تجار سوق الجت ..؟ وينكم ..؟

[(فزاع)]

السلام عليكم ..
كيف الحال ..؟


اخواني بسآلكم ..
شنو اكثر الاسهم اللي لها مستقبل وقاعده تنشرى بسوق الجت ..؟ واللي تنصحوني اشتريها ..؟

 

[market-maker]

انصحك بشراء الشركة الصينية لانه ادراجها في 2008 والسور للوقود في نفس الوقت
واشتر الشركة الشرقية للاستثمار العقاري والراي لك

 

[(فزاع)]

مشكور حبيبي ماركت ..

منو بعد ينصحني ..؟

 

[BOHADI]

مشكور حبيبي ماركت ..

منو بعد ينصحني ..؟

السلام عليكم ورحمة الله وبركاته,,,
أخي الكريم أنصحك بأستحواذ للأسباب التالية,,
1 الأدراج ليس ببعيد جدا
2 هناك بوادر أنفراج في قرارات البورصة بخصوص الإندماج(حسب مشاركة أخونا حمدان الأخيرة)
3 سعر السهم مغري جدا( وطبعا بفضل الأخوة الشريطية سامحهم الله)
4 عدد الأسهم ألي تشتريها سوف يكون كبير مقارنة بالأسهم الثانية
لأن سعر السهم قليل
5 الجمعية العمومية خلال شهر فبراير القادم أعتقد وراح يكون هناك كلام على الإدراج
للعلم أنا أملك أسهم أستحواذ
وهذه نصيحة وطبعا القرار الأول و الأخير لك شخصيا ,,,,
أسأل الله لك التوفيق,

 

[Jalazmi]

انزين اذا بشتري من سوق الجت .. شنو الضمان الي يضمن حقي .. ؟

ابي الخطوات بالتفصيل الملل ما عليكم امر عشان اضمن حقي وانا مرتاح

 

[market-maker]

تشتري ويعطونك عقد مبايعة ويحتفظون في الكمبيالة ووصل الامانة إلي وقع عليهم الشخص البائع حتى يتم ادراجها تبيعها وتستلم فلوسك ويتم تسليم البائع الكمبيالة ووصل الامانة والحمدلله الثقة موجودة بين اهل الكويت وتستفيد ان شاء الله

 

[Jalazmi]

انزين الكمبياله ووصل الامانه وعقد المبايعة .. قانونيه 100% ...؟

 

[market-maker]

لاتحاتي اخوي مايضيع حقك ان شاء الله

 

[market-maker]

الحمدلله ماشين جذي ووصل الامانة والكمبيالة حبل على ارقبت البايع مايقدر يسوي شي

 

[Jalazmi]

دام جذي توكلنا على الله .. ويعطيك العافيه وما قصرت

 

[البيت الخليجي]

الاسهم الحكومية (الصينية - السور ... ) هي اللي فيها كمبيالة و وصل أمانة لكن غالبية الاسهم المتداولة هنا ( منازل- لوسيل-استحواذ-اوكيانا - الخليج القابضة ... الخخخ )
هذه تشتريها و تتسجل باسمك عادي و مافيه لا و صل أمانة و لا شيء بل استثمارك فيها مضمون بإذن الله تعالى ...
و أنا أرشح لك : أوكيانا والخليج القابضة ولوسيل...

و الله يوفقك