دورة المؤشرنت للتحليل الفني
50 دينار كويتي
سبحان الله .. انا لازم كل ما اعرض شغلة لازم ألاقي أمثال الاخ المحترم هذا اللي يكسر في البضاعة ويكسر بالسعر .. لا لشيء الا للحسد وللحسد فقط
طيب انت تقول انها معروضة بـ 380 .... شلون تقول تبيها بـ100!؟!؟ .. اقص ايدي اذا رح تاخذها بدينار!!
اقول بس اتقي الله وروح شوف لك شغلة تفيديك بدنياك وآخرتك
بسم الله الرحمن الرحيم
بالبداية أقول .. الله المستعان!
يا اخي انت قاعد تناقض نفسك بنفسك، وتقول كلمة وترد عليها بنفسك!! .. فسبحان الله يا اخي، مدري شلون تفكر وشلون تتكلم.
أولا: تقول: ((انا ما كسرت في سعر الساعه, شوف عرضي للدايتونا الذهب وغيرها من الساعات التي عرضتها في الموقع. ستجد مثلا الدايتونا سعرها 7 الاف دينار وكانت السومات الف دينار وبعدها واحد يسوم 3 الاف وبعدها واحد يقول 1500 دينار, ما زعلت )).. يعني الشغلة تزعل لكن حضرتك بكرم أخلاقك ما زعلت!! .. طيب يا اخي اللي ما ترضاه لنفسك لا ترضاه لغيرك!!
ثانيا: حضرتك تقول: ((انا اعمل في مجال الساعات فوق 10 سنوات ولي خبره في السومات)) .. معنى كلامك انك تاجر او بمعنى آخر "شريطي" .. هاي مشكلتكم يا التجار والشريطية، تبون تاخذون أي بضاعة بأرخص سعر ممكن حتى تبيعونها بسعر السوق وتستفيدوا وتربحوا على ظهر الناس!! .. وهذا يا طول العمر اللي ما يرضاه ربك .. تذكر انه الله ارسل سيدنا شعيب الى مدّين .. وقال الله سبحانه وتعالى: ((وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ قَدْ جَاءَتْكُمْ بَيِّنَةٌ مِنْ رَبِّكُمْ فَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ذَلِكُمْ خَيْرٌ لَكُمْ إِنْ كُنْتُمْ مُؤْمِنِينَ)) .. فاتقي الله يا اخي مرة ثانية.
ثالثا: تقول: ((وتاكد ان السعر اللي حطيته لك ما فيه اي كسره او تقليل احترام لك)) .. غريب امرك يا اخي، السوم واصل لغاية 185 وانت تجي تقول 100 دينار، انت بهاي الحالة ما قللت احترامي انا بس، انت قللت من احترام الناس اللي ساموا!! .. كأنك تقول انتو اغبياء وما تفهمون وانا الوحيد بالدينا كلها اللي افهم وراح اخذ شغلة بـ 100 دينار بدل من 185!!!
رابعا: تقول: ((ما ادري هل شايفني اقوم بشئ محرم والعياذ بالله, ام ان اسلوبي اسلوب غير مهذب, انت عارض بظاعه وانا عرضت سعر. فلم اتدخل في حياتك الشخصيه ودينك ودنياك واخرتك حتي انت تتدخل فيها)) .. الشيء اللي المحرم يا طول العمر انك تبخس الناس وبضاعة الناس مثل ما ذكرت لك فوق! .. اما عن اسلوبك فشرحت لك ايضا فوق!!
خامسا: انا حاط اسعار الساعة بالدولار، فهذا شيء بديهي يدل اني شاريها من خارج الكويت!! .. ومع ذلك انا مو طالب سعر اعلى من سعر السوق، يعني لو انت على سبيل المثال تشتريها مني بـ 300، فيكفي انك تربح فيها 80 دينار .. وعن الطمع
سادسا وأخيرا .. انا اعتذر كان المفروض اكتب بآخر الاعلان (التجار والشريطية يمتنعون عن السوم)!!
المزاد مازال ساري .. ووصل الى 185 دينار عند الاخت رورا .. والله يكفينا شر الحاسدين والتجار والشريطية
حياك الله اخوي السهم الامريكي .. بالفعل اخونا مشاري أفادنا بسعر الساعة بالوكالة .. وهذي نقطة كبيرة ايجابية لصالح اخونا مشاري .. وجزاكم الله كل خير جميعا
والمزاد وصل إلى 210 عند اختنا رورا
دورة المؤشرنت للتحليل الفني
50 دينار كويتي
