الشركة الوطنية العقارية ش.م.ك ( وطنية ) ... 2

[بوجاسم2]

السلام عليكم
يا جماعة تتوقعون باجر افتتاح سوق جم يكون سعر الوطنية؟
وراح يوصل لي جم؟
وأقل سعر ممكن يوصل له باجر جم؟

كل واحد يفتي ويعطينا رايه باللي يشوفه

وقواكم الله

 

[بوجاسم2]

ما أدري .. بس أتوقع يفتتح السوق على 0.680 فلس
وما ظنتي انه راح ينزل عن هالسعر باجر

وأحتمل إنه يوصل لين 0.700 فلس

يا ريت نشوف آرائكم

 

[Master-Leo]

باجر ان شاءالله الصبح اذا الله أحيانا أقدر أدلي بدلوي

لك هذا اذا ماوقفوا السهم عن التداول هههههههه

 

[بوجاسم2]

السلام عليكم

فيه حركة اليوم صارت ما فهمتها !

الساعة 11.39 اليوم (الاثنين) وقف العرض، محد صار يعرض سهمه، ووقف الطلب على 0.680 فلس.

يعني شنو هذا ؟!

معقولة محد يبي يبيع على هالسعر؟ ولا الكل خايف انه يبيع ويصعد السهم ؟؟

يا ريت أحد يفسر لي !

ومشكورين

 

[بوجاسم2]

باجر ان شاءالله الصبح اذا الله أحيانا أقدر أدلي بدلوي

لك هذا اذا ماوقفوا السهم عن التداول هههههههه

لا يا معود فال الله ولا فالك ههههههه

أرووووح فيها والله انا، حاط الحلال كله فيه هههههه

ساعة السودة يوم دشينا هالسوق

الله كريم

 

[Master-Leo]

لا يا معود فال الله ولا فالك ههههههه

أرووووح فيها والله انا، حاط الحلال كله فيه هههههه

ساعة السودة يوم دشينا هالسوق

الله كريم

بالعكس اذا وقفوه عن التداول معناتها في خبر حلو

فيفتح السهم حد أعلى بعد التداول هذا انت شفت

المجموعه الدولية اليوم بعد ماوقفوها ههههه

موفق وإن شاءالله راح تحصل خير من وراه وأي شي يوصلني

بخصوصه راح أطمنك بإذن الله

 

[wawnon]

السلام عليكم
يا جماعة تتوقعون باجر افتتاح سوق جم يكون سعر الوطنية؟
وراح يوصل لي جم؟
وأقل سعر ممكن يوصل له باجر جم؟

كل واحد يفتي ويعطينا رايه باللي يشوفه

وقواكم الله

السلاااام عليكم

إشرايكم بأن أكوووون من أول النااااس فتوى ع السهم!!!!!


الوطنية العقااااارية

 

[بوجاسم2]

بالعكس اذا وقفوه عن التداول معناتها في خبر حلو

فيفتح السهم حد أعلى بعد التداول هذا انت شفت

المجموعه الدولية اليوم بعد ماوقفوها ههههه

موفق وإن شاءالله راح تحصل خير من وراه وأي شي يوصلني

بخصوصه راح أطمنك بإذن الله

تسلم لي حبيبي كنج ليو

عساك دوم عالقوة

السلاااام عليكم

إشرايكم بأن أكوووون من أول النااااس فتوى ع السهم!!!!!


الوطنية العقااااارية

تحليل حلو والله

تسلم إيدك ياخوي

 

[بوجاسم2]

مو قاعدين نشوف توقعات جديدة؟

ناطرينكم أخواني

 

[مراقب فقط]

السلام عليكم

فيه حركة اليوم صارت ما فهمتها !

الساعة 11.39 اليوم (الاثنين) وقف العرض، محد صار يعرض سهمه، ووقف الطلب على 0.680 فلس.

يعني شنو هذا ؟!

معقولة محد يبي يبيع على هالسعر؟ ولا الكل خايف انه يبيع ويصعد السهم ؟؟

يا ريت أحد يفسر لي !

ومشكورين

هذا معناته انه ماكو احد راضي يبيع بهالسعر لان الطلب كبير على السهم وكل مازاد الطلب قل العرض وهذا شيئ ممتاز للسهم واللي بالعاميه نسميه (علق السهم )

 

[بوجاسم2]

هذا معناته انه ماكو احد راضي يبيع بهالسعر لان الطلب كبير على السهم وكل مازاد الطلب قل العرض وهذا شيئ ممتاز للسهم واللي بالعاميه نسميه (علق السهم )

مشكور حبيبي على التوضيح

يعطيك العافية

 

[بوجاسم2]

ننتظر توقعاتكم لباجر الأربعاء

اشرايكم يا اخوان وشتقولون عن سهم الوطنية العقارية اليوم؟؟

يعني أمس قفل السوق على 0.680 فلس، ما كان فيه عروض، بس طلبات.

واليوم فتح السوق على 0.700 فلس !

واستمر يتذبذب بين 0.700 و 0.730 فلس

وقفل السوق على 0.710

وكمية تداول سهم الوطنية اليوم كان: 24,870,000 !

وعدد الصفقات: 706 صفقة.

والصورة المرفقة هي: شارت عمليات سهم الوطنية اليوم:

فشنهي توقعاتكم على سهم الوطنية باجر الأربعاء 21-3-2007؟

على جم راح يفتح السوق؟

وجم أعلى سعر له راح يكون؟؟​

ننتظر توقعاتكم

وموفقين

يا رب

 

[Master-Leo]

السلام عليكم

بوجاسم حط بالك السهم صحيح جيد ويمكن يستمر في الصعود

لكن خل باك من توجه السوق ككل الحين السوق صاعد وقد تمر

عليه مرحله جني أرباح فتابع أوامر البيع والشراء أول بأول عشان

اذا ربحان تطلع بربحك من السهم وتشوف لك سهم آخر بالتوفيق

وللعلم انا بعت كميتي بربح والحمدلله مع ان التوصية اللي واصلتني

من شخصين واحد قالي بتوصل 800 والثاني قالي بتوصل دينار لأن

اللي قاعد يشتري بالسهم ليما الحين ماوقف لكن ماتدري ممكن

في أي يوم يوقف عمليات الشراء فالحذر واجب وموفق فيه ان شاءالله

 

[بوجاسم2]

اللهم إني أسألكم نجاة من النار في الآخرة، ونجاة من الخسارة في الدنيا

السلام عليكم

بوجاسم حط بالك السهم صحيح جيد ويمكن يستمر في الصعود

لكن خل باك من توجه السوق ككل الحين السوق صاعد وقد تمر

عليه مرحله جني أرباح فتابع أوامر البيع والشراء أول بأول عشان

اذا ربحان تطلع بربحك من السهم وتشوف لك سهم آخر بالتوفيق

وللعلم انا بعت كميتي بربح والحمدلله مع ان التوصية اللي واصلتني

من شخصين واحد قالي بتوصل 800 والثاني قالي بتوصل دينار لأن

اللي قاعد يشتري بالسهم ليما الحين ماوقف لكن ماتدري ممكن

في أي يوم يوقف عمليات الشراء فالحذر واجب وموفق فيه ان شاءالله

وعليكم السلام ويا هلا وغلا بأخوي King-Leo

أنا وياك، س يا الغالي أنا في حيرة ...

أنا العام الماضي، جربت الاستثمار، فكانت المنحة 20% والأرباح 20 فلس على كل سهم.

فخوش شي كان والله ياخوي، يعني لو عندك 10000 سهم مثلا، تكون طلعت 2000 سهم منحة ، و200 دينار أرباح

وبعدين خليتهم ونسيتهم.

بس المشكلة إني نساي ، ومو قادر اتذكر جم كان سعر السهم قبل انعقاد الجمعية العمومية، وبعد الإنعقاد.

لأني أذكر إن السهم نزل نزلة قوية، ما أذكر، بس أتصور إنه كان أكثر من 100 فلس .

فإنت اشرايك؟

أخليهم وأنام عليهم وأنطر المنح والأرباح؟

ولا أبيعهم وأفك عمري؟

ولو انت مكاني شتسوي؟

وجم تعتقدون يوصل سعر السهم بعد إنعقاد الجمعية العمومية ؟

يا ريت أسمع رايك وراي الأخوان؟​

وقواكم الله

 

[Master-Leo]

بوجاسم أهنيك صراحه لأن قلبك بارد

أنا لما اشتري احاسب بالفلس هههههه ماخلي شي يسقط سهوا

وهذا اللي خلاني أشترك بالأوسط بدال الدلال بالبورصه لأن مره غلط

غلطة شنيعه جدا كنت ماخذ 10 آلاف سهم بيان وأخذت توزيعهم طلع

عندي الشيك ناقص !! ولا الدلال طلع ماخذ لي 5000 بس قلت

شسوي فيه مادري أطقه

المهم مدام نوعك مستثمر فماقدر أفيدك وايد هذي يبيلها تحليل

أساسي وانا مبتدأ جدا فيه بس عموما لاتحاتي ان شاءالله الخير

ياي بالطريج والشركة معروفه بقوة أرباحها وكافي انها تملك 25%

بأجيليتي ، ان شاءالله تصدق توقعات اللي وصوني على السهم موفق

 

[بوجاسم2]

بوجاسم أهنيك صراحه لأن قلبك بارد

أنا لما اشتري احاسب بالفلس هههههه ماخلي شي يسقط سهوا

وهذا اللي خلاني أشترك بالأوسط بدال الدلال بالبورصه لأن مره غلط

غلطة شنيعه جدا كنت ماخذ 10 آلاف سهم بيان وأخذت توزيعهم طلع

عندي الشيك ناقص !! ولا الدلال طلع ماخذ لي 5000 بس قلت

شسوي فيه مادري أطقه

المهم مدام نوعك مستثمر فماقدر أفيدك وايد هذي يبيلها تحليل

أساسي وانا مبتدأ جدا فيه بس عموما لاتحاتي ان شاءالله الخير

ياي بالطريج والشركة معروفه بقوة أرباحها وكافي انها تملك 25%

بأجيليتي ، ان شاءالله تصدق توقعات اللي وصوني على السهم موفق

مشكور يا الغالي على الرد

بس هم شفيتني بردك ههههه

انا وراي بنيان هههههه ، يعني قاعد أبني، وانت عارف البنيان واشلون ينتف الواحد ههههه ، يعني يمكن أحتاج اني أبيع أكثر من نص اللي عندي خلال مدة ما تتجاوز 6 شهور، فمحتار والله أبيع وأفك عمري، ولا أنطر المنح والأرباح؟

مو خوفك لا عقب الأرباح والمنح ، ينزل السعر نزلة قوية، فما تسوى اللي ربحته واللي عطوك اياه ، يعني بعدها يبي لك تنطر عالسهم 7 ولا ثمان شهور يا الله يرد ينتعش

والله غربللتنا هالبورصة ههههه

لو شاري لي ثقتين ومأجرهم ولا كان أفضل لي من هالدوخة وعمات العين هههههه

تحياتي

 

[العوضى]

بوجاسم و الكنغ بس قطعتوا قلبى , يبا بوجاسم احسن شى استخير وبعدها بيع او انطر , كلامكم خسبقنه , بروحنا على اعصابنا , وانتوا ابيع وما ابيع :d

 

[Abo Yousef]

والله السهم داش مزاجي حيل الشارت ماله تمام والهدف تقريبا 850 انشالله باجر بدش عليه والتوفيق من الله.

 

[مراقب فقط]

الله يرزقك والسهم يستاهل

 

[Master-Leo]

السلام عليكم

العوضي لا لعبنا بأعصابك ولا شي الريال يبي يعرف يبيع الحين ولا ينطر

فالمستثمر ليش يبيع ينطر التوزيع احسن اما المضارب أمثالي طبيعتهم

ياخذون ربحهم من السهم وينتقلون الى سهم آخر وانا قلت لكم التوصيات

اللي وصلتني للسهم وكل واحد حر البيع والشراء مسؤولية شخصيه

وموفقين بالسهم اخواني ان شاءالله اجمعين