- / مباشرة بيت الاستمثار العالمي / 16.61%‏ <== البدلية من موقع البورصة

يمكن المساهمين متنازلين حق جلوبل؟ نشوف منو راح يكتتب بالنسبة الباجية أو ال 6 ملايين دينار المتبقية على زيادة رأس المال بعد العيد

 

[alsharaf]

كلمت قبل قليل شركة بيتك، قال كلم دبي الأولى
اتصلت على دبي الأولى، قال كلم جلوبل
اتصلت مع جلوبل، وجلست نصف ساعة على الهاتف
من شخص إلى شخص
قالوا،، نحنه قايلين إنو توزيع الأسهم قبل شهر عشرة راح يكونوا الأسهم بحسابكم
وتونا انتهينا من عملية الاستحواذ على شركة الواجهة المائية وهذا كان سبب التأخير
قلت له أكيد أكيد،، ترى فلوسنا محجوزة من شهرين،، قال لا مائة بالمائة قبل نهاية هذا الشهر ودخول شهر 10 يكونوا بحسابكم
يعني أعتقد إذا مو نهاية هذا الأسبوع خلال الأسبوع القادم بإذن الله
يا ميسر

نبيك عاشق البدر تضغطهم شوي عشان ينزلون لنا الاسهم بالحساب ما صارت

 

[عاشق البدر]

حاضر،،
راح أشغل الكول سنتر الخاص بالشركة لدينا للاتصال الدوري معهم
وتوقع نزول الأسهم بالحساب الأحد غدا أو الاثنين
يا ميسر يارب
صراحة أنا مستعجل عليها لأني أريد أبيع وأشتري بالمجموعة الدولية

 

[alsharaf]

حاضر،،
راح أشغل الكول سنتر الخاص بالشركة لدينا للاتصال الدوري معهم
وتوقع نزول الأسهم بالحساب الأحد غدا أو الاثنين
يا ميسر يارب
صراحة أنا مستعجل عليها لأني أريد أبيع وأشتري بالمجموعة الدولية

خل نضغطهم شوي ما صارت ! بحاول اشخلهم باجر

 

[عاشق البدر]

أعتقد غدا تكون الأسهم في الحساب، حسب إعلان سوق الكويت للأوراق المالية،،
بس الله يستر ونشوف في طلب للبيع

 

[Cha3bar]

السلام عليكم

معلش يعني إذا كان قصدكم من الإستثمار بالسهم يوم قالوا إن في زيادة رأس المال إنكم تساهمون بالزيادة عشان تبيعون الأسهم بعدين كان الأفضل البيع قبل تفسيخ السهم!

وبعدين هذا مو إستثمار، وإن كان يعد إستثمار فإني أراه عالي المخاطرة وما أعتقد إن السالفة تسوى