ممكن مساعده

[المرشد1]

هل احد منكم يعرف فرع البورصه بالفحاحيل مجمع اجيال
وهل ممكن احد من الشباب الي ينصح بالخير
يكون متواجد هناك ويدلني للشركات المفيده الاسلاميه ذات الاسعار المنخفضه

واكون له من الشاكرين

لاني اروح هناك ابي اتعلم وخبر خير عجزت اعرف للبورصه

 

[خبير النفط]

المجمع الى فى البراحه الى فى ظهر المدرسه الفلبينيه

 

[المرشد1]

نعم صحيح

 

[خبير النفط]

الشركات الاسلاميه موجوده فى الرابط المخصص لها فى اول الصفحه الرئيسه للسوق الكويتى فى المنتدى والله يرزقك

 

[kndor]

الله يوفقك بس فيه شركات اسلاميه وشركات متوافقه مع الشريعه الاسلاميه وكلهم يجوز لك تتداول فيهم
وانصحك ببيت التمويل للتداول الالكترونى لانه تقدر تتداول بالاسهم الاسلاميه المتوافقه وبرنامجهم سريع ومافيه تعقيدات ونفس عمولة المكاتب واسرع حط امر وبنفس الثانيه يتم

 

[المرشد1]

اشكرك اخوي كندور
وياليت توضح لي شلون اتعامل معهم قصدك بالنت ولا اروح لهم
وهل لهم فروع

 

[kndor]

اشكرك اخوي كندور
وياليت توضح لي شلون اتعامل معهم قصدك بالنت ولا اروح لهم
وهل لهم فروع

سهله السالفه اول شي لازم يكون عندك حساب ببيت التمويل بعدين تفعل تمويل اون لاين وبعدين تحول على الاقل 500 لحساب المحفضه بشركة المثنى للتداول التابعه لبيت التمويل وعقب تنزل البرنامج وبعدها تقدر تتداول وكل شى تقدر تسوي تكتتب تنزلك اسهم منحه تشتر تبيع بالسوق الرسمى والكسور
وتحول بين الحسابات وانت قاعد بالبيت او بالدوام تبي وتحويل النقدى بضغطة زر وحده حدد المبلغ وارسل
واذا جيت بيت التمويل يعطونك الخيارات كلها
وازيدك من الشعر بيت عندهم دوانيه ببيتك للتداول بكيفان وشنه بجنوب السره هم تقدر اتداول عندهم واي سوال ثانى ترانى بالشوفه
وسلامتك وتعيش

 

[kndor]

اشكرك اخوي كندور
وياليت توضح لي شلون اتعامل معهم قصدك بالنت ولا اروح لهم
وهل لهم فروع

تقدر تداول عندهم عندهم اجهزة كمبيوتر او عن طريق النت اوعن طريق التلفون انت اختار اللى يريحك
وانا شور عليك تروح وتشوف بعينك فرع كيفان الدوانيه للتداول بالسرداب

 

[المرشد1]

ربي يسلمك
ولا نستغني عن مشورتك يا الطيب
ونعم الاخ والله انت
وانا بكل صراحه غشيم بالاسهم وودي ادخل بس متخوف
وعسي الله يكتب الي فيه الخير

 

[kndor]

ربي يسلمك
ولا نستغني عن مشورتك يا الطيب
ونعم الاخ والله انت
وانا بكل صراحه غشيم بالاسهم وودي ادخل بس متخوف
وعسي الله يكتب الي فيه الخير

بالتوفيق ان شاء الله
واعقلها وتوكل على الله واستخير