ياخوك الله يرزقك......بس ما عليه حط لنا الاسعار ما ندري الحين السعر جم او السوم بجم.......يعني انا مو فاهم اذا انت تبي تبيعه او بس حاط صور جذي؟
يعني اذا تبي على السوم قول على السوم وخل الشباب يسومون واذا لك سعر معين ..حده وقول هذا سعري تبون تشترون اهلا وسهلا ما تبون كيفكم...والبرد بالكويت لي شهر 3 وبعدين يخلص وانت حر بالبشوت اللي عندك بس التاجر اللي مايبيع ....ما يربح
وبعدين اذا كان سعر اللي بسوريا ب200 ليره مو شرط يكون بنفس السعر بالكويت...واللي يبي يشتري بشت صدقني لا يدش المنتدى ولا ينطرك تبيعه له يروح يشتريه من السوق.........بس اللي اهني رغابه يعني لازم انك تحط السعر وانا اخوك ...انا واحد من الناس اللي مو محتاج للبشت بس والله ان جازلي السعر يمكن اشتري منك واحد
وماقلت لنا اللي عندك شنو مقاساتهم؟
شاكر لك مشاركتك
بالنسبه للبشت انا قلت عندي قطعه وحده ولو ترجع للأصل ما كانت النيه اني ابيعها لكن الظروف هي اللي خلتني ابيعها والحمدلله سبب البيع ليست الحاجه الماديه
يعلم الله ان عندي غيرها قطعتين وكل قطعه تختلف عن الثانيه وان البشت اللي انا عارضه للبيع اجود من خواته
صحيح ان المثل يقول من حد لد
لكن اذا الشباب يبون من الاخر ما عندي مانع نقول السعر ما ورانا شي
سعر القطعه 8500 ليره سوريه
سعر البيع 50 دينار كويتي
البشت درجه نعومته عاليه واللي ما يفهم بالبشوت مو عيب انه يسأل انا كنت ما افهم
وقت البيع انزل للشاري الثلاث قطع وهو يحكم بنفسه وهذ مو معناته ان البشوت الثانيه نوعها عادي لا كلهم زينه
الله يبارك للبايع والشاري
